Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
7,1 magnitudeko lurrikara batek (Richter eskalaren arabera) Kumamoto prefektura astindu du astearte honetako lehen orduan, Kyushu uhartean. Horren ondorioz, besteak beste, merkataritza-zentro bat behera etorri da. Azken datuen arabera, gutxienez, 18 pertsona hil dira, 80 lagun baino gehiago zauritu dira eta dozenaka herritar hondakinen azpian harrapatuta daude.
Yatsushiro hiriko Iparraldeko Zentro Mediko Erregionalak (Hikawa) adierazi duenez, zaurituak inguruko hainbat ospitaletara eraman dituzte.
Non eta noiz gertatu da?
Lurrikara Japonian 16:27 zirela izan da, 10 kilometroko sakoneran, itsas hondoan. Ondoren, 6,1 indarreko bigarren lurrikara bat izan da, Kumamoton bertan, 17:08an, sakonera txikian. Ondorioz, itzalaldia izan da, eta 48.000 etxebizitzari eragin die, gainera, 500 etxetan gas-hornidura eten egin da.
Minoru Kihara Japoniako Gobernuaren bozeramaileak prentsaurreko batean azaldu duenez, "ur-hornidurarik gabeko eremuen kopurua dela eta, laguntza espezifikoa izango da", NHK telebista-kateak jaso duenez.
Aldez aurretik, agintariek kostaldeko eremuetatik urrun egotea eskatu diete herritarrei, ahal den neurrian. Era berean, lurrikararen magnitudea 7koa dela azpimarratu dute, Uki eta Hikawa eremuetan inoizko handiena da, Japoniako eskalan.
Oraingoz, ez da arazorik izan Sendaiko zentral nuklearrean, Kagoshiman, ezta Gnekaikoan ere, Sagako prefekturan, Kyushuko konpainia elektrikoak azaldu duenez.
Bestalde, Sanae Takaichi Japoniako lehen ministroak "erne egoteko" eskatu die kaltetutako eremuetan dauden guztiei, "antzeko lurrikara gehiago izan daitezkeelako". Gainera, Gobernua lurrikarek "eragin ditzaketen kalteak eta egoera aztertzen" ari dela adierazi du.
Zure interesekoa izan daiteke
Trumpek esan du "gustatuko" litzaiokeela Irlanda batzea: "Lehenago edo geroago gertatuko da"
Irlandan dago egunotan AEBko presidentea, eta bertan egin ditu adierazpen polemiko horiek. Erreakzioak erreskadan etorri dira.
BRICSeko herrialdeek Ekialde Hurbilean neurriz jokatzea eta alde bakarreko zigorrak baztertzea erabaki dute
Indian bilduta, herrialde horiek 140 puntuko adierazpen zabal bat adostea lortu dute, eta, besteak beste, elkarrekin lan egiteko konpromisoa hartu dute, "merkataritzaren eta energiaren fluxua babesteko".
Saudi Arabiak Ekialde-Mendebaldeko oliobidea itxi du, hainbat eraso jasan ostean
Azpiegitura hori da merkatu globalak hornitzeko bide nagusia Ormuzko itsasarteko egungo tentsio egoeran; egunean zazpi milioi upel petrolio gordin garraia ditzake.
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.