Turullek "inozotasunean ez erortzeko" deia egin du Estatuarekin negoziatzeko orduan
Jordi Turull Junts per Catalunyako (JxCat) idazkari nagusiak Espainiako Estatuarekin "edozer gauza negoziatzeko orduan inozotasunean ez erortzeko" deia egin du. "Aldebakartasunari uko egitea nazioari uko egitea litzateke", gaineratu du prentsari egindako adierazpenetan, Rafael Casanovaren monumentuari Bartzelonan egindako lore-eskaintzaren ostean.
Carles Puigdemont presidente ohiak Pedro Sanchezen balizko inbestidura bati begira negoziazioa hasteko baldintzak ezarri ostean heldu dira hitz horiek, eta, horren harira, Turullek esan du PSOErekin "elkarrizketak" daudela, baina argitu du oraindik ez direla "mahai batean eseri" batzuek eta besteek "zer nahi duten esateko".
Nolanahi ere, argi utzi du Espainiako Estatuarekin egindako "edozein akordio egiaztagarria" izan beharko litzatekeela, eta Espainiako Gobernuak "aldez aurretik ordaindu" beharko lukeela, Kongresuko Mahaiaren osaketarekin gertatu zen bezala.
"Badakigu nor dugun aurrean", esan du Turullek, eta Estatuari "aurrean nor duen" argi uzteko deia egin du.
ERC eta Junts, mokoka
Kataluniak Diada eguna ospatuko du astelehen honetan, irailak 11, independentismoaren barruko erreminen ildotik eta Espainiako Gobernuko hurrengo presidentearen inbestidurarako negoziazioek baldintzatuta.
Iaz, Diadak agerian utzi zuen independentismoaren sektore bat haserre zegoela ERCk Estatuarekin elkarrizketak izatearen aldeko apustua egin zuelako, baina oraingoan JxCatekin dira mesfidati, ez baitizkio ateak itxi Pedro Sanchezen inbestidura negoziatzeari.
Parlamentuan ordezkaritza duten hiru alderdi independentistak (ERC, JxCat eta CUP) banatuta heldu dira, iazko urrian Juntsek Pere Aragonesen Kataluniako Gobernutik alde egitea erabaki ostean.
ERCk eta JxCatek oso antzeko jarrerak dituzte orain inbestiduraren aurrean, eta negoziatzeko prest daude, euren aldarrikapenik garrantzitsuenak aintzat hartuz gero, hala nola amnistia.
Hala ere, Kataluniako Asanblea Nazionalak (ANC) eragin du zatiketa. Horrek antolatu izan du irailaren 11ko manifestazioa, Kataluniako prozesua hasi zenetik, eta azken urteotan indarra galdu du independentziaren aldeko desmobilizazioaren ondorioz.
Bi manifestazio arratsaldean
Urtero legez, ANCk manifestazioa deitu du 17:14rako Bartzelonako erdigunean. Lau puntutatik abiatuko dira (Santseko geltokia, Ogasunaren egoitza, Justiziaren hiria eta Proa eskola), eta Espainia plazan bat egingo dute.
Bestalde, 18:00etan, Urquinaona plazatik abiatuko da CUPen eta ezker independentistako beste indar batzuen ohiko manifestazioa, eta Born auzoan amaituko da.
Zure interesekoa izan daiteke
Arabak eta Gipuzkoak turismo-tasa ezartzea onartu dute
Bizkaiak joan den astelehenean onartu zuen, eta modu horretan, EAEko hiru lurralde historikoetan 2027ko urtarrilaren 1etik aurrera hasiko dira zerga berria kobratzen.
AEBk Plus Ultrako akziodun baten komunikazioak nola lortu zituen argitzeko eskatu du Zapaterok
Abokatuaren esanetan, AEBren eta Espainiaren arteko informazio-trukeak "arrazoizko zalantzak" sortzen ditu berme prozesalen errespetuan.
Kongresuaren gehiengoak errefusatu egin du Bardeako jarduera militarra bertan behera uztea
EH Bilduk, EAJk, Podemosek eta Sumarrek legez besteko proposamen bat eraman dute Behe Ganberara, bertan behera uzteko eta ingurua birmoldatzeko plan bat ezartzeko.
Sanchezek gobernuan jarraituko duela adierazi du, Feijook dimititzeko eskatu dion arren
Asteazken honetan egin den Kongresuko kontrol-saioan, Feijook dimisioa emateko eta "zabor-aldia ez luzarazteko" eskatu dio Sanchezi. EH Bilduk, bestalde, legealdiarekin jarraitzearen alde egin du, baina "paralisi" egoeratik irteteko eskatu dio.
Osasun arloko gatazkaren aurrean Ministerioak eta Jaurlaritzak egindako kudeaketak kritikatu ditu Laura Garridok
Euskadiko Alderdi Popularraren buruak azaldu duenez, Ministerioak ez du egin beharrekoa egin, baina Jaurlaritzak badu nahikoa eskumen arazoari aurre egiteko. Horrez gain, argitu duenez, itunpeko osasun-zerbitzuetara jotzea ez da neurri berri bat, 2009tik dekretu batean jasotako eskubidea baizik. Ziurtatu duenez, Osakidetzan arazo estrukturalak daude, besteak beste, mediku eskasiari aurrez heldu ez zaiolako.
Pradales, Espainiako Gobernuari: "Gobernatzea ez da irautea soilik"
Lehendakariak egonkortasun politikoa eta lankidetza defendatu ditu Euskadik aurrera egiteko: uztaila baino lehen transferitzeke dauden eskumenak ixtea eskatu du, eta ohartarazi du ustezko ustelkeria kasuak ezin direla aitzakia izan gobernatzeari uzteko.
Enrique Maya Iruñeko alkate ohiari eraso egin diote Alde Zaharrean
Maya onik dago, eta Iruñeko Udaltzaingoaren iturrien arabera, oraingoz ez dute inor atxilotu.
EAJk inkestetan lider izaten jarraitzen duela erantzun dio Ansolak Otegiri, herritarren beharrei "erantzuna ematen dielako"
Iñigo Ansola EAJren Bizkaiko presidenteak Arnaldo Otegiren hitzei erantzun die gaur Radio Euskadin, eta Aitor Esteban ez duela "batere urduri" ikusten esan du. EAJk inkestetan lider izaten jarraitzen duela defendatu du, herritarren beharrei "erantzuten" dielako. Bestalde, Bilboko etorkizuneko erronkei aurre egiteko Mikel Hidalgo hautagai "perfektua" dela esan du Iñigo Ansolak.
Donostia Europako hiri "oparo eta zoriontsuena izatea" du helburu Jon Insaustik
Hiriak eta hiritarrek etorkizunean izango dituzten beharrei buruz hausnarketa egin du Donostiako Udalak Victoria Eugenia antzokian, Donostiarra 2040 Topera! izenburuarekin. Jon Insausti alkateak onartu du "donostiarrek donostiarrontzat egindako hiria" lortzea dutela erronka nagusi.
Marlaskak esan du Nafarroako Unibertsitatean izandako istiluen osteko polizia-operazioa "proportzionala" izan dela
Josu Estarrona EH Bilduren senatariak egindako galdera bati erantzunez, Fernando Grande-Marlaska Barne ministroak esan du joan den astean Nafarroan egindako polizia-operazioa "egokia eta proportzionala" izan zela, "2025eko urriaren 30ean Nafarroako Unibertsitatearen inguruan Vito Quilesen ekitaldi baten aurka izandako istiluengatik". Guztira, 28 pertsona atxilotu zituzten.