Europar Batasuna
2024/06/18 - 10:03
EBko goi-karguak banatzeko bilera akordio barik eta beste hautagaitzarik gabe amaitu da
27ak datorren astean bilduko dira berriro, eta orduan bai, erabakia hartu beharko dute. Von der Leyen, Costa eta Kallas dira, hurrenez hurren, Batzordea, Kontseilua eta Diplomazia zuzentzeko hautagai bakarrak, baina EPPk pisu gehiago eskatzen du Kontseiluan, agintaldi erdia berarentzat galdeginda.
2024/06/17 - 19:08
Europako txerri-haragiaren inportazioak ikertuko ditu Txinak
Asiako herrialdeak aurreratu egin du Bruselak Txinako ibilgailu elektrikoei ezarritako muga-zergen erantzuna, eta neurri horiek zuzenean eragin diezaioke esportatzaile nagusi den Espainiari.
2024/06/17 - 15:40
Natura Lehengoratzeko Lege polemikoa onartu du behin betiko Europar Batasunak
Biodibertsitateari buruzko Europako lehen legearen alde bozkatu dute 20 Estatu kidek; Belgika abstenitu da; eta aurka bozkatu dute Finlandiak, Italiak, Hungariak, Herbehereak, Poloniak eta Suediak. Kaltetutako ekosistemen % 20 gutxienez 2030erako berreskuratzea du helburu lege horrek.
2024/06/17 - 13:46
Espainia izan zen iaz asilo eskari gutxien onartu zituen EBko estatua, eskari kopuruan hirugarrena izan arren
Estatu espainiarrean asilo eskaeren % 12 onetsi ziren 2024an, Europako batez bestekoaren 30 puntu azpitik.
2024/06/17 - 10:11
EBko buruzagiak Europako erakundeen goi karguen banaketa adosten saiatuko dira gaur bilera informal batean
Ezusterik esean, Ursula Von der Leyen kontserbadoreak Europako Batzordearen buru jarraituko du, António Costa sozialista aukeratuko dute Europako Kontseilua gidatzeko eta Kaja Kallas liberalak Josep Borrelen lekukoa hartuko du Europako Diplomaziaren buruzagitzan.
2024/06/16 - 19:08
Amaitu da Ukrainarako bakea bilatzeko goi-bilera, 12 herrialdek sinatu ez duten adierazpen batekin
Zelenski pozik agertu da adostutako testuarekin, eta eskerrak eman dizkie goi-bileran parte hartu duten nazioarteko ordezkariei. Herrialdeek elkarrizketekin maila teknikoan jarraitzea adostu dute.
2024/06/15 - 11:29
Sendagaien Europako Agentzia metamizola duten analgesikoak aztertzen ari da, tartean Nolotil
Mina eta sukarra artatzeko erabiltzen diren sendagai horiek kolokan daude infekzio larriak eragiteko arriskuagatik. Metamizola duten medikamentuak baimenduta daude EBko 19 herrialdetan, horien artean Espainian. Finlandian, ordea, metamizola duen baimendutako sendagai bakarra erretiratu dute.
2024/06/15 - 00:24
Ultraeskuindar batek hiru umeri eraso die Finlandian, eta horietako bat larri zauritu du
Finlandiako Poliziak 30 bat urteko erasotzailea atxilotu zuen. Gizonak adingabeei arma zuri batekin eraso zien merkataritza-gune jendetsu batean, eta behin baino gehiagotan sastatu zuen adingabeetako bat, eta beste bat ere sastatzen saiatu zen.
2024/06/14 - 22:44
"Abortu" hitzik ez, Ukrainarentzako laguntza gehiago eta Venezuelari abisu berri bat G7aren bileran
Alemania, Kanada, AEB, Frantzia, Italia, Japonia eta Erresuma Batuko agintariek geopolitikako gaiak jorratu dituzte goi-bileran, eta negoziazioen emaitzak 36 orrialdeko adierazpen batean bildu dituzte.
2024/06/14 - 19:04
Aita santuak, G7ari: "Makina bakar batek ere ez luke inoiz erabaki behar gizaki bat hiltzea"
Adimen artifiziala (IA) gerra industrian aplikatzearen hondamendiaz ohartarazi du eta "arma autonomo hilgarriak" debekatzea eskatu du. Aita santuaren hitzetan, IA "liluragarria eta izugarria" da aldi berean.
2024/06/14 - 09:48
Albiste izango dira: Interinoei buruzko epaia, Frantziako alderdien aliantzak eta G7 goi-bilera
Gaurkoan albiste izango direnen laburpena, bi hitzetan.
2024/06/13 - 22:47
Sindikatuek begi onez hartu dute interinoen inguruan Europako Auzitegiak ebatzitakoa
Interinok Taldeak, LABek eta ELAk aho batez esan dute administrazioek urtetan ezarritako praktika okerra izan dela, eta norabide onean doan erabakia izanagatik, pauso gehiago behar direla azaldu dute.
2024/06/13 - 19:21
Interinok Taldearentzat sententzia hau ''oso berri ona da''
Aitor Jaio Interinok Taldeko bozeramaileak azaldu duenez, ebazpen honek erakusten du gaur egungo neurriek ez dutela balio, eta azaldu duenez, adieratzen du "finkotasuna, nahiz eta funtzionario bezala ez izan, beharrezkoa edo behintzat erabilgarria izango dela". EAEn 30.000 interino publiko daude.
2024/06/13 - 18:54
G7ak akordioa itxi du Errusiari izoztutako diruarekin finantzatutako "mailegu handi bat" emateko Ukrainari
Mailegua 46.000-50.000 milioi euro ingurukoa izango da. Ameriketako Estatu Batuetako Gobernuak jarriko ditu funts gehienak Ukrainari mailegua emateko.
2024/06/13 - 13:38
Interinoak finko bihurtzea "aukera bat" da behin-behinekotasuna saihesteko, Europako Justiziaren arabera
Europar Batasuneko Justizia Auzitegiak zehaztu du, dena den, irtenbide hori "egokia" izan daitekeela "legearen aurkako Zuzenbide nazionalaren interpretazioa ez badakar".
2024/06/13 - 09:27
Albiste izango dira: Txinari muga zergak, maiatzeko KPIa eta Gipuzkoako Aldundiaren 2024-2027 plana
Gaurkoan albiste izango direnen laburpena, bi hitzetan.
2024/06/12 - 21:15
Alemaniako Gobernuak soldadutza "selektiboa" proposatu du, 200.000 erreserbista gehiago lortzeko xedearekin
Neurriak ez luke derrigorrezko soldadutza erabat berrezartzea ekarriko, duela 13 urte desagertu baitzen, baina norabide horretan lehen urratsa izango litzateke.
2024/06/12 - 18:52
Tapiak "positibotzat" jo du Txinari muga-zergak ezartzea, eta ukatu egin du "protekzionismoa" denik
Eusko Jaurlaritzako Ekonomia Garapenerako sailburuak adierazi du, hasiera batean, "positiboa" iruditzen zaiola. Bere ustez, ezin da "protekzionismoaz" hitz egin, ezta "mugak erabat ixteaz" ere, "baldintza berdinetan ekoizteaz" baizik.
2024/06/12 - 15:11
Europako Batzordeak % 38,1era arteko muga zergak iragarri ditu Txinako auto elektrikoen aurka
Aldaketarik ezean, uztailetik aurrera aplikatuko dira, baina erabakia ez da behin betikoa eta Europako Batzordeak Txinarekin hitz egiten jarraitzen du. Hala ere, dagoeneko Txinako Gobernuak erantzun du "protekzionismo kasu tipikoa" dela.
2024/06/11 - 12:45
Europako Parlamentuan taldeak osatzeko negoziazioak abian, ultraeskuinaren erabakia ikuskizun dagoela
Orain arte, eskuin muturreko alderdiak bi taldetan egon dira banatuta. Lehen hitzordua datorren astelehenean izango da, estatuburu eta gobernuburuak Europar Batasuneko kupula instituzionalaren berritzeaz jardungo dira afari informal batean.