Petrolioaren prezioak % 3 inguru egin du gora, eta burtsetan jaitsierak izango dira, Iranen aurkako erasoen ondorioz
Petrolio gordinaren prezioarekin batera, gas naturalarena ere igotzen ari da; izan ere, Herbehereetako TTF merkatuan, Europako erreferentzietako bat, hilabeteko epean entregatzeko gasaren prezioa % 22 gehiago igo da, 53,14 dolarreraino.
Gasolindegi bat.
Petrolioaren prezioa % 2 baino gehiago igo da astearte honetan, Europako burtsak ireki aurretik, Israelek eta Estatu Batuek Irani egindako erasoaren ondorioz, eta Irango Guardia Iraultzaileak Ormuzko itsasartea zeharkatzen duen edozein ontziri eraso egingo diola jakinarazi ondoren. Ormuzetik igarotzen da munduko petrolioaren bosten bat inguru.
Zehazki, Brent upelaren prezioa (Europan erreferentziazkoa) % 3,4 igo da 08:15 inguruan, 80,34 dolarreraino, eta AEBn erreferentzia den West Texas Intermediate upelak (WTI), berriz, % 2,8 egin du gora, 73,25 dolarreraino.
Ziurgabetasun testuinguru horretan, pentsatzekoa da merkatuak zabalitakoan beherakada gehiago izango direla Europako burtsetan; aurreikuspenen arabera, % 1 ingurukoak Frankfurten, eta zertxobait txikiagoak Parisen eta Madrilen.
Petrolio gordinaren prezioarekin batera, gas naturalarena ere igotzen ari da; izan ere, Herbehereetako TTF merkatuan, Europan erreferentzia dena, hilabeteko epean entregatzeko gasaren prezioa % 22 gehiago igo da, 53,14 dolarreraino. Aurreko egunean, % 50eraino igo zen, baina, azkenean, % 40,81eko igoerarekin itxi zuen eguna.
Petrolioaren eta gasaren prezioen igoeraren gakoetako bat da Iranek Ormuzko itsasartea de facto itxi izana, hortik ateratzen baita munduko petrolioaren % 20 inguru, bai eta Qatarreko gas naturala ere.
Irango Guardia Iraultzaileko jeneral batek astelehenean ohartarazi zuen ez dutela "petrolio tanta bat ere" pasatzen utziko Ormuzko itsasartetik, eta su emango diotela bide estrategiko horretatik igarotzen saiatzen den edozein ontziri.
Espainiaren kasuan, mendekotasuna mugatua da, energia horniduraren jatorriak dibertsifikatuta dituelako. Espainian, Petrolio gordinaren inportazioak 61,423 milioi tonara iritsi ziren 2025ean, aurreko urtean baino % 4,9 gutxiago.
Ildo horretan, Gobernuak kalkulatu du Espainiara iristen den petrolioaren % 5 eta gas natural likidotuaren (GNL) % 2 baino ez dela Ormuzko itsasartetik igarotzen, Gobernuko hirugarren presidenteorde eta Trantsizio Ekologikorako eta Erronka Demografikorako ministro Sara Aagesenek adierazi duenez.
Zure interesekoa izan daiteke
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.