Lau feriazale atxilotu dituzte Caparroson, 17 urtez gizon bat esklabotasun egoeran lan egitera behartzeagatik
Guardia Zibilak talde kriminal bat desegin du eta familia bereko lau feriazale atxilotu ditu Caparroson (Nafarroa), 17 urtez gizon bat esklabotasun egoeran lan egitera behartzeagatik, Espainiako Barne Ministerioak eta Guardia Zibilak ohar bateratu batean jakitera eman dutenez.
Duela 20 urte baino gehiago Bilbon desagertu eta pasa den martxoan Caparroson —feriazale familia batekin bizitzen— onik aurkitu zuten gizona da biktima. Senideek salaketa jarri zuten 2009an, eta 2003tik bere berririk ez zutela eta osasun eta diru arazoak zituela ohartarazi zuten.
Lucendi izena jarri dioten operazioko ikertzaileek jakin ahal izan dutenez, biktimak hainbat dirulaguntza jasotzen zituen, tartean, langabezia saria, pentsioa eta errenta aitorpena bere izenean zegoen kontu korronte batean, baina gero beste pertsona batek dirua ateratzen zuen bertatik hilero Caparrosoko sukurtsal batean.
Egun batean, biktima bere alabarekin harremanetan jarri zen eta berarekin bizi nahi zuela esan zion. Esklabo gisa bizi zela eta feriazale horiekin ez zuela bizi nahi ere kontatu zion. Esaterako, etxeko lanak egiteko besteak baino lehenago jaikitzera behartzen zuten eta bera arduratzen zen haurrentzako atrakzioak mantentzeaz, gainbegiratzeaz eta garbitzeaz, trukean dirurik jaso gabe. Era berean, ez zuen janaria edo edaria bere kabuz eskuratzeko aukerarik eta bakarrik jatera eta lo egitera behartzen zuten, baita kalean mangera batekin dutxatzera ere.
Horrez gain, feriazale familiako kide batzuek ematen zioten tratuagatik ikaratuta zegoela ere azaldu zuen biktimak.
Biktimaren osasun txartela eta NAN txartela feriazaleek erabiltzen zuten. Guztira, 100.000 euro baino gehiago jaso zituzten biktimaren izenean hark ezer jakin gabe eskatutako dirulaguntzetatik.
Hori guztia dela eta, pasa den azaroaren 20an hainbat miaketa egin zituzten Caparroson, eta, besteak beste, 120.000 euro atzeman zituzten eskudirutan, biktimaren objektu pertsonalekin batera.
Zure interesekoa izan daiteke
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.
100.000 € gorde dira indarkeria matxistaren biktimen seme-alaben laguntzetarako Euskadin
2025ean emakumeen aurkako indarkeria matxistaren ondorioz hildako emakumeen 8 seme-alaba lagundu dira. Laguntza ama hiltzen den unean adingabeak diren seme-alabei zuzenduta dago, eta 21 urte bete arte eska daiteke.
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak uko egin dio epaiketan deklaratzeari
Ondorioen idatzian, akusazioek 45 urteko kartzela eskariari eutsi diote Mazonen ustezko hiltzailearentzat, eta defentsak ere hasierako eskaria mantendu eta absoluzioa galdegin du.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Kartzelara bidali dute, behin-behinean, Arrasaten ikasle-egoitza batean sexu-erasoa egin duelakoan atxilotutako gizona
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak egin ditu unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".