Junts per Catalunya
2023/09/04 - 17:08
Kataluniarako "irtenbide demokratiko guztiak aztertzea" adostu dute Yolanda Diazek eta Puigdemontek
Komunikatu bateratu batean, biak "baikor" agertu dira, eta bilera "normaltasunez" eta "tonu adeitsuan" igaro dela adierazi dute. Moncloa, berriz, aldendu egin da elkarrizketa honetatik.
2023/09/01 - 14:49
Espainiako Etxebizitza Legearen aurka Konstituzionalean helegitea jartzea erabaki du Kataluniako Parlamentuak
ERC, Junts eta CUP alderdiek alde bozkatu dute; PSCk eta En Comu Podemek, aurka, eta gainerako alderdiak (Vox, Cs eta PP) abstenitu egin dira.
2023/08/31 - 14:52
Juntsek asteartean egingo du bere proposamena: "Ez dugu negoziaziorik martxan inorekin ere"
Carles Puigdemont Generalitateko presidente ohiak argitu du ez dutela amnistia proiekturik aurkeztu inon, eta hitz egitea ez dela negoziatzea.
2023/08/29 - 19:26
Senatuak airean utzi ditu EAJ, Junts eta ezker konfederalaren taldeak, txosten juridiko baten zain
Hamar eserlekura iritsi ahal izateko, PSOEk lau senatari utziko lizkioke Junts barruan duen taldeari, bost EAJri eta sei Sumarrek eta Geroa Baik osatzen dutenari.
2023/08/28 - 20:07
Kongresuko Mahaiak oniritzia eman die ERCren eta Juntsen taldeei
Sumarrek bi diputatu utzi dizkio ERCri eta PSOEk lau Juntsi, Kataluniako lau barrutietan botoen % 15 lor dezaten helburuarekin.
2023/08/28 - 11:04
Feijook gaur ekingo dio bere bilera sortari, EH Bildu baztertuta, babesak lortzeko asmoz
"Hitz egin bai, baina xantaiarik gabe eta gutxiengoen menpe jarri gabe" batuko da Junstekin, babes bila, eta akaso oraingoan ez duela helburua lortuko aitortu du: "Epe laburrean inbestidura egon ez arren, PPren Espainiako gobernu baten lehen harria izango da".
2023/08/28 - 07:00
Kongresuko Mahaiak gaur emango dio oniritzia ERCren eta Juntsen taldeak utzitako diputatuekin osatzeari
Sumarrek bi diputatu utzi dizkio ERCri, eta PSOEk, lau Juntsi. Diputatuak uztea ohikoa da, baina Mahaiaren oniritzia behar du. Zortzi taldeak eratu ondoren, Ganberak hemizikloa antolatu eta legegintzaldia hasteko aldez aurreko lanak egin ahalko ditu.
2023/08/24 - 14:10
Gaur amaitzen da Kongresuan talde parlamentarioak osatzeko epea
PPk, PSOEk, Voxek, Sumarrek, EAJk eta EH Bilduk bermatuta dute taldeak osatzea. Sumar alderdiak diputatuak utziko dizkio ERCri, eta PSOEk Juntsi, Kongresuan talde propioa osa dezaten. Bien bitartean, Coalicion Canaria, BNG eta UPN Talde Misto baterantz doaz.
2023/08/23 - 13:13
Feijooren inbestidura saioa irailaren 26rako eta 27rako deitu du Armengolek
Alfredo Nuñez Feijoorekin, Felipe VI.ak proposatutako hautagaiarekin, batera hartu du erabakia Diputatuen Kongresuko presidenteak.
2023/08/21 - 19:48
Pau Casalsi Frantzian egindako omenaldi batek Puigdemont, Aragones, Torra, Pujol eta Montilla bildu ditu
2017tik ematen ez zen argazki historiko baten lekuko izan da Sant Miquel de Cuixa astelehen honetan.
2023/08/21 - 15:50
Puigdemontek ez du inbestidurari buruzko adierazpenik egin Pau Casalsen omenaldira iritsi denean
Codaleteko (Frantzia) Sant Miquel de Cuixa abadian Pau Casalsi egindako omenaldira iritsi denean, Kataluniako presidente ohiak PSOEri emandako babesaz galdetu diote, baina ez du adierazpenik egin nahi izan.
2023/08/18 - 18:03
Abuztuaren 25a izango da talde parlamentarioak osatzeko azken eguna
Taldeek izena emateko epea datorren ostiralean amaituko da, eta hurrengo astelehenean bilduko da Mahaia ebazpena emateko. Junts eta ERC ziurgabetasun egoeran daude taldeak osatzeko baldintza guztiak ez dituztelako betetzen.
2023/08/18 - 07:00
Inbestidurari begirako hurrengo urratsak
Kongresuko eta Senatuko Mahaiak osatuta, alderdiek talde parlamentarioa osatzea eskatzeko epea ireki da. Inbestidurarako bidean, Armengol erregearekin bildu da, Felipe VI.ak alderdiekin bilerak antolatzen hasi ahal izateko.
2023/08/17 - 16:07
Bloke aurrerakoiak gehiengoa izango du Kongresuko Mahaian, baina talde nazionalistak kanpoan gelditu dira
Francina Armengol sozialista izango da Mahaiko presidentea. PPk lau kide izango ditu (bi presidenteorde eta bi idazkari), PSOEk hiru (presidentea, presidenteorde bat eta idazkari bat) eta Sumarrek bi (presidenteorde bat eta idazkari bat). Talde nazionalistak eta Vox kanpoan gelditu dira.
2023/08/17 - 11:30
Gorte Nagusiak osatzeko saioa jarraitzeko gida
Kongresuko Mahaiaren osaketa airean dago oraindik.
2023/08/16 - 16:18
Yolanda Diazek esan du ''maila gorenean'' ari dela hitz egiten Juntsekin
Yolanda Diazek esan du Juntsekin "maila gorenean" negoziatzen ari dela Kongresuko Mahairako akordio bat lortzeko. "Egiazta daiztezkeen ekintzak" eskatzen zituen Carles Puigdemonten mezua negoziazioen "logikaren" barruan ikusten ditu Sumarreko buruak.
2023/08/16 - 14:14
"Ekintza egiaztagarriak" eskatu ditu Puigdemontek, Kongresuko Mahaia aukeratzeko bozketaren aurretik
Presioak presio, ez dela Juntsen jarrera aldatu nabarmendu du Kataluniako presidente ohi eta Juntseko eurodiputatu denak. Bestalde, BNGk baieztatu du PSOEren hautagaiaren alde egingo duela Diputatuen Kongresuko presidente izateko. Halaber, ERCk eta Juntsek talde propioa izatea babestuko du.
2023/08/15 - 16:08
Kongresuko Mahaia osatzeko negoziazioak aurrera doaz, Juntsen erabakiaren zain
Ezkerreko taldeak "diskrezioz" ari dira lanean, alderdi "aurrerakoiek" Kongresuko Mahaian gehiengoa izan dezaten. Gorte Nagusiak eratzeko bilkura ostegunean (10:00) egingo da eta Juntsek minutu batzuk lehenago erabakiko du bere jarrera.
2023/08/14 - 22:56
JxCatek ostegun goizean erabakiko du Kongresuko Mahaiaren osaketaren inguruan zein jarrera hartu
Bilera telematikoa izango da, 08:00etatik 09:45era, Gorte Nagusiak eratzeko bilkura baino bi ordu lehenago.
2023/08/09 - 11:11
Estatuko etxebizitza legearen aurka jotzea erabaki du orain ERCk, "eskuduntzak urratzen" dituela argudiatuta
Estatutu Bermeen Kontseiluaren txosten bati men egin diote errepublikanoek; horren arabera, arauak Generalitatearen eskumenak urratzen ditu. Konstituzio Auzitegira jotzearen alde bozkatuko dute irailean ERCk eta Juntsek, nork bere proposamena eginda (boto gehien biltzen dituena aterako da aurrera).