Gaur argitaratu du Estatuko Aldizkari Ofizialak Zaramagako Eliza Memoria Leku izendatzeko prozedura
Estatuko Aldizkari Ofizialak (EAO) astelehen honetan, martxoaren 3an hain zuzen ere, argitaratu du Gasteizko San Frantzisko Eliza, 1976an gaurko egunez Poliziak bost langile hil zituen tokia, Memoria Leku izendatzeko prozedura.
Fernando Martinez Memoria Demokratikorako Estatu idazkariak sinatutako ebazpenean agertzen denez, gehienez urtebeteko epea egongo da kudeaketa guztiak egiteko.
Aldizkari Ofizialean argitaratutako testuan azaltzen denez, 1976ko martxoaren 3an Poliziak langileen asanblada "neurririk gabe" desegiteko agindua jaso zuen, eta elizatik gertu zenbait langilek polizien tiroak jaso zituzten, horietako hiru hil ziren lekuan bertan, eta bi, egun batzuk geroago. Guztira, Poliziak 42 langile zauritu zituen tiroz.
Argitaratutako txostenean azpimarratzen da 1976ko martxoaren 3a "data ahaztezina" dela "Gasteizko, Euskadiko eta Espainia osoko langileentzat".
"Martxoaren 3ko gertakariak Gasteizko herritarren memoria iraunkorrean iltzatuta geratu dira, langileek lan eta bizitza baldintzak hobetzeko egin duten borrokaren sinbolo dira, eta Francisco Franco diktadorearen heriotzaren ondorengo Espainian Poliziak langileen mobilizazioei egiten zien errepresio gogorraren irudi", gaineratzen da.
1976ko martxoaren 3ko sarraskiaren biktimak gogoan, beste urte batez, Gasteizen
Elizari dagokionez, Espainiako Gobernuaren ebazpenak dio "Gasteizko langileen ordezkariak hartzen zituen elkarrizketarako espazioa" zela, "askatasun politikorik eta sindikalik ez zegoen garaian".
"Duen balio sinbolikoagatik, langileen iruditerian duen garrantzia handiagatik, diktaduraren zapalkuntzaren aurrean erresistentzia erakusteagatik, gertakari eta hilketa ikaragarri horien erreferente izateagatik, San Frantzisko Eliza eta 1976ko martxoaren 3ko gertakariak Memoria Demokratikoaren Leku izendatzea merezi dute", nabarmentzen du.
Gaur txostena argitaratzeaz gain, aurreko asteazkenean, Angel Victor Torres Lurralde Politikako eta Memoria Demokratikoko ministroak berretsi zuen 600.000 euroko aurrekontua bideratuko dutela Memoriala eraikitzeko.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.