1976ko martxoaren 3ko sarraskiaren biktimak gogoan, beste urte batez, Gasteizen
Euskal gizartearen, eta, bereziki, gasteiztarren memorian gorriz markatutako eguna da martxoaren 3a. Duela 49 urte, 1976an, bost langile erail zituen tiroz Poliziak, Gasteizko San Frantsizko elizaren atarian, greba orokor baten harira. Biktimak gogoan —Pedro Martinez, Francisco Aznar, Romualdo Barroso, Jose Castillo eta Bienvenido Pereda—, ekitaldi sorta dago antolatuta gaurko.
Aurtengo memoria ekintzek garrantzi berezia dute, 50. urtemugaren atarian gaudelako, eta San Frantzisko eliza memoriagune izendatuko duelako Espainiako Gobernuak 2025ean. Gogora ekarri behar da tenplua Martxoak 3 memorial bihurtuko dutela aurki.
Urtero bezala, oroimen ekitaldiak goizean goiz hasiko dira biktimen aldeko lore eskaintzarekin. Elizaren ondoko monolitora hurbilduko dira ordezkari politiko, instituzional eta sozialak, baita biktimen senitartekoak eta Gasteizko norbanakoak ere. Bost lagun hiltzeaz gain, ehunka pertsona zauritu zituen Poliziak.
Arratsaldean, Martxoak 3 elkarteak langileen omenezko eskulturaren parean antolatu ohi duen omenaldia izango da, 18:00etan. Ordu erdi geroago, 18:30ean, ohiko manifestazioa egingo dute, ELA, LAB, ESK eta Steilas sindikatuekin batera deituta. "Faxismoaren aurrean, antolatu eskubide sozialak borrokatu" lelopean, martxan San Frantzisko elizatik bertatik abiatu eta Maria Sortzez Garbiaren katedralean amaituko da. Han egin baitzen hildako langileen omenez egin zen hileta-elizkizun jendetsua.
Urtero legez, biktimentzat "egia, justizia eta ordaina" eskatzeaz gain, puri-purian dauden lan arloko aldarrikapenak ere eramango dituzte manifestaziora.
Aurtengo leloak gaur egungo eta orduko borrokak berak direla ekarri nahi du gogora. 1976an, "Gasteizko langileek esplotazio eta errepresio sistema frankistaren aurka borrokatu zuten, soldata eta lan- eta bizi-baldintza duinen alde. Gaur egun, borroka horrek indarrean jarraitzen du esplotazio kapitalistaren, faxismoaren eta autoritarismoaren aurrean, planetaren suntsipena, arrazakeria, heteropatriarkatua eta lan eta gizarte eskubideen murrizketa dakartenak", nabarmendu dute.
Era berean, jarraipena emango diote gutxieneko soldata duinari buruzkoak Euskadin bertan erabakitzeko dinamikari. Gutxieneko pentsio duinak, zaintza arloko aldarrikapenek, eta osasuna, hezkuntza eta zerbitzu publiko guztien gaineko aldarriek ere izango dute tokia manifestazioan.
Antolatzaileek eskatu dute herritar guztiek parte har dezaten, zabal-zabal, manifestazioak ahalik eta aniztasun handiena izan dezan. Era berean, deia egin diote Jaurlaritzako Segurtasun Sailari manifestazio eskubidea berma dezan, iazko istiluak saiheste aldera.
Zure interesekoa izan daiteke
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.