Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.
Honako gai hauek hartuko dituzte gaur, 2026ko ekainaren 15ean, hedabideetako lerroburu nagusiak:
- AEBren eta Iranen arteko bake akordioa: Ameriketako Estatu Batuek eta Iranek behin-behineko bake akordioa lortu dute Ekialde Hurbileko gerrari amaiera emateko, AEBk eta Israelek Iranen aurka erasoaldia abiatu eta ia lau hilabetera. Datorren ostiralean, ekainak 19, berretsiko dute akordioa Genevan (Suitza).
- Zubietako kartzelaren inaugurazioa: Gaur inauguratuko dute Zubietako espetxea, Martuteneko kartzela zaharra ordezkatuko duena. Presoak zehaztu gabeko aste honetako egun batean lekualdatuko dituzte, segurtasun arrazoiak argudiatuta. Gaurko ekitaldian izango dira, besteak beste, Imanol Pradales lehendakaria, Maria Jesus San Jose Justizia sailburua eta Fernando Grande-Marlaska Justizia ministroa.
- Medikuen greba: Bosgarren greba asteari ekingo diote medikuek astelehen honetan. Euren lan-baldintza propioak jasotzen dituen Estatutu Marko propio bat eskatzen dute baina negoziazioak ez doaz batere ondo eta gauzak honela, mobilizazioekin jarraituko dute.
Zure interesekoa izan daiteke
Trumpek Iranekin akordioa iragarri du, gerrari amaiera emateko
Pakistango lehen ministroak, Washingtonen eta Teheranen arteko bitartekari lanak egin dituenak, akordioaren berri berretsi du, eta jakinarazi du sinadura ofiziala ekainaren 19an egingo dutela, Suitzan
Manifestazio jendetsua egin dute Genevan G7ko gailurraren kontra, eta istiluak sortu dira amaieran
Frantziako agintariek ez dute manifestaziorik baimendu, eta, beraz, No G7 taldeak mobilizazioa Genevan egitea eskatu du. Oro har, martxa baketsua izan da. Dena dela, manifestari talde batek harriak eta bengalak jaurti ditu, eta poliziak negar eragiteko gasa bota du.
Libanok NBEn salatu du Israelek herbizidak erabiltzen dituela arma kimiko gisa
"Israelek glifosatoarekin fumigatu zituen 2026ko otsailaren 1ean Libanoko mugako hainbat herri", esan du bertako Gobernuak Antonio Guterres NBEko idazkari nagusiari eta NBEko Segurtasun Kontseiluari zuzendutako gutunean.
AEBren eta Iranen arteko akordioa atezuan dago, Libanon izan diren azken erasoen ondotik
Iranek ituna hausteko mehatxua egin dio AEBri. Bestalde, Trumpek esan du gaurko erasoa ez zela gertatu behar, "batez ere, bake akordioa sinatu behar genuen egunean jazo delako".
Suitzak baztertu egin du biztanleria 10 milioira mugatzea
Boto emaileen % 55ek egin dute Suitzako Alderdi Popularrak sustatutako ekimenaren kontra. Proiektuak immigrazioari muga jarri eta asilo arauak gogortzea zuen helburu.
Trumpek aurreratu du AEBk eta Iranek igandean sinatuko dutela gerrari amaiera emango dion akordioa
Irango Gobernuak, aldiz, baztertu egin du AEBrekin datozen 24 orduetan akordioa sinatuko duenik, Pakistango lehen ministroak eta Trumpek berak gaur bertan esandakoa ukatuz. "Datozen egunetan" itxiko dute ituna, zehaztu duenaren arabera.
'Niño Guerrero' Tren de Aragua Venezuelako bandaren liderraren heriotza iragarri du Trumpek
Donald Trump AEBko presidenteak iragarri du Hector Guerrero Flores 'Niño Guerrero' hil dutela. Guerrero Tren de Aragua talde terroristaren burua zen, AEBren arabera. Operazioa Venezuelako Gobernuarekin batera egin dute, Bolivar estatuan.
Iranen eta AEBren akordioa gertu egon daiteke: Pakistanek baieztatu du testua adostu eta lanean jarraitzen dutela
Negoziazioetan bitartekari lanetan ari den Asiako herrialdeko lehen ministroak adierazi du buru-belarri ari direla negoziatzen. Bi aldeek akordioa "gertu" dagoela onartu dute, baina ez datoz bat edukietan. Iranen hitzetan, ez dute nuklearrei buruz hitz egingo akordioa indarrean sartu arte. AEBk, aldiz, testuak bere helburuak betetzen dituela dio.
Albiste izango dira: EBko Migrazio eta Asilo Ituna, EHUren gradu eta graduondo amaierako ekitaldia San Mamesen eta ibilgailu elektriko berriaren aurkezpena Gasteizko Mercedesen
Gaurkoan Orain-en albiste izango direnen laburpena, bi hitzetan.