Lana

2024/12/05 - 11:46

EAEko ekonomia % 1,8 hazi da azken hiruhilekoan, iragarritakoa baino bi hamarren gehiago

Zerbitzuek eta Eraikuntzak izan dute bilakaera onena, % 2,2 eta % 1,5 igota; Industriak hazkunde apala izan du (% 0,7). Enplegu datuak positiboak dira, iazko epe berarekin alderatuta, % 1,6 hazi baita, eta 15.795 lanpostu sortu.

2024/12/04 - 17:44

EAEko 160.000 langile autonomo inguruk BGAE berriak kontratatzen hasi ahal izango dute aurten

Borondatezko gizarte-aurreikuspeneko eredu hori Bilboko Burtsan egindako ekitaldi batean aurkeztu dute erakundeek. Bertan, Ogasun eta Finantzetako sailburuak eta Merkataritza Ganberetako presidenteek parte hartu dute.

2024/12/03 - 10:12

EAEn 603 langabe gutxiago zenbatu dituzte azaroan; Nafarroan, aldiz, 95 gehiago

Azken hilabeteko goranzko joera hautsi du, horrenbestez, Euskal Autonomia Erkidegoak. Foru Erkidegoan, berriz, langabeziak gora egiten duen bosgarren hilabetea da honakoa. Nolanahi ere, Gizarte Segurantzaren afiliazioak bilakaera positiboa izan du bi erkidegoetan.

2024/11/29 - 20:41

Manifestazio jendetsua egin dute Zumaian, Balenciaga ontziolako lanpostuen alde

Ehunka pertsonak Balenciaga ontziolaren itxiera saihesteko konponbide bat eskatu dute, enpresaren egoitzatik abiatu den enpresa-batzordeak deitutako manifestazio batean.

2024/11/29 - 18:51

Ehunka pertsonak Balenciaga ontziolaren itxiera saihesteko konponbide bat eskatu dute Zumaian

Bestalde, Marisol Garmendia Espainiako Gobernuak EAEn duen ordezkaria sindikatuetako ordezkariekin bildu da, Eusko Jaurlaritzak, Gipuzkoako Foru Aldundiak eta Zumaiako Udalak ostegunean egindako batzarraren ostean.

2024/11/28 - 13:29

Zer dira klima-arriskuagatiko baimenak?

Langileek ordaindutako lau eguneko baimena hartu ahal izango dute klimarekin loturiko muturreko gertakarien aurrean, GOIDIa kasu, eta egoerak hala eskatzen badu, baimen hori luzatu ahal izango dute.

2024/11/25 - 23:22

Thyssenkruppek 11.000 lanpostu murriztuko ditu altzairuaren arloan, langileen % 40

Multinazionalak 27.000 behargin inguru ditu. Zehazki, konpainiak aurreikusi du siderurgia sektorean 2030era arte 5.000 bat langile kaleratzea eta 6.000 lanpostu kanpoko hornitzaileen esku uztea.

2024/11/24 - 11:09

Bi enpresa berri arduratuko dira astelehen honetatik aurrera Arabako eta Bizkaiko anbulantzia zerbitzuaz

Zerbitzua orain arte eskaintzen zuen La Pau Kataluniako kooperatiba ordezkatuko dute Sanir eta Ambulancias Baztan Bidasoa enpresek osatutako aldi baterako enpresa-elkarteak eta Ambulancias Gipuzkoak.

2024/11/22 - 12:20

Lau feriazale atxilotu dituzte Caparroson, 17 urtez gizon bat esklabotasun egoeran lan egitera behartzeagatik

Duela 20 urte baino gehiago Bilbon desagertu eta pasa den martxoan Caparroson onik aurkitu zuten gizona da biktima.

2024/11/20 - 18:30

EAEk ez ditu emakumeen eta atzerritarren parte hartzea eta gaitasunak aprobetxatzen, txosten baten arabera

Orkestra-Lehiakortasunerako Euskal Institutuak (Deusto Fundazioa) Euskal Autonomia Erkidegoko Lehiakortasunari buruzko 2024ko Txostena aurkeztu du, Gasteizko Artium Museoan. Ikerlanak lehiakortasun inklusiboa sustatzeko beharra nabarmentzen du, ongizatea sortzeko.

2024/11/20 - 12:40

Bizileku-baimena lortzea amesgaizto bihurtzen da migratzaile askorentzat

Espainiako Gobernuak onartutako Atzerritarrei buruzko Araudi berriak urtean 300 000 pertsona erregularizatzea aurreikusten du. Paperak lortzea odisea bat da migratzaile gehienentzat. Euskadin bizi diren horietako batzuekin hitz egin dugu.

2024/11/20 - 12:16

Hauek dira atzerritarren araudi berriaren gakoak

Atzerritarren araudi berria onartuta, Espainiako Gobernuak urtean 300.000 pertsona erregularizatzea espero du. Araudiak bost finkatze mota ezartzen ditu, eta hainbat aldaketa horietako bakoitzean.

2024/11/20 - 11:33

Azaroaren 25etik aurrera bi enpresa berri arduratuko dira Araban eta Bizkaian anbulantzia zerbitzua emateaz

Sanir eta Ambulancias Baztan Bidasoa enpresek osatutako aldi baterako enpresa-elkarteak eta Ambulancias Gipuzkoak ordezkatuko dute, beraz, Kataluniako La Pau kooperatiba.

2024/11/19 - 23:47

Espainiako Gobernuak urtean 300.000 pertsona erregularizatzea espero du, atzerritarren araudi berria onartuta

Accem eta CEAR gobernuz kanpoko erakundeek txalotu egin dute erreforma, baina neurriak bisa humanitarioak jasotzea eskatu dute. Bestalde, ELA sindikatuak uste du erreformak "eskulan merkea" erraztu nahi duela.

2024/11/19 - 14:27

EAEko Lan Ikuskaritzak irregulartasunak aurkitu ditu lanaldi partzialeko 10.331 kontratutan

Eskutitzak bidali ditu 5.310 enpresatara (enpresa-multzoaren % 9,3) eta, besteak beste, ohartarazi zaie kontratatutako lanaldiaren eta benetan egindakoaren arteko aldeak jakinarazi eta likidazio osagarriak sartu behar dituztela.

2024/11/18 - 12:05

Botatzeko zen kroketa bat jateagatik kaleratu zuten, eta orain Justiziak arrazoia eman dio langileari

Mercadonaren arabera, langileak arau-hauste oso larria egin zuen eta horregatik erabaki zuen enpresak kanporatzea. Gaztela-Mantxako Justizia Auzitegi Nagusiak ebatzi du, ordea, kroketak ez zuela baliorik merkatuan, eta, hortaz, kaleratzea bidegabea izan zela.

2024/11/07 - 17:14

ConfeBaskek eragileen arteko itun bat eskatu du "absentismoaren arazoari" aurre egiteko

'Euskadiko lan-absentismoa berrikustea eta aztertzea' goiburupean, patronalak mahainguru monografiko bat antolatu du Bibon. Besteak beste, Eusko Jaurlaritzako eta CCOO eta UGT sindikatuetako ordezkariek hartu dute parte.

2024/11/05 - 10:04

Urrian 501 langabe gehiago zenbatu dituzte EAEn, eta 476 gehiago, Nafarroan

Guztira, 108.497 langabe daude Euskal Autonomia Erkidegoan eta 30.088, berriz, Nafarroan. Aitzitik, afiliazioak marka berria ezarri du EAEn eta Nafarroan, eta Gizarte Segurantzan izena emanda daudenak 1.020.760 eta 312.744 dira, hurrenez hurren.

2024/11/04 - 19:57

Yolanda Diazek Valentziarentzat ''lan-ezkutua'' iragarri du, enplegu guztiak ''salbatzeko''

"Inork ez du eskubiderik galduko, ez soldatarik, ez kotizaziorik", baieztatu du presidenteordeak, eta langileei "beldurrik ez izateko" eskatu die, beharrezkoak diren mekanismo guztiak martxan jarriko direlako, eta ez bakarrik kalteak jasan dituzten 69 udalerrietan.

2024/10/29 - 08:49

Albiste izango dira: 2025eko EAEko Aurrekontuak, greba Nafarroako hezkuntza publikoan eta Volkswagenen krisia

Gaurkoan albiste izango direnen laburpena, bi hitzetan.