Puigdemontek amnistia legea eta Kataluniaren "zilegitasun demokratikoa aitortzea" eskatu ditu
Carles Puigdemont Kataluniako Generalitateko presidenteak Espainiako inbestidura negoziatzen hasteko baldintza gisa jarri ditu amnistia legea, Kataluniaren "zilegitasun demokratikoa" aitortzea eta errespetatzea, eta adostutakoa betetzen dela egiaztatzeko mekanismo bat sortzea.
Pedro Sanchezen inbestidurari buruzko negoziazioak abiatzeko aurrebaldintzak azaldu ditu.
Lehenik eta behin, Kataluniaren "zilegitasun demokratikoa" aitortzea eta errespetatzea aipatu du. Puigdemonten hitzetan, ez dago errezeta autonomikorik Kataluniaren arazoak konpontzeko, eta autodeterminazio eskubidea aldarrikatu du. Edozein kasutan, ez dio uko egin alde bakarreko bideari.
Bigarrenik, independentismoaren eta independentisten aurkako bide judiziala modu iraunkorrean amaitzea eta amnistia legea eskatu ditu. Puigdemontek gaineratu duenez, ez dira delituak ez 2014ko urriaren 1eko galdeketa ezta independentzia aldarrikapena ere.
Hirugarrenik, aldeen artean adostutakoa betetzen dela egiaztatzeko mekanismo bat sortzea ere exijitu du negoziazioak abiatu aurretik. Horren esanetan, ez dago konfiantzarik, eta, ondorioz, ezinbesteko tresna da.
Bruselan gaur goizean eskaini duen prentsaurrekoan eman dituen azalpenen arabera, gaur egun betetzen ez diren baldintzak dira eta ez lirateke Espainiako Konstituzioaren aurkakoak. Hortaz, baldintza horiek "akordio historiko bat" adostu aurretik izan behar direla gaineratu du.
Juntseko eurodiputatu ere badenak nabarmendu du Espainiako Estatuarekin adostutako erreferendum batek bakarrik ordezka lezakeela urriaren 1eko agindua, eta zilegi dela Espainiako Konstituzioaren 92. artikuluak baimentzen duelako.
Galderarik gabeko prentsaurrekoak 30 minutu eskas iraun du, eta atzo Yolanda Diaz Sumarreko buru eta Espainiako Gobernuko jarduneko bigarren presidenteordearekin bilera egin eta biharamunean eskaini du, Bruselan.
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.