Letamendiren auziaren itxiera "aurrekari garrantzitsutzat" jo du GEBehatokiak, "gertatutakoa gorabehera"
EAJko militante ohi Txomin Letamendiren auziaren itxiera "aurrekari garrantzitsua" dela iritzi dio Giza Eskubideen Behatokiak, "gertatutakoa gorabehera", eta Eusko Jaurlaritzari eskatu dio Memoria Historiko eta Demokratikoaren Legeak frankismoaren biktimatzat aitor dezala.
2024ko abenduaren 20an, haren heriotzaren 74. urteurrenean, Txomin Letamendi Muruaren sendiak, kereila bat aurkeztu zuen 1950ean jasan zituen torturak salatuz, Behatokiak bultzatuta.
Donostiako epaitegiek familiaren eskaera onartu, eta ikerketa abiatu zuten Letamendiri heriotza eragin zioten torturen egileak identifikatzeko.
Ikerketa horretan, errudunetako bat hilda dagoela eta bigarrena hilda egon litekeela jakin dute. Hori horrela, epaileak uste du arrazoiak daudela auzia ixteko, eta frankismo garaiko gertakari horiek artxibatzeko.
"Aurrekari garrantzitsua"
GEBehatokiaren hitzetan, "mugarri" izan da Letamendiren auziaren gaineko ikerketa, arrakala ireki baitu "epaitegien bunker negazionistan".
Urrats gehiago
"Biktimekiko dugun konpromisoa da haiek egia, justizia eta ordaina izan dezaten lortzea, eta horretarako dauden bide guztiak zeharkatu eta agortzea. Horregatik, Letamendi biktima gisa aitortzeko lanean jarraituko dugu", adierazi du Behatokiak ohar batean, eta erantsi du iragan apirilaren 7an, Justizia eta Giza Eskubideen sailburu Maria Jesus San Jose sailburuari eskatu ziotela Letamendi ofizialki frankismoko biktima aitortzeko prozedura abia zezala.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".