Azterketa egin duten poliziagaien % 90ek ez dute gainditu, eta beste azterketa-deialdi bat egingo dute, premiaz
380 pertsonak soilik lortu dute prozesuaren bigarren fasean sartzea, eskaintzen diren 650 plazak baino dezente gutxiago. Hala, 300 bat plaza bete gabe geratuko lirateke. Ertzaintzak eta EAEko 25 udalerrik batera egin dute lan-eskaintza, eta pandemiaz geroztik egin den LEP handiena da.
Ertzaintzarako premiazko lan-eskaintza publiko bat egingo dute, duela aste batzuk Barakaldoko BECen egindako azterketen emaitza txarrak direla eta. Izan ere, poliziagaien % 90ek ez dute gainditu lehen proba, eta, ondorioz, 300 bat plaza bete gabe geratuko lirateke. Testuinguru horretan, eta sindikatuek eskatuta, Arkautiko akademiak ezohiko lan-eskaintza bat deitu du, udazkenerako.
3.609 lagun aurkeztu ziren Ertzaintzak eta EAEko 25 udalerrik batera egindako lan-eskaintzara, betetzeko zeuden 650 funtzionario-plazetako bat eskuratzeko asmoz. Nabarmentzekoa da pandemiaz geroztik egin den LEP handiena izan dela; izan ere, 473 plaza eskaintzen ziren Ertzaintzarako, eta, 177, udaltzaingoetarako. Horietatik 3.300 lagunek ez zuten lortu lehen proba gainditzea; psikoteknikoa, alegia.
Gauzak horrela, eta azterketarien emaitza txarrak ikusita, gutxieneko nota jaistea erabaki zuten, poliziagai gehiagok aukera izan zezaten, eta, hala, 700 lagunek lortu zuten gainditzeko moduko nota. Hala ere, horietako askok jakintza-proba suspenditu egin zuten. Horrela, lehen baheketa egin ondoren, eskainitako 650 plazetatik 380 izangaik soilik lortu zuten prozesuaren bigarren fasera sartzea.
Kontuan hartu behar da, gainera, zailenak omen diren probak egin gabe dituztela: proba fisikoak, aurrez aureko elkarrizketak eta mediku-kontrolak. Beraz, aurreikusteko modukoa da LEPa amaitutakoan proba gainditu dutenen kopurua are txikiagoa izango dela.
Horrek guztiak arriskuan jarriko luke, alde batetik, erretiroa hartuko duten poliziek libre utzitako plazak betetzea, eta, bestetik, 2030erako aurreikusita dagoen 8.000 agente izatera iristea.n.
Segurtasun Sailak baieztatu du prozesuak 380 pertsona horiekin jarraitzen duela, baina dagoeneko adostu du ErNE, Esan eta Sipe osatzen duten unitate sindikalarekin prozesua amaitutakoan beste LEP bat deituko duela, lehiaketara atera ziren plaza guztiak betetzen saiatzeko.
Sindikatuek prozesuetan aldaketak eskatu dituzte
Sindikatuek eskatu dute azken LEP hori gainditzen duten hautagaiekin bete ezin diren plazak eskaintzeaz gain, erretiroa hartuko duten poliziek libre utziko dituzten plazak ere eskaintzea.
Gainera, ErNEk eskatu omen du Arkautiko Akademian aldaketak egitea, abian jarritako hautaketa prozesuak "asko hobetu daitezkeela" iritzita.
ErNE sindikatuaren idazkari nagusi Sergio Gomez de Segurak adierazi du “albiste txarra” dela, eta uste du Arkautiko akademiak “gogoeta” egin beharko lukeela, “ez baitu lana ondo egin”. Nolanahi ere, argitu du horrelako prozesuetan beharrezkoa dela “hautagai gehiago izatea", lanpostu guztiak bete ahal izateko.
Iñaki Uraga Ertzaintzako Esan sindikatuaren bozeramaileak, berriz, azaldu du “azterketa egiteko tartea murriztu eta proba psikoteknikoak aldatu" egin zituztela.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.