Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Israelgo indarrek Libano hegoaldean egindako bonbardaketetako bat. Argazkia: Europa Press
Hezbollahk, Libanoko milizia xiitak, Iran zoriondu du "fronte guztietarako" su-eten akordioa lortu duelako Estatu Batuekin. Horren arabera, Israelek Libano bonbardatzeari utzi beharko lioke.
Miliziak zabaldu duen oharrean, "lorpen handitzat" jo du elkar ulertzea. Horrez gainera, eskerrak eman dizkio Irani behin eta berriz eskatu duelako Libanoko gerra amaitzea akordioetan sartzea.
Hala ere, Hezbollahk akordioa "lurraldearen erabateko askapena" lortu aurreko etapa gisa hartu du. Alegia, akordio horren ondoren, espero du Israelek Hegoaldean okupatutako lurrak utziko dituela, presoak itzuliko direla eta gerrak kaltetutako eremuak berreraikitzeari ekingo zaiola.
Akordioa ontzat eman duen arren, desplazatutako libanoarrei eskatu die, etxera itzultzen hasi aurretik, agintari eskudunen jarraibideen zain egoteko, Israelek su-etena ez betetzeagatik sor daitezkeen arriskuak saihesteko.
Israelgo tropak erretiratzeari buruz ados jartzerik ez
Israeli mezua bidali dio Hezbollah miliziak: ohartarazi du Libanoko lurraldea, biztanleria eta subiranotasuna defendatzeko konpromisoari eutsi egingo diola, harik eta Israel erabat erretiratu eta presoak askatu arte.
"Fase horretan, Libanoko agintariek eta indar politiko guztiek jarrera nazional bateratua berreskuratu behar dute, herriak adostutako helburuak lortzeko. Helburu horiek Libanoren onerako izango dira, eta subiranotasuna, indarra eta erresilientzia babestu beharko dituzte Israelen anbizioen aurrean", gaineratu du mugimenduak oharrean.
Libanoko gobernuak ere, Joseph Aoun presidentearen ahotik, positibotzat jo du AEBren eta Iranen arteko akordioak Libano barne hartzea, eta espero du "libanoarrei aukera ematea suntsitutakoa berreraikitzeko eta beren bizimodua berreskuratzeko".
Nawaf Salam Libanoko lehen ministroak esan du Israelekin egiten ari diren negoziazioetan eginahalak egingo dituztela, Israelgo armada Libano hegoaldetik "erabat erretiratzea" lortzeko.
Hala ere, Tel Avivek aurreratu du ez duela bere kokalekuak uzteko asmorik. Israel Katz Israelgo Defentsa ministroak adierazi duenez, Israel "Israelgo Defentsa Indarrak Libanotik erretiratzearen aurka dago, egungo eta etorkizuneko presio guztiak gorabehera. Netanyahu lehen ministroak argi utzi zien Donald Trump AEBko presidenteari eta goi-funtzionarioei".
Teheranek eta Washingtonek bake-akordioa lortu zutela iragarri zuten igandean, eta, hortaz, gerra amaituko zela eta Ormuzko itsasartea berriz irekiko zela. Iranek adierazi du akordio horretan Libanorako su-etena jasotzen dela. Alde guztiek adostutakoa betetzen badute, datorren ostiralean, ekainaren 19an, egingo da sinadura-ekitaldia, Suitzan. Horren ostean, Irango programa nuklearra negoziatzen hasiko dira bi aldeak.
Joan zen martxoaren 2an Israel Libanori erasotzen hasi zitzaionetik 3.783 pertsona hil eta 11.699 zauritu direla kalkulatu du Libanoko Osasun Ministerioak. Gainera, ehunka mila pertsonak etxetik alde egin behar izan dute, batez ere herrialdearen hegoaldean, Israelen bonbardaketen ondorioz.
Zure interesekoa izan daiteke
Ali Khamenei aiatola Mashhaden lurperatu dute, sei eguneko hileta-zeremonien ostean
Irango lider gorena zenaren ehorzketarekin bukatutzat eman dituzte sei eguneko hileta-zeremoniak. Jendetza bildu da Irango kaleetan, eta erregimenak indar eta batasun irudia erakutsi nahi izan du.
NATOren goi-bileraren ostean Espainia "oso eskuzabal" aritu dela esan du Trumpek
Estatu Batuetako presidenteak ziurtatu duenez, Espainiako Gobernuak Aliantza Atlantikoaren "ordainketa ugari" egiteko eskaerari erantzun dio, eta aliatuek Ankaran egindako bileraren ostean erakutsitako batasuna goraipatu du.
AEBek 90 helburu militar inguru bonbardatu dituzte Iranen, eta Teheranek base estatubatuarrei eraso egin die
Washingtonek Iranen aurkako beste erasoaldi militar baten berri eman du, esan dutenez, Teheranek Ormuzeko itsasartean merkataritza-ontzien aurka egindako erasoei erantzuteko. Iranek dio operazioak su-eten iraunkorra urratu duela.
Koro Barriolaren gorpua aurkitu dute Venezuelan, hondakinen artean hildako hirugarren euskalduna
81 urte zituen eta donostiarra zen; Alazne Solabarrieta eta Jon Sustacharen gorpuak aurkitu zituzten aurretik.
"Espainiarekin alferrik da": Trumpek merkataritza guztia eteteko mehatxua egin du
AEBko presidenteak merkataritza-trukeak hausteko asmoa agertu du Espainiak gastu militarra igotzeari uko egin ondotik; Espainiako Gobernuak, berriz, "lasaitasunez eta normaltasunez" hartu du mehatxua.
Trumpek amaitutzat eman du Iranekin adostutako su-etena eta dio ez duela gehiago negoziatu nahi
Donald Trump AEBko presidenteak Ankaran adierazi duenez, Iranekin adostutako su-eten akordioa "amaitu da", eta baztertu egin du negoziazioekin jarraitzea, herrialdea "gaixo, gaizto eta bortitzek zuzentzen" dutela iritzita.
AEBren erasoei "erantzun irmoa" emango diela mehatxatu du Iranek, eta Bahrainek eta Kuwaitek alarmak piztu dituzte
Irango agintariek salatu dutenez, AEBko bonbardaketek hautsi egin dute ekainean lortutako su-eten akordioa, eta Ameriketako Estatu Batuek diote Ormuzeko itsasartean ontzi komertzialen aurka egindako erasoei erantzun zietela.
Marine Le Pen hauteskundeetara aurkeztuko da, Justiziak zigorra murriztu ostean
Iazko martxoan, kargu publikoan aritzeko bost urteko inhabilitazioa eta lau urteko espetxe zigorra ezarri zioten politikari ultraeskuindarrari, diru publikoa bidegabe erabiltzeagatik. Orain, zigor hori hiru urteko espetxe zigorrera eta 15 hilabeteko inhabilitaziora murriztuta geratu da eta ultraeskuineko liderrak iragarri du hauteskundeetan lehian arituko dela.
Politikaren itzala futbolean: Mussolini, Trump eta beste zenbait adibide
Balogunen indultuak mundu mailako oihartzuna izan du; Munduko Kopetan antzeko kasu gehiago izan dira.
Macronek Damaskora egiten ari den bidaiaren agendari eutsiko dio, bere hotelaren ondoan leherketa batzuk izan arren
Bi leherketa gogor izan dira astearte honetan Damaskon, Emmanuel Macron Frantziako presidenteak Siriako hiriburura egindako bisitarekin bat eginez. Agintarien esanetan, badira guxtienez 18 zauritu.