EAEn 603 langabe gutxiago zenbatu dituzte azaroan; Nafarroan, aldiz, 95 gehiago
Azaroko langabezia datuek bilakaera ezberdina izan dute Hego Euskal Herrian. Euskal Autonomia Erkidegoan (EAE), behera egin du langabe kopuruak, eta 603 pertsona gutxiago zenbatuta, azken hilabeteko joera irauli da. Nafarroak, aldiz, bosgarren hilabetea du goranzko joerarekin, eta 95 pertsona gehiago geratu dira lan barik (aurreko hilabetearekin alderatuta, igoera apala izan da, dena den).
Espainiako Lan eta Ekonomia Sozialeko Ministerioak eta Lanbide Euskal Enplegu Zerbitzuak emandako datuen arabera, Hego Euskal Herrian 138.077 pertsona daude lan barik.
Iazko epe berarekin alderatuta ere, kontrako bilakaera izan dute bi erkidegoek. EAEn, jaitsi egin da langabezia (258 langabe gutxiago, % -0,24), eta Nafarroan, igo (23 langabe gehiago, % 0,08).
Lurraldeka, Arabak eman du datu onena: langabeziak % 1,02 egin du behera, urriarekin alderatuta. Ondoren datoz Gipuzkoa (% 0,59) eta Bizkaia ( % 0,4). Ifrentzuan, Nafarroak % 0,32ko igoera izan du.
Dena dela, Gizarte Segurantzaren afiliazioak bilakaera positiboa izan du bi erkidegoetan, 2.000 pertsonatik gorako igoerekin —2.138 gehiago, EAEn, eta 2.461 gehiago, Nafarroan—. Hori horrela, milioi bat pertsona pasatxo (1.022.898) daude afiliatuta EAEn; Nafarroan, 312.156.
Espainiako Estatuari dagokionez, behera egin du langabeziak (16.036 pertsona gutxiago, % 0,62). Hala, gaur-gaurkoz 2.586.018 pertsona daude lan barik, 2007ko azarotik kopururik txikiena.
Balorazioak
Alfonso Gurpegui Eusko Jaurlaritzako Enplegu eta Inklusio sailburuordeak langabeziaren jaitsieraren eta afiliazioaren marka historikoa nabarmendu ditu. Horren ustez, nazioarteko ziurgabetasuna gorabehera, EAEko ehun ekonomikoak "dinamismoa erakusten jarraitzen du, aurreikuspen ekonomiko onekin".
Bestalde, Txerra Garcia de Eulate Nafarroako Gobernuko Analisi eta Prospekzio Bulegoko zuzendariak azaldu duenez, langabeziaren igoera apala "ohikoa" da azaroan, eta aurtengoa aurreko urteetakoa baino txikiagoa izan da. Hori horrela, nabarmendu duenez, enplegua "egonkor" mantendu da azken hilabetean. Afiliazio datuek ere "hazkunde sendoa" erakutsi dute, horren arabera.
Zure interesekoa izan daiteke
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.