Europa
2025/03/09 - 14:58
Muskek AEB NATOtik ateratzea eta "Europaren defentsagatik ordaintzeari uztea" babestu du
Hala erantzun dio Muskek X sareko erbailtzaile baten mezuari. FEMENek Parisen "epidemia faxista" salatzeko egindako protesta baten bideoari erantzunez, "Atera gaitezen NATOtik, oraintxe!" idatzi zuen hark, eta horren alde agertu da Musk bera.
2025/03/07 - 09:03
Sanchezek iragarri du 2029a baino lehen Espainiak BPGaren % 2 bideratuko duela defentsa gastura
Berez, EBk urte horretarako jarri zuen helburua, baina horren aurretik egingo dutela nabarmendu du Espainiako Gobernuko presidenteak. Dena dela, ez du zehaztu datarik edo bestelako portzentajerik. Sanchezen hitzetan, "gehiago eta hobeto" inbertitu behar da defentsan.
2025/03/06 - 23:32
Mannheimgo erasoaren egileak eskuin-muturrarekin loturak ditu, Exif Rechercheren arabera
Alemaniako Exif Recherche erakundearen arabera, Alexander Scheuermann Reichsburger ideologia duten neonaziak biltzen dituen Ring Bund taldeko kidea da. Mugimenduak Alemaniako Errepublika Federalaren zilegitasuna ukatu eta sistema autoritario batekin ordezkatu nahi du.
2025/03/06 - 16:51
Zer beharko luke Europak bere burua defendatzeko AEBrik gabe?
Donald Trump AEBko presidenteak Errusiaren balizko eraso baten aurrean Europa ez defendatzeko egindako mehatxuek defentsaren eztabaida berpiztu dute. Azterketa batek zifrak jarri dizkie Europako herrialdeei beren burua defendatzea ekarriko liekeenari. Hau da esaten dutena.
2025/03/06 - 09:05
Europa "berrarmatzeko" bermea bilatuko dute gaur Europako buruzagiek, Trumpekin izandako krisiaren ostean
Zelenski Bruselako hitzorduan izango da, Ukrainari laguntza militarra handitzeko neurririk espero ez den arren.
2025/03/06 - 08:42
Macronek Frantziaren arma nuklearrak eskaini ditu "Errusiaren mehatxuaren" eta AEBren "zalantzen" aurrean
Telebistaz nazioari zuzendutako mezu batean ohartarazi duenez, haren ustez "Errusia ez da Ukrainarekin konformatuko" eta AEBk gerrarekiko "jarrera aldatu du". Horren aurrean, Macronen aburuz, Europak bere burua "prestatu" behar du.
2025/03/05 - 08:52
Albiste izango dira: Europa berrarmatzeko bidean, Trumpen hitzaldia Kongresuan eta albaitarien greba
Gaurkoan albiste izango direnen laburpena, bi hitzetan.
2025/03/04 - 18:15
Europar Batasunean gastu militarra areagotzeko Von der Leyenek aurkeztutako egitasmoaren gakoak
Besteak beste, EBren aurrekontuak babestutako maileguak, defentsarako "inbertsioak" defizitaren kalkulutik at uztea, gastu militarra handitzeko kohesio-funtsak bideratzea eta Europako Inbertsio Bankuaren laguntza proposatu ditu Europako Batzordearen presidenteak.
2025/03/04 - 11:03
Von der Leyenek proposatu du "800.000 milioi inguru" mobilizatzea, EBn defentsa indartzeko
'Europa Berrarmatu' planak tresna berria du, eta, horri esker, estatu kideei 150.000 milioi emango zaizkie mailegutan; Ukrainarako ere erabili ahal izango da.
2025/03/04 - 08:08
Ukrainari laguntza militar guztia geldiarazteko agindu du Trumpek
Joan den ostiralean Etxe Zurian Trumpen eta Volodimir Zelenski Ukrainiako agintariaren artean izandako liskarraren lehen ondorioa da AEBko presidentearen erabakia.
2025/03/03 - 20:01
Ukrainak AEBri egindako eskariei eutsiko die eta Trumpek ez du Zelenskiren jarrera "luzaroan" onartuko
Donald Trumpek bilera egingo du arratsaldean bere aholkulariekin, Kievera armak bidaltzen jarraitu ala ez erabakitzeko. Ukrainak segurtasun-bermeak izatea defendatzen du Europak ere eta Europa bera berrarmatzea ere mahai gainean dago une honetan.
2025/03/02 - 23:25
Von der Leyen, Londresko hitzorduaren ostean: "Ukraina eta Europa lehenbailehen berrarmatu behar ditugu"
Europako Batzordearen buruak beharrezkotzat jo du kontinenteak "aurrerapauso erraldoi bat" ematea, defentsa indartzeko. Iragarri du datorren ostegunean, martxoak 6, Bruselan egingo den Europako buruzagien goi-bileran helburu hori betetzeko "plan oso bat" aurkeztuko duela.
2025/03/02 - 16:54
Ukrainarekiko babesa eta Europaren batasuna irudikatu dituzte agintariek Londresen
Erresuma Batuak Ukrainari buruz hitz egiteko deitutako goi-bilerako parte-hartzaileek familia-argazkia atera dute Londresko Lancaster Housen.
2025/03/01 - 22:18
Londresko goi-bilerak Ukrainan bake "justu eta iraunkorra" lortzeko ekimen europarra indartzea du xede
Keir Starmer Erresuma Batuko lehen ministroak Europako 14 herrialdetako buruzagiak hartuko ditu igande honetan, Europar Batasuneko eta NATOko arduradun nagusiekin batera, Ukrainarako bake-negoziazioen aurrean jarrerak batu eta indartzeko.
2025/03/01 - 20:17
Europako buruzagien igandeko goi-bilera prestatzen ari dira Zelenski eta Starmer
Erresuma Batura iritsi da Volodimir Zelenski Ukrainako presidentea, Keir Starmer Erresuma Batuko lehen ministroarekin bildu eta bihar Londresen egingo den Europako buruzagien goi-bilera prestatzeko. Downing Streeteko egoitza ofizialean elkartu dira, dozenaka jarraitzaile inguruan zain zeudela.
2025/03/01 - 16:44
Zelenski Erresuma Batuan da, igandean europar buruzagiek egingo duten goi-bilera Starmerrekin prestatzeko
Keir Starmer Erresuma Batuko lehen ministroak Volodimir Zelenski Ukrainako presidentea hartuko du larunbatean Downing Streeten duen egoitza ofizialean. Zelenski AEBtik zuzenean joan da Londresera, Etxe Zurira bisita negargarria egin ostean.
2025/03/01 - 09:01
Europako agintariek Zelenskiri babesa eman diote, Trumpekin izandako ika-mikaren ondotik
Besteak beste, Frantziak, Alemaniak, Espainiak eta Poloniak babesa agertu diote Ukrainako presidenteari.
2025/02/27 - 09:38
Europari % 25eko muga-zergak ezarriko dizkiola iragarri du Trumpek
Europar Batasuna "AEB izorratzeko asmoz" sortu zela adierazi du eta gaineratu duenez, zergen erabakia "hartuta" dago. Hurrengo egunetan emango ditu xehetasunak, baina, aurreratu duenez, orokorrak izango dira, eta autogintzari eta bestelakoei eragingo diete.
2025/02/24 - 19:03
Pradales: "Gaur, inoiz baino gehiago, Europa sendotzen lagunduko duen Alemania bat behar dugu"
LinkedInen egindako argitalpen batean, lehendakaria pozik agertu da parte-hartze handiagatik eta Alemaniako herriak "demokraziaren alde egin duelako argi eta garbi". "Ultraeskuinaren gorakada zalantzarik gabe oso kezkagarria den arren, ez gaitu fokua desbideratzera eraman behar", gaineratu du.
2025/02/24 - 14:23
Merz kontserbadoreak irabazi ditu Alemaniako hauteskundeak eta sozialdemokratekin osatu ahalko du koalizioa
Garaipenaren berri izan eta berehala, negoziazio prozesuari ekingo diola esan du Merzek, koalizio gobernua osatzeko bidean. Weidel ultraeskuindarrak gobernu horretan sartzeko proposamena egin dio baina Merzek ez du onartu. Scholzek bere porrota onartu eta CDU alderdia zoriondu du.