Zupiria: "Europa mailan ulertu eta onartu behar da hornigaiak pilatzeko EBk egindako eskaria"
Ez zaio berria egin etxean hornigaiak pilatzeko Europar Batasunak egindako eskaria Bingen Zupiria Eusko Jaurlaritzako Segurtasun sailburuari. Gogorarazi du neurri "oso ohikoa" dela Suedia, Norvegia edota Finlandian, han "segurtasuna eta beldurra" beste modu batera bizi dituztelako. "Errusia mugakide izateak eragina" du horretan, eta "neurri bereziak aspalditik" dituzte ezarrita.
__________________________________________
Entzun elkarrizketa osoa, Guau plataforman
__________________________________________
Euskadi Irratian egindako elkarrizketan mintzatu da gaiaz Zupiria, eta azpimarratu du aipatutako herrialdeotan "hezkuntzan ere ikastaroak" ematen dituztela, etor litekeen gerra edo klima hondamendien aurrean nola jokatu erakusteko. "Finlandiak bereziki sustatzen ditu neurri horek, batez ere, hondamendi naturalen beldur delako", erantsi du.
Hori horrela, "Europa mailan onartu eta ulertu behar den kontua" da, sailburuaren esanetan, EBk prestatu duen segurtasun estrategia. Azaldu du, "Europan bizi diren agertokiak aintzat" hartzea ezinbestekoa dela, eta hornigaiak pilatzeko eskaria testuinguru horretan kokatu. "Gu Europaren muturrean bizi gara, eta europar bezala aintzat hartu behar dira Europan bizi diren agertoki ezberdinak. AEBk kinkan jarri gaituen honetan, beharrezkoa da europar guztiok batera jokatzea".
Bestalde, Eusko Jaurlaritzako Poliziaren Biktimen Balorazio Batzordeak Rosa Zarra biktima gisa aitortu dutela eta, erabakia "onartzen" duela eta "esan beharrekoa familiari gutun bidez" helarazi diola azaldu du. "Ez daukat gaiari buruz ezer gehiago esateko. Batzordeak hori erabaki du eta onartzen dut. Ezin ditugu eztabaidak luzatu".
Nolanahi ere, hitzok esanda, gogora ekarri du Zarrak Ertzaintzaren pilotakada jaso zuen urtean (1995) Euskal Herrian bizi zen "indarkeria giroa", eta, besteak beste, "Gregorio Ordoñezen hilketa, Lasa eta Zabalaren kasua, Aldaiaren bahiketa edota Jauregiren Legebiltzarreko eserlekura karea bota zutenekoa" aipatu ditu. Segurtasun sailburu bezala, "defendatzen dut kasu gehienetan Ertzaintzaren jokaera neurrikoa eta profesionala izan zela".
Azkenik, EAJk asteburuan egingo duen IX. Batzar Nagusiaz galdetuta, aitortu du EBB berritzeko prozesuan "ustekabeko gauza asko" gertatu direla, eta "azkeneko agertokia ere" hala dela. Zentzu horretan, alderdiaren "batasuna" zaintzea eta "elkarrekin hitz egitea" jarri ditu erdigunean, "gizarteak sentitu eta lehenetsi dezan EAJren aukera beste batzuen aurretik".
Zure interesekoa izan daiteke
Lourdes Herrasti eta Paco Etxeberria omendu dituzte, memoria demokratikoa berreskuratzeko egindako lanagatik
Gerra Zibilaren hasieraren 90. urteurrena dela eta, Gipuzkoako Foru Aldundiak ekitaldi instituzionala egin du ostiral honetan Aieteko Jauregiaren lorategietan, Giza Eskubideen Etxearen egoitzan.
Negoziatzen ari diren transferentzien inguruko proposamen berriak jaso ditu Jaurlaritzak: Gizarte Segurantza eta portuak
Bi aldeek adostutakoaren arabera, akordioak abuztua baino lehen itxita beharko luke. "Hori da gure epemuga, eta epemuga horrekin lanean ari gara", adierazi du aste honetan Maria Ubarretxena Gasteizko Gobernuko bozeramaileak.
Bingen Zupiria: "Inola ere ez da gure politika inmigrazioa eta segurtasuna nahastea"
Bingen Zupiria Eusko Jaurlaritzako Segurtasun sailburuak nabarmendu du bere Sailaren politika “ez dela inola ere immigrazioa eta segurtasuna nahastea”, Arartekoaren azken agiriaren harira. Horrekin batera, adierazi du euskal gizarteak “eskatzen duela legeak eta arauak betetzen ez dituenarekin, izan kanpokoa edo izan hemengoa, gogorrak izatea”. ‘Basque Segurtasun Foroa: Segurtasun Integrala eta komunitatea’ udako ikastaroaren itxieran egin ditu adierazpenak.
12 urtean pantaila handirik ez duela jarri argudiatu du Aburtok eta Etxeberriak finala Plaza Berrian ikusteko gonbita egin du
Juan Mari Aburto Bilboko alkateak azaldu duenez, Munduko Futbol Txapelketako finala ikusteko pantaila erraldoiak jartzeko eskaera bakarra jaso du Udalak, PPrena, eta onartu egin du. Gasteizko Udalak Plaza Berrian pantaila erraldoia jarriko du eta Maider Etxebarria alkatea Espainiako kamiseta jantzita agertu da kazetarien aurrera eta igandean Plaza Berrira joateko deia egin du.
EAJk eta EH Bilduk Euskal Herriaren eta Estatuaren arteko harreman politiko berri bat aldarrikatu dute adierazpen bateratu batean
Ekimena Foruen abolizioaren 150. urteurrenarekin eta Bergarako Alkate Mugimenduaren 50. urteurrenarekin bat dator; bi efemerideak igande honetan gogoratuko dituzte.
Giza Eskubideen Behatokiaren txosten batek Estatuko aparatuak lotu ditu Perturren desagerpenarekin
40 orrialdeko txosten baten bidez, ondorioztatzen du Perturren desagerpena Estatuko aparatu polizial edo parapolizialen operazio baten ondorio izan zela, eta haren ingurune politikotik etorritako lankidetza batek erraztu zuela.
Eusko Jaurlaritzak gaur espero du Espainiako Gobernuaren transferentzien inguruko proposamen berriak jasotzea
Gizarte Segurantzaren eskumen batzuk eta interes orokorreko portuen transferentzien inguruan negoziatzen jarraitzen dute, eta behin proposamena jasota erabakiko du Jaurlaritzak abuztua aurretik egin beharreko Bitariko Batzordearen bilerara bilerara agertuko den ala ez.
Albiste izango dira: Transferentzien inguruko proposamen berria, Pasai Antxoko geltokiaren inaugurazioa eta Trumpek nazioari eskainitako hitzaldia
Gaurkoan Orain-en albiste izango direnen laburpena, bi hitzetan.
Zeintzuk dira hurrengo urratsak? Epaiak ez du ekarriko Puigdemonti amnistia berehala ezartzea
Carles Puigdemont presidente ohia eta Toni Comin zein Lluis Puig kontseilari ohiak atxilotzeko aginduek indarrean jarraitzen dute. Europako epaia gorabehera, Espainiako Justiziak kasua aztertzeko eta ebazteko ardura du orain.
Madrilgo Auzitegiak berretsi egin du herri-epaimahai batek epaituko duela Begoña Gomez, eta kautelazko neurriak kendu dizkio
Ihes egiteko arriskurik ez dagoela iritzita kendu dizkio aurretik ezarritako kautelazko neurriak, hau da, Espainiatik irteteko debekua, pasaportea entregatzea eta 15 egunean behin agintaritza judizialaren aurrean sinatzeko betebeharra. Hala ere, lokalizatuta egon beharko du une oro.