Memoria Historikoa
2024/03/03 - 16:24
1976an Poliziak hildako bost langileak oroitu dituzte Gasteizen
Lore-eskaintzaren ostean, Martxoak 3 elkarteak eta ELA, LAB, ESK eta Steilas sindikatuek deituta, manifestazioa egin dute, "Etorkizun justu baterantz" lelopean. Biktimak gogoratzeko erakundeek sortuko duten memoriala txalotu du Martxoak 3 elkarteak.
2024/03/03 - 14:53
Istiluak izan dira Gasteizen martxoaren 3ko biktimen omenez egindako manifestazioan
El Corte Ingles parean izan dira istiluak. Hainbat manifestarik bengalak eta pintura gorria bota dute eraikinera, eta tentsio uneak izan dira. Ertzaintzak kargatu egin du. Lau lagun atxilotu dituzte eta hainbat zauritu izan dira.
2024/03/03 - 13:30
Martxoaren 3ko biktimen omenez egindako lore-eskaintzan parte hartu dute alderdi politikoek
1976ko martxoaren 3an Gasteizen hildako bost langileen aldeko lore-eskaintzan izan dira Pello Otxandiano (EH Bildu), Imanol Pradales (EAJ), Miren Gorrotxategi (Elkarrekin Podemos), Alba Garcia (Sumar) eta Ainhoa Domaica (PP).
2024/03/03 - 12:43
Mendia eta Melgosa sailburuek lore-sorta bana eskaini diete biktimei hilketen urteurrenean
1976ko martxoaren 3an Gasteizen eraildako bost langileen aldeko lore-eskaintzan izan dira Idoia Mendia lehendakariorde eta Lan eta Enplegu sailburua eta Nerea Melgosa Justizia, Berdintasun eta Gizarte Politiketako sailburua. Eraildakoen memoria bizirik mantendu behar dela azpimarratu dute.
2024/03/02 - 11:04
"Azkenean hasi da martxoaren 3ko biktimen memorialaren sorkuntza"
Nerea Martinez Martxoak 3 elkartearen bozeramaileak eskerrak eman dizkie gasteiztarrei, horien "indarra" izan delako "administrazioak martxan jartzea lortu duena".
2024/03/01 - 15:56
Gasteizko San Frantzisko eliza memoria gune izendatzeko eskatu du alkateak
Lehen aldiz hartu du parte Espainiako Gobernuko ministro batek Martxoaren 3ko biktimen aldeko lore eskaintzan. Angel Victor Torres ministroak 600.000 euroko dirulaguntza iragarri du Martxoak 3 fundaziorako.
2024/02/27 - 22:11
Espainiako Gobernuak eta haren bazkideek sekretu ofizialen legearen erreforma berriro bultzatzea babestu dute
Hala ere, ez da adostasunik lortu dokumentuak desklasifikatzeko epeen inguruan. EAJk berriro ekarri duen lege-proposamena da. Espainiako Gobernuak 2022an aurreproiektu bat onartu zuen, baina azkenean bertan behera geratu zen hauteskundeak aurreratzearen ondorioz.
2024/02/26 - 17:48
Gernikako arbolaren kimu bat landatu dute Turtziozen
Memoriarekiko duen konpromisoa indartuz, Jaurlaritzak Gernikako arbolaren kimu bat landatu du Turtziosen, bere garaian Jaurlaritzak erbesteratu aurretik izan zuen azken egoitza Jauregian.
2024/02/26 - 14:58
"Atzo eta gaur borrokan, etorkizun justu baterantz" da martxoak 3ko manifestazioaren leloa
Datorren igandean, 1976ko martxoaren 3ko 48 urte ospatuko dira. Elizaren ondoan eraikitako monolitoan, martxoaren 3ko Biktimen Elkarteko eta sindikatuetako kideek manifestazioa aurkeztu dute, urtero milaka pertsona biltzen dituena.
2024/02/15 - 19:22
Eratu da Gasteizen Martxoaren 3ko Memoriala Fundazioa, hiru urtetako atzerapenaren ondotik
Nerea Melgosa sailburuak esan du "gaurkoa egun historikoa" dela. Sinadura ofiziala Gogora Institutuak eta Martxoak 3 Elkarteak lankidetza-hitzarmenena sinatu berritan iritsiko da.
2024/02/13 - 14:06
Martxoaren 3ko Memoriala Fundazioa ostegunean eratuko dela baieztatu du Eusko Jaurlaritzak
Gobernu Kontseiluak argi berdea eman dio Gogora institutuaren eta Martxoak 3 Elkartearen arteko hitzarmenari. Zehazki, asteazkenean sinatuko dute, fundazioa eratu bezperan.
2024/02/10 - 10:00
Aranzadik eta Gipuzkoako Aldundiak errepresio frankista jasan zuten emakumeen bizipenak ekarri dituzte gogora
Ione Zuloaga historialariak zuzendutako ikerketan 1936 eta 1945 artean emakumeek pairatutako egoera desberdinak jaso dituzte.
2024/02/08 - 23:45
Rodolfo Martin Villaren aurkako protesta egin dute Iruñean
200 bat lagunek, 'Sanfermines 78: gogoan!' kolektiboak deituta, errefusatu egin dute trantsizio garaiko Barne ministro ohia Iruñean egotea, 1978ko uztailean German Rodriguez hil zuten polizia ekintzaren "errudun" jotzen dutelako.
2024/02/04 - 17:36
Gudari baten hezurrak hobitik atera dituzte Saibin (Abadiño), 2024 osoan jarraituko duen kanpaina hasieran
"Armada kolpistaren aurrean askatasunaren alde bizia eman zutenen sakrifizioa" goraipatu du Eusko Jaurlaritzak, eta omenaldirik onena gorpuak aurkitzea, identifikatzea eta familiei itzultzea dela adierazi du.
2024/02/04 - 14:30
Gerra Zibileko gudari baten gorpuzkiak hobitik atera dituzte Saibi mendian, Abadiñon
Lehendakaria, Nerea Melgosa Berdintasun, Justizia eta Gizarte Politiketako sailburua eta Gorka Urtaran Arabako Gizarte Politiken foru diputatua izan dira bertan. Prospekzio-lanek jarraitu egingo dute 2024an, gudalekua izan zenez, arrasto gehiago egon daitezkeelakoan.
2024/02/03 - 19:28
Frankismo garaian Bilboko Eskolapioetan preso egondako gizonak omendu dituzte
Litekeena da 3.500 gizon inguru igaro izana bertatik. Iragana begirada kritikoarekin aztertzeko eta gertatutakoa belaunaldiz belaunaldi transmititzeko proposatu du Gogora Institutuko zuzendariak larunbat honetan preso horiei egindako omenaldian.
2024/02/01 - 22:54
Martxoaren 3ko Memoriala Fundazioa otsailaren 15ean eratuko da
San Frantzisko eliza memoria zentro bilakatzeko lanak Jaurlaritzak, Arabako Aldundiak eta Gasteizko Udalak ordainduko dituzte. Hiru milioi euroko aurrekontua dute, eta lanak 2025ean hasiko dituzte.
2024/01/24 - 11:08
Gerra Zibileko gorpuzkiak identifikatzen lagunduko duen akordioa itxi dute Gogorak, EHUk eta AMEE erakundeak
Hiru erakundeok sinatu berri duten elkarlan itunari esker, Donostiako Auzitegiko Genetika Unitatearen laborategia erabili ahal izango dute ikertzaileek gerra garaiko gorpuzkien identifikaziorako.
2024/01/20 - 20:55
'Filoterrorista' deitzen dietenei aurre egiteko eskatu du Anduezak Carrascoren hilketa kontatu ostean
Lagunaren hilketaren lekukotza kontatu ostean, PSE-EEren idazkari nagusi eta lehendakarigaiak txalo zaparrada jaso du Coruñan, PSOEren Konbentzio Politikoan. "Inoiz ez utzi inori sozialistei buruz horrela hitz egiten. Gu duintasunaren adibide gara, askatasunaren defentsaren adibide", esan du.
2023/12/30 - 23:13
Gerra zibiletik etxean gordeta izan duten ikurrina eman dio Ezkiaga-Lasa familiak Legorretako Udalari
Errepublika garaian Legorretako EAJko Batzokian sortutako Irrintzi Alai dantza taldearena izandako ikurrina jaso du gaur Legorretako Udalak. 87 urtez etxean ondo gordeta izan du Ezkiaga-Lasa sendiak legorretarrentzat eta Irrintzi Alai dantza taldearentzat sinbolo berezia den ikurrina.