EBk hornigaiak pilatu ditzaten eskatuko die herritarrei, balizko gerra eta klima-larrialdi bati aurre egiteko
Balizko gerra, klima-larrialdi, zibereraso edota pandemia bati aurre egiteko prest egon behar du Europak. Printzipio hori du ardatz Europar Batasunak (EB) gaur, asteazkenarekin, aurkeztuko duen 'Batasunaren Prestaketa Estrategia' goiburua duen dokumentuak. Espainiako El Pais hedabideak aurreratu ditu txostenaren ildo nagusiak, bere edizio digitalean.
Besteak beste, gerra edota hondamendi natural baten aurrean prest egoteko eskatuko zaie herritarrei. Zehazki, gomendatuko zaie etxean 72 orduan inoren laguntzarik gabe egoteko adina hornigai izatea; horien artean, elikagaiak, sendagaiak, ura eta gailu elektronikoetarako bateriak.
"Prest egon behar dugu eskala handiko krisi egoerei aurre egiteko, estatu kide bati edo gehiagori eragin diezaiokeen eraso armatu bat, tartean (...) hondamendi naturalak izateko arriskua areagotzen ari den honetan, eta Europarako segurtasuna bermatzea geroz eta zailagoa denean, premiazkoa da Europak eta estatu guztiek prestaketa indartzea", dio dokumentuak.
Europa berrarmatzeko 'ReArm' izeneko planaren berri eman eta egun batzuetara aurkeztuko du Ursula von der Leyen EBren presidenteak bigarren hori. Errusiaren eta Estatu Batuen mehatxuen aurrean, Europak bere defentsa estrategia bermatuta izatea ezinbestekotzat jo du Bruselak, eta, horretarako, 800.000 milioi euro mobilizatzea proposatzen du.
Joan den astean Kopenhagen egindako agerraldi batean, Von der Leyenek esan zuen EBk "defentsan subiranoagoa" izan behar duela. Zehaztu zuenez, berrarmatzeko estrategiak mailegu plan berezi bat ere aurreikusten du: 150.000 milioi euroko maileguak emango zaizkie estatuei, defentsan inbertitu dezaten.
"Funtsean, hobeto eta elkarrekin gastatzea da kontua: aireko eta misilen aurkako defentsaz ari gara, artilleriako, misiletako eta munizioko sistemez, droneez eta droneen aurkako sistemez, baina baita ziberespaziotik hel daitezkeen erasoei aurre egiteko tresnei buruz ere", azaldu zuen.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.