Gas naturala

2025/01/20 - 14:54

1.000. metano-itsasontzia hartu du Bilboko Portuak

AEBtik etorritako Rioja Knutsen metano-itsasontziak 24 ordu emango ditu Bizkaiko Badia gas instalazioetan, garraiatzen duen 164.000 metro kubikoko gas kargaren hustuketa lanak amaitu arte.

2025/01/01 - 14:54

Gazprom konpainiak Ukrainaren bidez Europara bidaltzen duen gas hornidura eten du

Errusiako gas korporazioaren arabera, urtea hastearekin batera agortu dira gasa garraiatzeko akordioak. Eslovakiak ohartarazi du etenak Europar Batasun osoan "eragin nabarmena" izango duela. Europako Batzordeak, aitzitik, nabarmendu du egoera berrira egokitzeko "prest" dagoela.

2025/01/01 - 09:42

Prezioak 2025ean: hipotekak jaitsiko dira, baina elikagaiek, energiak eta telekomunikazioek gora egingo dute

Urtea hastearekin batera, zerbitzu eta produktu guztien tarifak eguneratuko dira. Elektrizitatea eta gas naturala dira gehien igoko direnak, eta hipotekak dira jaitsiko diren bakarrak. Pentsioak % 2,8 altuagoak izango dira, baina gutxieneko soldatak izoztuta hasiko du urtea.

2024/08/20 - 18:58

Espainiako Gobernuak argia telefonoz kontratatzea debekatu egingo du, kontsumitzailearen ekimenez izan ezik

Merkatuen eta Lehiaren Batzorde Nazionalak (MLBN) salatu du merkaturatzaileak ez direla gardenak ez lehenago, ez geroago, ez kontratazioan zehar, eta iruzurrezko praktikak egiten dituztela.

2024/08/14 - 17:58

Ukrainar bat atxilotzeko agindua eman du Alemaniak, NordStreamen aurkako sabotajearekin zerikusia duelakoan

Atxilotzeko agindua eman zaion pertsona urpekaritza-instruktore bat da, "Vladimir S." izenekoa, baina Poloniak ez du agindua bete, nahiz eta Varsovia eta Berlin susmagarriaren etorkizunari buruz eztabaidatu.

2024/04/30 - 15:24

EAEko 10 etxeetatik 2tan ezin izan zuten iaz tenperatura epela mantendu neguko hilabete hotzenetan

Bizi Baldintzen Inkestaren arabera, azken hamarkadan nabarmen hazi da pobrezia energetikoak jotako etxebizitzen kopurua: % 7 pasatxo zen 2012an, eta % 20ra igo zen 2023an. Biztanleriaren laurdenarentzat zama handia dira hipoteka, alokairu edo berogailu gastuak.

2024/03/31 - 09:44

Gas naturalaren BEZa % 21era itzuliko da, baina tarifa arautuaren prezioak behera egin du

Gas naturalaren azken baliabideko tarifa (ABT; gaztelaniaz, TUR) % 3,05 merkatuko da batez beste apirilaren 1etik aurrera, BEZa % 10etik % 21era igotzen denean.

2024/02/09 - 21:21

Suediak Nord Streamen inguruko ikerketa itxi du, leherketen inguruko ezer argitu barik

Errusiak gasbideen aurkako sabotajearen arduradunak estaltzea egotzi dio Suediari, eta gertatutakoaren inguruan isilik mantentzea, berriz, nazioarteari. Alemaniak ez du bukatutzat eman bere ikerketa.

2024/01/24 - 13:18

Nondik dator Euskadin eta munduan kontsumitzen dugun energia?

2022ko datuen arabera, Euskadin kontsumitzen dugun energiaren bi heren petroliotik eta gas naturaletik datoz. Orotara, mix energetikoaren % 83 dira bi iturri horiek.

2023/06/28 - 13:42

EAEko familiek % 33 gehiago gastatu zuten 2022an jatetxeetan, eta % 23 gehiago gasaren fakturan

Eustaten datuen arabera, etxeko batez besteko gastua 35.445 eurokoa izan zen, aurreko urtean baino % 7,3 gehiago. Serie historikoaren gasturik handiena da.

2023/05/26 - 12:18

Sei milioi pertsona gas naturalik gabe Kolonbian, gasbide batean izandako tenperatura altuegien ondorioz

Sei milioi pertsona daude gas naturalik gabe Kolonbiako hego-mendebaldean, gas-hodi baten inguruan izandako tenperatura hazkundearen ondorioz. Hipotesi nagusiaren arabera, Cerro Bravo sumendiaren inguruan izandako lur azpiko sute batek eragin du tenperatura hazkundea, non 600 ºC atzeman diren.

2023/03/28 - 17:28

Gasaren prezioari ezarritako muga abendura arte luzatzea onartu du Ministroen Kontseiluak

Espainiako Gobernuak akordioa lortu du Europako Batzordearekin salbuespen iberiarra luzatzeko. Horren baitan, gasaren prezioa mugatu eta elektrizitatearen prezioa merkatu egiten da.

2023/03/25 - 21:36

Ehunka lagunek Aralarko Parke Naturala zeharkatu nahi duen gasbidearen trazatua aldatzeko eskatu dute

8 kilometroko luzera eta 14 metroko zabalera izango luke, lurrazpi karstikoan egin nahi duten gasbideak. Aralar Zaindu Dezagun plataformatik, Lekunberriko lantegiek ekoizteko beharrezko duten gasa beste bide batetik ekartzeko eskatzen dute, parke naturala ukitu gabe.

2023/03/13 - 08:20

Kantauriko eskualdeek trenbide, argindar eta gas konexioak aztertuko dituzte gaur

Bileraren helburua interes komuneko gaiei buruzko ekimenak partekatzea da. EAEko, Galiziako, Asturiasko eta Kantabriako presidenteek lurralde atlantikoen eta Europaren arteko trenbide loturak izango dituzte hizpide, besteak beste.

2023/02/10 - 15:49

Gas faktura beldurgarriak, tarifa arautua ez duten bezeroentzat

Gas faktura beldurgarriak jasotzen ari dira azken asteotan tarifa arautura aldatu ez diren kontsumitzaileak. Kasu batzuetan 900 eurora ere iritsi dira abenduan eta urtarrilean egindako kontsumoagatik. Irtenbide bakarra dago: tarifa arautua aldatzea.

2023/02/09 - 20:59

Frantziarekin dagoen gas-fluxua jaitsi egin da Irungo konpresio-estazioa erabilgarri ez dagoelako

Ostiral honetatik aurrera, eta konponketa-lanak amaitu arte, Pirinioetako VIParen interkonexio gaitasuna (bi noranzkoetan) 195 gigawatt-ordukoa izango da egunean, hau da, fluxu txikiagoa.

2023/02/08 - 21:31

Irungo gas konpresio estazioko bi transformadorek su hartu dute

Sua 16:30 aldera piztu da transformadore "handi" batean, baina ez du eraginik izan Meaka auzoko lantegiko gasean. 20:00etarako itzali dute sua.

2023/01/20 - 16:15

Europako Batzordeak ohartarazi du "salbuespen iberiarra" ezin dela abendutik harago luzatu

Espainiako Gobernuak urtarrila hasieran iragarri zuen gasari ezarritako gehienezko prezioa 2024ko maiatzera arte luzatzeko eskatuko zuela.

2023/01/16 - 10:20

Ekonomia "egonezin batean egon arren", EAEko enpresetan "dinamismoa" ikusten du Tapiak

Parke eoliko eta instalazio fotovoltaikoen harira, sailburuak esan du "berme guztiekin" jarri behar direla martxan, baina menpekotasuna jaitsi nahi bada, halakoak "bai ala bai" jarri behar direla. Horren ildoan, ekimen pribatu-publikoarekin egindako proiektuak defendatu ditu.

2023/01/15 - 15:33

Ukrainako gerraren aurreko balioetara itzuli da gasaren prezioa

Gasaren prezioa merkatzen ari da, batetik, erreserbak beteta daudelako eta, bestetik, epel hasi den neguan berogailua ez delako hainbeste erabili. Dena dela, negu gordinean, eskariaren handitzearekin, berriro garestituko dela diote adituek.