Vance eta Zelenski Municheko Segurtasun Konferentzian bildu dira
AEBko presidenteordea, J.D. Vance, eta Ukrainako presidentea, Volodimir Zelenski, Municheko Segurtasun Konferentzian bildu dira gaur. Horrekin, Donald Trump presidentearen administrazioak gerrari amaiera emateko Errusiarekiko negoziazioetan eman beharreko hurrengo urratsak aztertuko dituzte bi aldeek, Vancerekin batera dauden hedabideek jakitera eman dutenez.
Bilera berandu hasi da, AEBk Ukrainari denbora gehiago eskatu baitio Washingtonek asteazkenean aurkeztutako akordio-proposamenari Kievek emandako erantzuna aztertzeko. Proposamen horren arabera, estatubatuar enpresek Ukrainako baliabide naturalak baliatuko lituzkete, AEBk Errusiak inbaditutako herrialdeari ematen dion babesaren truke.
"Batez ere, Trump presidenteak iragarri zuen bezala, gerrari amaiera ematea da helburua. Sarraskia gelditzea nahi dugu, baina bake iraunkorra lortu nahi dugu, ez Mendebaldeko Europan hemendik urte gutxira berriro gatazka sortzea eragingo duen bakea", adierazi du Vancek bileraren ostean, AEBko hedabideen arabera.
AEBko presidenteordeak gaineratu du Ukrainako solaskideekin gai horren inguruko "elkarrizketa onak" izan dituela, eta "datozen egunetan, asteetan eta hilabeteetan" beste elkarrizketa batzuk izango dituztela.
Vladimir Putin Errusiako presidentearekin batzeko Ukrainak duen ustezko jarrera faltaz galdetuta Vancek erantzun duenez, "garrantzitsua da elkartzea eta hori lortzeko beharrezkoak izango diren elkarrizketak izaten hastea".
"Elkarrizketa ona izan dugu gaur, gure lehen topaketa, eta ez azkena, ziur nago", adierazi du Zelenskik.
60 urteko ibilbidean izango duen edizio erabakigarrienetakoa du aurtengoa Municheko Segurtasun Konferentziak. AEBko presidente Donald Trumpen eta Ukrainako buru Volodimir Zelenskiren arteko elkarrizketak han bildutakoen arretagune izango dira, zalantzarik gabe.
Trumpek atzo iragarri zuen AEBko, Errusiako eta Ukrainako ordezkariek bilera egingo dutela gaur Alemanian. Errusiak, baina, gezurtatu egin du bere herrialdeko ordezkaritza ofizial batek Konferentzian parte hartuko duela. Zelenskik, bere aldetik, esan du ez duela Trumpek iragarritako hiru aldeen arteko bileraren berririk.
Bestalde, EBko buruzagiek eta Munichen bildutako ordezkari europarrek erronka izango dute indarrak batzea, prozesu horretan Europa atzean gera ez dadin.
Lehen hitzaldiak
J.D. Vancek adierazi du Europako herrialdeak ikuspuntu "alternatiboak" alde batera uzten ari direla. Europako Batzordeko presidente Ursula von der Leyenek ere hitz egin du, eta esan du "gerra komertzialek eta muga-zergek" ez dutela zentzurik. Horren aurrean, Trumpek iragarritako "justifikaziorik gabeko muga-zergek" erantzuna izango dutela iragarri du.
NATOren idazkari nagusi Mark Rutte ere aritu da horretaz, eta azpimarratu du "akordio handia" adostu behar dutela, Ukrainaren eta Errusiaren arteko gerraren amaiera "iraunkorra" izan dadin. Horrez gain, erantsi du AEB Europako herrialdeei argibideak eskatzen ari zaiela.
Volodimir Zelenski Ukrainako presidenteak ostiral honetan Municheko Segurtasun Konferentzian egindako adierazpenen arabera, AEBk Europarekin bat egin behar du Errusiarekin gerraren amaiera negoziatzeko plan bat garatzeko, eta berretsi du ez berak ez ukrainarrek ez dutela Ukrainari buruzko erabakirik onartuko Ukrainaren onespena ez badu.
Era berean, Zelenskiren aburuz, Ukraina NATOn sartzea da aukerarik "onuragarriena", bai Ukrainarentzat, bai AEBrentzat, baita gainerako kideentzat ere. Horrela, etorkizunean ere Aliantzan sartzen saiatuko dela aurreratu du, eta berriro esan du NATOtik kanpo dagoen Ukrainak bere indar militarra garatu beharko duela Errusiatik babesteko, eta kopuru bat jarri du: "Milioi eta erdi soldaduko armada bat behar dugu, su-eten baten edo antzeko zerbaiten ostean, Errusiaren okupazio edo inbasio berri baten beldur izan nahi ez badugu".
Kaja Kallas Europar Batasuneko Atzerri eta Segurtasun Gaietarako goi-ordezkariak adierazi duenez, Europar Batasunak "aukera asko ditu garai nahasi hauetan", baina deitoratu du ez dela gai izango AEBk nazioarteko erakundeetan utzitako hutsunea betetzeko.
Bestalde, Volker Türk Nazio Batuen Erakundeko Giza Eskubideetarako goi-komisarioak ohartarazi du mundua "aldaketa sakona" izaten ari dela, eta nazioarteak Bigarren Mundu Gerraren amaieratik garatu dituen "giza eskubideen tresna guztien muinera" iritsi dela, Nazio Batuen sortze-gutunera, besteak beste.
Zure interesekoa izan daiteke
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.