Trumpek Nazioarteko Zigor Auzitegia zigortu nahi du "AEBren eta bere aliatuen aurka egindako ikerketengatik"
Donald Trump AEBko presidenteak agindu bat sinatuko du gaur Nazioarteko Zigor Auzitegia zigortzeko, "AEBren eta bere aliatuen aurka egindako ekintzengatik", Etxe Zuriko funtzionario batek EFEri baieztatu dionez.
Agenda ofizialaren arabera, Trumpek hainbat agindu exekutibo sinatuko ditu gaur. Agindu horien edukia ez dute jakitera eman, baina Etxe Zuriko funtzionario batek EFEri aurreratu dionez, horietako batek zigorrak ezarriko dizkio Nazioarteko Auzitegiari.
Hain zuzen ere, aginduak Auzitegiko kideei finantza-murrizketak ezartzea eta Estatu Batuetara bidaiatzeko bisak mugatzea bilatzen du, baldin eta "AEBko herritarren edo Washingtonen aliatuen aurkako ikerketetan laguntzen badute".
Asteartean Trumpek Benjamin Netanyahu Israelgo lehen ministroarekin izandako bileraren ostean sinatuko du agindu hori. Azaroan Auzitegiak Netanyahu atxilotzeko agindua eman zuen, Gazako Zerrendan gerra eta gizateriaren aurkako ustezko krimenak egin izana egotzita.
Netanyahu Washingtonen da larunbatera arte, eta bilerak egin ditu Kongresuko eta Gobernuko ordezkari garrantzitsuekin, Pete Hegseth Defentsa idazkariarekin barne.
Bestalde, Europar Batasunak Nazioarteko Zigor Auzitegiak "munduko krimen lazgarrienetako batzuen biktimekin" egiten duen "funtsezko" lana babesten duela azpimarratu du Antonio Costa Europako Kontseiluko presidenteak.
Costak mezua sare sozialetan partekatu du, bruruzagi portugaldarra Tomoko Akane Nazioarteko Zigor Auzitegiko presidentearekin Bruselan bildu ostean.
"Auzitegiak funtsezko zeregina du munduko krimen lazgarrienetako batzuen biktimei justizia egiteko. Independentzia eta inpartzialtasuna Gortearen lanaren funtsezko ezaugarriak dira. EBk inpunitatearekin amaitzeko eta nazioarteko zuzenbidearen urraketa guztiengatik kontuak emateko konpromisoari eusten dio", idatzi du Costak.
Costak Akanerekin egin duen batzarrean, hain zuzen ere, AEBko balizko zigorrak eta erakundeari nola eragin diezaioketen izan dute hizpide, eta "EBk nazioarteko zuzenbidean funtsezkoa den erakunde bati ematen dion babesa indartzeko moduak" eztabaidatu dituzte, Europako iturri batek jakitera eman duenez.
2020an, lehen agintaldian (2017-2021), Trumpek zigorrak ezarri zizkion Fatou Bensouda Nazioarteko Auzitegiko fiskalari eta haren aholkulari nagusietako bati, AEBko tropek Afganistanen ustez egindako gerra krimenen inguruko ikerketa baten ondorioz.
Trumpen neurria Senatuko demokratek (ganbera horretan gutxiengoan) Netanyahuren eta Yoav Gallant Defentsa ministro ohiaren aurkako atxiloketa aginduei erantzunez errepublikanoek Nazioarteko Auzitegia zigortzeko saiakera bat blokeatu ostean etorri da.
Nazioarteko Zigor Auzitegia, Erromako Estatutuaren bidez sortua, gerra-krimenak, gizateriaren aurkako krimenak eta genozidioa leporatzen zaizkien pertsonak epaitzeko erakundea da. Ameriketako Estatu Batuak, Txina, Errusia eta Israel ez dira Gorteko kideak, eta, beraz, ez dute haren jurisdikzioa onartzen.
Zure interesekoa izan daiteke
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.