Zelenski: "Ez dugu onartuko Ukrainari buruzko edozein negoziazio gu gabe egitea"
Volodimir Zelenski Ukrainako presidenteak gaur Donald Trump AEBko presidenteak Vladimir Putin Kremlingo buruzagiari egindako deia izan du hizpide. Zelenskik esan du Kievek ez duela onartuko Ukrainari eragingo dioten aldebiko negoziaziorik Errusiarekin.
"Oso argi adierazi nahi diet gure bazkideei: ez dugu onartuko Ukrainari buruzko edozein negoziazio gu gabe egitea, baina libre dira beste gai batzuei buruz aritzeko aldebiko negoziazioak egiteko", azaldu du Zelenskik Khmelnytsky eskualdean dagoen zentral nuklear batean, Ukrinform albiste agentzia publikoak jakinarazi duenez.
Trumpek asteazkenean Putini deitu eta Errusiako presidentearekin gerrari amaiera emango dioten negoziazioetan aurrera egitea adostu zuela azaldu ostean egin ditu Zelenskik adierazpen horiek.
Errusiako buruzagiarekin izan zuen deia amaitutakoan, Zelenskiri deitu zion AEBko presidenteak, Putinekin izandako elkarrizketaren berri emateko.
Hauteskundeen beharra Ukrainan
Elkarrizketan zehar Trumpek Ukrainan hauteskundeak egiteko beharra planteatu ote zion galdetuta, Zelenskik ezetz erantzun du.
Zelenskik Petro Poroxenko presidente ohiaren eta Ukrainako beste lau oligarkaren aurkako zigor ekonomikoak onartu ditu gaur, besteak beste, Viktor Medvedchuken eta Igor Kolomoiskiren kontra. Poroxenkoren hitzetan, "herriaren batasunaren aurkako kolpe handia" da erabaki hori.
Keith Kellogg Trumpek Ukrainako gerrarako duen ordezkariak esan du Putinek duela gutxi zalantzan jarri zuela Zelenskiren zilegitasun demokratikoa eta Ukrainak hauteskundeak egin behar dituela lehenbailehen.
Zelenskik iazko maiatzean amaitu zuen bere agintaldia. Ukrainako Konstituzioak gerra-legearen pean hauteskundeak egitea debekatzen duenez, Zelenskik bere agintaldia automatikoki luzatu zuen, gerra amaitu ondoren hauteskundeak izan arte.
Zure interesekoa izan daiteke
AEBren arabera, Ormuzeko itsasartean minak jartzen ari ziren 16 itsasontzi irandar suntsitu dituzte
AEBko Komando Zentralak bideo bat zabaldu du Irango ontzien aurkako erasoekin. Adierazi dutenez, operazioaren helburua da nabigazioa berriz martxan jartzea.
Tentsioa Bruselan, Von der Leyenek “jada existitzen ez den” mundu-ordenaz esandakoengatik
Erkidegoko iturriek zehaztu dutenez, bere diskurtsoaren helburua ez zen arauetan oinarritutako sistemarekiko errespetua lurperatzea, baizik eta azpimarratzea, gero eta gatazkatsuagoa den mundu honetan, EBk ezin dituela babes horiek baliatu bere interesak defendatzeko bide bakartzat.
Mundua Ormuzera begira dagoen bitartean, gatazkaren egunik "bortitzena" bizi izan dute Iranen eta Libanon
Bonbardaketak areagotu egin dira Iranen eta Libano hegoaldean, eta, dagoeneko, 1.250 hildako zenbatu dira, gehienak zibilak. Oraingoz, aldeek ez dute negoziatzeko asmorik agertu, nahiz eta Txinak eta Errusiak gatazka baretzea eskatu duten. Bien bitartean, Trumpek adierazi du Iranek minak jarri dituela Ormuzeko itsasartean eta, ez kentzekotan, "inoiz ikusi gabeko ondorioak" egongo direla mehatxu egin du.
Iranek heriotza-zigorra ezarriko dio etsaiari laguntzen dion orori
Iranek hedabideei eta herritarrei ohartarazi die etsaiarekin lankidetzan ibiltzeak heriotza eta ondasunak konfiskatzea dakartzala, Ameriketako Estatu Batuen eta Israelen erasoaldiaren ondoren; dagoeneko 1.200 hildako baino gehiago utzi ditu.
Trump, Kubari buruz: "Herrialdearen gaineko kontrola modu adiskidetsuan har genezake, ala ez"
AEBko presidenteak adierazi duenez, uhartean ez dute energiarik, erregairik ezta dirurik ere, eta arazo humanitario "sakonak" dituzte.
G7ko Energia ministroak gaur bilduko dira Ekialde Hurbileko gatazkak eragindako krisia aztertzeko
AEBko, Kanadako, Japoniako, Frantziako, Italiako, Alemaniako eta Erresuma Batuko Energia ministroak modu birtualean bilduko dira astearte honetan, Irango gerrak eragindako hornidura-etenari buruz hitz egiteko eta petrolio erreserbak merkaturatuko dituzten eztabaidatzeko.
Honela zabaldu da Iranen aurkako gerra: zein herrialdetan du eragina?
Israelek eta AEBk otsailaren 28an Irani egindako erasoaldi militarrak eta ondoren errepublika islamiarrak Ekialde Hurbileko 15 herrialderi eman zien erantzuna. Iranek 1.200 hildako eta 12.000 zauritu zenbatu ditu dagoeneko, eta Libanon 400 hildako baino gehiago izan dira. Persiako golkoko 12 herrialdek Khameneiren erregimenaren erasoak salatu dituzte.
Trumpek dio Irango gerra "ia amaituta" dagoela
Halaber, buruzagi errepublikanoak ziurtatu du Ormuzeko itsasartea zabalik dagoela, eta ontziak hasi direla bertatik igarotzen. Pasabide horren kontrola hartzea aztertzen ari dela gaineratu du.
Persiar golkoa, erabat paralizatuta
Ekialde Hurbileko gerrak aurrera jarraitzen du, eta Iranek, oraingoz, ez du neke zantzurik ematen. Golkoko herrialdeak Israelen eta AEBren aliatu diren inguruko herrialdeen aurkako erasoekin jarraitzen du, krisi ekonomiko globala sortzeko helburuarekin.
Martin Izagirre, Ormuzen blokeatutako gas-ontzi bateko ofiziala: "Tentsioa oso handia da, eztandak entzuten ditugu"
Martin Izagirrek 26 urte ditu, gas-ontzi bateko bigarren ofiziala da egun eta, dagoeneko, 50 aldiz zeharkatu du Ormuzeko itsasartea. Otsailaren 26tik, bere ontzia Persiar golkoan dago ainguratuta, Iraken parean. Iranen erasoengatik Ormuz itxi zenetik, itsasartea blokeatuta dago, eta milaka ontzi daude harrapatuta alde bietan. Izagirrek egoera nola bizitzen ari diren azaldu dio ETBri.