Brusela lantzen ari den egur-tximinia eta -berogailuen araudiak kezka sortu du ekoizleen artean eta gizartean
Europar Batasunak egur-tximinia eta -berogailuei eragiten dien araudia aldatu nahi du, karbono emisioak are gehiago murrizteko, eta horrek kezka sortu dute gizartean; izan ere, biomasa bidezko berokuntza-sistema oso errotuta dago Euskal Herrian, bereziki landa-eremua. Karbono emisioak murriztea du helburu proposamenak, eta 2027rako, hau da, bi urteren buruan, gailu horien kutsadura heren bat murriztu nahiko luke Bruselak.
Zalaparta handia eragin du albisteak sektorean, mahai gainean dagoen proposamena oso zorrotza delako. Fabrikatzaileek ohartarazi araudia onartuz gero, Europako gailuen ia % 100 desagertuko liratekeela, eta 11.000 enpresa txikiri eta 200.000 enpleguri eragingo liokeela neurriak. Gainera, berokuntza sistema horiek ekoizten, saltzen eta instalatzen dituzten tokiko industriek erabat aldatu beharko lukete beren negozio-modua.
Proposatzen diren neurri zorrotz horien aurrean, egur-tximinia eta -berogailuen fabrikatzaileek Europar Batzordeari eskatu diote araudi berria orekatuagoa eta bideragarriagoa izan dadin, eta epe errealistagoak izan ditzan, bost urtetik zazpira, gutxienez.
Nolanahi ere, ekoizleen arabera, prentsan argitaratu diren titularrek izua eta zalantza eragin dute gizartean, eta argitu dute mahai gainean dagoena zirriborro bat besterik ez dela, eta, bai, kutsadura gutxitzeko bidean araudi berri bat onartuko dela etorkizunean, baina ez horren neurri zorrotzekin.
Otsaila erdialdean ziren proiektua aurkeztekoak, baina Europar Batasunak atzera egin du, momentuz, sortu den arrabotsa tarteko. Nolanahi ere Europar Batasunetik adierazi dute asmoa ez dela egur-tximinia eta -berogailuak debekatzea, 2022az geroztik indarrean dagoen Ecodesign eredua berrikustea baizik.
Europako Batzordeak klima aldaketaren ondorioei aurre egiteko eta horiek arintzeko onartutako araudia da Ecodesign, eta produktu jakin batzuen diseinuari eta merkaturatzeari eragiten die, tartean, egur-tximinia eta -berogailuei. Arauak ekoizleei fabrikazio estandar jakin batzuk betetzera behartzen ditu ekoizleak, energia modu eraginkorrean erabiltzeko eta gasen emisioak murrizteko.
Ikusteko dago, beraz, zer neurri hartuko diren egur-tximinia eta -berogailuen afera honetan, baina argi dagoena da aldaketak, egon, egongo direla.
Zure interesekoa izan daiteke
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.