Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Grammy sarien gala bozgorailu politiko eta kultural bihurtu da bart. Saritutako hainbat artistak Ameriketako Estatu Batuetako Aduanen Migrazio eta Kontrol Zerbitzua (ICE) kritikatu dute, eta migrazioaren eta aniztasunaren aldeko aldarriak oso presente egon dira Los Angeleseko Crypto.com Arenan.
Gaueko lehen sarien artean, "Golden" Netflix plataformako KPop Demon Huntersen abestia nabarmendu da, animaziozko film baterako abesti onenaren Grammy saria lortu baitu. Saria mugarria izan da K-popean, sariotan bere lehen golardoa lortu baitu genero horrek. HUNTR/X fikziozko bandak interpretatutako abestia, gainera, kategoria nagusietan lehiatu da, hala nola urteko grabazio eta abestienean.
Bad Bunnyk musika urbanoko disko onenaren Grammy saria irabazi du DeBÍ TiRAR MáS FOToS diskoagatik. Puertorricoko artistak "ICE out" oihukatu du agertokitik, eta "ez gara animaliak, ezta basatiak ere, gizakiak gara, eta amerikarrak gara" esan du. Abeslariak aurreko asteetan azaldu duenez, ez du Ameriketako Estatu Batuetan joko, migratzaileak kontzertuetara joateko beldur direlako, Donald Trump AEBko Gobernuko presidenteak bultzatutako deportazio erasoaldiaren ondorioz.
Billie Eilish abeslariak urteko abesti onenaren Grammy saria irabazi du Wildflower abestiagatik, eta ICEren aurka egin du berak ere hitzaldian. Gainera, Justin, Hailey Bieber eta beste artista ospetsuk bezala, "ICE Out" leloa zuen pin bat jantzi du alfonbra gorrian, migrazio-sarekadak eta agente federalen jarduna salatzeko.
Musikari dagokionez, Kendrick Lamarrek rap disko onenaren Grammy saria irabazi du GNX diskoagatik. Bad Bunny ere kategoria horretan lehiatu da, eta sari hori lortu duen gaztelaniazko lehenengo diskoa da berea.
Artista berri onenaren saria Olivia Deanek jaso du, eta Guyanatik Erresuma Batura nerabe zela emigratu zuen amonari eskaini dio saria abeslari britainiarrak.
Zure interesekoa izan daiteke
Señeak egonaldiak musika gerturatuko die gazteei
Señeak Bizkaia Rock Kanpusak "lehen mailako euskal artistekin" ikasteko aukera eskaintzen die 14 eta 17 urte bitarteko gazteei.
Kneecap taldea Bilbora itzuliko da, ekainean
Bilbao BBK Live jaialdiaren iazko edizioan jo eta gero, Belfasteko hirukoteak “Fenian” disko berria aurkeztuko du oraingoan, Santana 27 aretoan, ekainaren 8an.
Pepo Márquez: “Jada ez dago kontsumo kultural kaltegaberik”
“Antineutral” saiakeran, musikari eta musika industriako profesionalak musika lurralde neutrala izan ote daitekeen galdetzen dio bere buruari (spoilerra, ez), eta inbertsio funtsek, joko eremu horretan sartuta, hankaz gora jarri duten industriaren zentzu kulturalean sakontzen du.
Izaro abenduan itzuliko da, disko berriarekin
Mallabiar kantariak “Arkitektura” disko berria kaleratuko duela iragarri du. 2027ko urtarrilean aurkeztuko du lan hori zuzenean, Irunen.
Arriagak ireki eta Fallak itxiko du Musika-Música jaialdia
Bilboko jaialdiaren 25. edizioa Arriagan hasi, eta Euskalduna jauregian egingo da martxoaren 6, 7 eta 8an.
Baga Bigak 20 urte bete ditu, euskal musikagintzaren ikur bilakatuta
Euskal taldeak eta artistak kudeatzeaz arduratzen dira Baga Bigan, eta horien estrategia lantzen dute: kontzertuak, grabazioak... Urteurrena ospatzeko, Baga Bigak kontzertu berezia antolatu du gaur, larunbata, Euskaldunan, beraiekin aritu diren talde eta artista askorekin elkarlanean.
“Rosas” La Oreja de Van Goghen kantuak mila milioi entzunaldiko marka gainditu du Spotifyn
Donostiako taldearen kantua “Let It Be”, “Imagine”, “Knockin’ On Heavens Door” edo “Like a Prayer” baino gehiago entzun da plataforma horretan.
Judith Jaureguik Victoria Eugeniara eraman du "Homeland"
Donostiar piano-jotzaileak bere hiriko antzokian ("oso leku berezia niretzat") aurkeztu du bart disko berria, Griegen pianorako kontzertua eta Manuel de Fallaren "Noches en los Jardines de España" biltzen dituen lana. Errezitaldian, Chopin, Grieg, De Falla, Komitas Vardapet, Villa-Lobos eta Ginasteraren piezak errepasatu zituen Jaureguik. Datorren hilean, Bilbon (martxoak 7 eta 8), Errenterian (martxoak 26) eta Donibane Lohizunen (martxoak 28) joko du.
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.