Juntsek PSOEri ohartarazi dio ez duela atzera egingo eskakizunetan, eta ERCk amnistia "egintzat" ematen du
Pedro Sanchezen balizko inbestidurari begira, Kataluniako alderdi independentista nagusiek amnistiarekin eta katalanaren ofizialtasunarekin presioa egiten jarraitzen dute.
Marta Rovira ERCko idazkari nagusiak gaur azpimarratu duenez, zehaztasunen faltan, bere alderdiak egintzat ematen du amnistia legea, besteak beste, Kataluniako gatazkaren inguruko negoziazioari baldintza berdinetan heltzeko. Are gehiago, Kataluniako gatazkari buruzko negoziazio mahaiari berriro heltzea eskatu du Pedro Sanchez Espainiako Gobernuko presidente izateko baldintza gisa.
ERCren Kontseilu Nazionalean bideokonferentzia bidez sartu da Marta Rovira, eta argi hitz egin du. Horren esanetan, ERCk Espainian legegintzaldi berria abiatzea ahalbidetuko du baldin eta Gobernuak Kataluniako gatazkaren negoziazioa agenda politikoaren erdigunean jartzen badu.
Rovirak nabarmendu duenez, bere alderdiak amnistia "aurretiazko baldintza gisa" jarri zuen Kongresuko mahaia osatzeko negoziazioetan, "PSOEren eta Sumarren konpromiso irmoa ezinbestekoa zelako errepresio politikoari amaiera emateko". "ERCk egintzat ematen du amnistia legea, zehaztea bakarrik falta da", gaineratu du.
Bestalde, Rovirak PSOEri ohartarazi dio negoziazioak ez doazela ondo. Ildo horretan, azken minutuko negoziaziorik eta kontzesiorik ez dutela nahi azpimarratu du eta, aitzitik, Espainiako Gobernuaren ondoan egongo dela Kataluniako gatazkari konponbide demokratikoa eman nahi badio.
Ez duela atzera pausorik emango esan du Juntsek
Miriam Nogueras Juntsek Espainiako Diputatuen Kongresuan duen bozeramaileak azaldu duenez, ez dute "milimetro erdi bat ere" atzera egingo, eta Estatuarekin "berdinetik berdinerako harremana" harremana izatea defendatu du.
"Ez dezatela pentsatu denborak arazoak konponduko dituela, Rajoyk egiten zuen bezala, ezustekoak izan baititzakete. Eta hori katalanagatik eta amnistiarengatik diot", gaineratu du.
Juntsek Kontseilu Nazionala egin du gaur goizean Mataron, eta Juntsek Pedro Sanchezen balizko inbestidurari begira zehaztutako baldintzak betetzeko eskatu dio Noguerasek PSOEri.
Datorren asteartean, katalana, galegoa eta euskara Europar Batasuneko hizkuntza ofizial egin ala ez erabakitzeko eztabaida egingo du Europako Kontseiluak, eta orduan ikusiko omen da Noguerasen arabera, Espainiak Europan ahotsa duen ala ez.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.