Memoria Historikoa

2024/05/30 - 10:34

Eskuin muturraren eta poliziaren indarkeriaren biktimak aitortzeko ekitaldia egingo dute gaur Nafarroan

Foru Gobernuak biktima gisa aitortu dituen lehen 12 pertsonak aintzat hartzeko lehen ekitaldi ofiziala izango da arratsaldekoa. Besteak beste, Guardia Zibilak eraildako Mikel Zabalza eta Mikel Arregi errekonozituko dituzte.

2024/05/19 - 17:05

1937ko bonbardaketa frankistaren ondorioz Galdakaon hildakoak oroitu dituzte lore-eskaintza batekin

Bizkaiko udalerri horrek ia 30 eraso jasan zituen, Francok aginduta, eta 16 pertsona hil ziren larrienean. Palestinarrak ere gogoratu dituzte omenaldian.

2024/05/14 - 13:55

Iñigo Mendibil eta Rosarito Arando: "Milaka eta milaka dira oraindik desagertuak. Izena jartzea ez da gutxi"

Zornotzako gerra zibileko hobi komunean lurperatu zuten euren osaba Lorenzo. DNA laginak emanak dituzte eta lurpetik atera dituzten gorpuzkinetako bat harena ote den jakiteko zain daude.

2024/05/13 - 22:56

Zornotzan hobitik ateratako bi milizianoren gorpuzkiak jaso dituzte senideek

Adolfo Cengotitabengoa eta Jaime Iñiguez miliziano bizkaitarren gorpuzkiak senitartekoei eman dizkiete astelehen honetan Zornotzan, Eusko Jaurlaritzak hilerriko hobi batetik atera ostean.

2024/05/11 - 21:29

Frankistek Nafarroan 1936an hildako 3.700 pertsonen izenak irakurri dituzte Iruñean

Erorien Monumentua eraistearen eta Memoriaren aldeko mugimenduek egin duten ekitaldian, gorpuzkiak hobietatik ateratzeko lanen argazkiak erakutsi, eta hobi batean loreak utzi dituzte.

2024/05/11 - 15:51

Gerra Zibileko beste gudari baten gorpuzkiak lurpetik atera dituzte Saibigain mendian (Bizkaia)

Horiekin batera, fusil batekin lotutako hainbat objektu berreskuratu ditu Aranzadi Elkarteak. Urkiolan aurten lurpetik ateratako bigarren gorpuzkiak dira, oraindik identifikatu gabe dagoen beste gudari batenak berreskuratu baitzituzten otsailaren 4an.

2024/05/07 - 19:44

Auzitegi Gorenak Delgadoren izendapena baliogabetu du Memoria Demokratikoko fiskal gisa

Garzon epaile ohiaren bikotekidea izanik, Kontseilu Fiskalak bere gain hartzea kargua hartzearen bateragarritasuna agindu du.

2024/05/07 - 18:55

Frankisten bandoko biktimak Oroibidea datu-basean sartzeko UPN, Vox eta PP taldeen mozioa atzera bota dute

PSN, EH Bildu, Geroa Bai eta Zurekin Nafarroa taldeek kontra bozkatu dute. Denek esan du dute frankisten bandoko biktimek hasieratik izan zutela aitortza publikoa, eta beste aldeko biktimak direla ahanzturan geratu zirenak.

2024/05/06 - 15:11

Zornotzako hilerrian berreskuratutako Gerra Zibileko 86 desagertuetako lehena identifikatu dute

Haren familiak maiatzaren 13an jasoko ditu gorpuzkiak, Gogora Institutuak aurreikusita dituen Memoria Historikoaren arloko hainbat ekitaldiren esparruan.

2024/05/03 - 18:24

Bigarren indusketan ere ez dute "Naparra"ren gorpuzkirik aurkitu

Frantziako Armadak eta Jendarmeriak apirilaren 22tik 24ra egin zuten bigarren indusketa, Landetan. Bilaketa horren txosten ofiziala Auzitegi Nazionalera igorriko dute, eta Ismael Moreno epaileak erabakiko du kasuaren inguruan.

2024/05/03 - 13:11

Giza eskubideen kontrakoak direlakoan, PPren eta Voxen "konkordiaren legeak" kritikatu ditu NBEk

Nazio Batuek memoria historikoa defendatzeko "beharrezkoak diren neurriak" hartzeko deia egin diote Espainiako Gobernuari. Estatuko Memoria Demokratikoaren Legea mugatu nahian arauak ari dira Valentzian, Gaztela eta Leonen eta Aragoin.

2024/04/30 - 18:32

Gerra Zibileko biktimen familiak Cuelgamuroseko kriptak bisitatzen hasi dira, desobiratze lanak ikusteko

Atzo, lehen 15 familia sartu ahal izan ziren; horietatik 4 euskaldunak. Jasone Aretxabaletak eta Iñigo Artetxek kontatu diote ETBri han bizitakoa. Bertan sartzeak eragindako korapiloa askatzeak luze joko diela esan dute.

2024/04/28 - 18:23

Angel Egaña gudaria omendu dute haren gorpuzkiak Valladolideko hilobi batetik atera ostean

1938ko ekainaren 2an hil zuten Valladoliden, 24 urte zituela. Egañaren gorpuzkiak Valladolideko El Carmen hilerriko hobi batean egon dira, eta bertako Memoria Historikoa Berreskuratzeko Elkarteak errekuperatu ditu. Gerora, Gogorak identifikatu ditu.

2024/04/28 - 18:20

Angel Egaña gudariaren omenezko ekitaldia egin dute Arrankudiagako Udalak eta Gogorak

Arrankudiagan jaioa, Padura batailoiko teniente izan zen Egaña Euskadiko Gudarostean. Armada matxinatuak Santoñan (Kantabria) atxilotu zuen. Han, epaitu, eta heriotza zigorra ezarri zioten.

2024/04/26 - 19:38

Gernikak bonbardaketaren sirena hotsak entzun ditu berriro, 87. urtemugaren egunean

Goizean hasi dira ekitaldiak, George Steer kazetari britainiarrari omenaldia eginda eta Bakearen eta Adiskidetzearen Gernika sariak banatuta. Arratsaldean, sirena hotsak entzun ondoren, biktimak omendu dituzte hilerrian.

2024/04/26 - 14:32

Eusko Jaurlaritzak Gernikako klaratarren komentua erosi du, Bakearen Museoari bultzada emateko

Gernikako Juntetxearen ondoko eraikinak "memoriari lotutako guneak" bihurtuko dira horrela.

2024/04/26 - 00:33

Pintada faxistak Iruñeko Alde Zaharrean eta EH Bilduren egoitzan

Esbastika bat, eta "Caidos no se toca" edo "Asiron narizon" bezalako leloak agertu dira koalizioaren egoitzako hormetan. Alde Zaharrean kutsu politiko beretsuko pintadak errepikatu dira, "Arriba España" edo "Viva Cristo Rey" bezalako esloganekin.

2024/04/25 - 20:03

Nafarroak poliziaren edo eskuin muturraren indarkeriaren biktimak aitortzeko ekitaldi bat egingo du "laster"

Joan den astean Foru Gobernuak indarkeria mota horren lehen 12 biktimen aitortza iragarri ostean, Nafarroako Exekutiboak esan du ekitaldi publikoa "beste urrats bat" izango dela "erreparazio eta aitortza prozesu horretan".

2024/04/25 - 16:35

Leizaola lehendakaria erbestetik ezkutuan itzuli zen Aberri Eguna oroituz

Inoiz argitaratu gabeko irudien bitartez, Jesus Maria Leizaola erbesteratutako lehendakariak muga zeharkatu zuen eguna hobeto ezagutu ahal izan dugu. Fede Bergaretxe jeltzaleak, gerora Basauriko alkatea izan zena, bere autoan eraman zuen Leizaola.

2024/04/22 - 16:04

Memoria demokratikorako leku gisa izendatu dute Gernika-Lumo

Iñigo Urkulluk Gernikako memoriarekiko konpromisoa berretsi du, eta biktimen omenezko mausoleoa edo Bakearen Museoa konpromiso horren isla direla nabarmendu du.