Ukrainako gerra
2024/01/24 - 13:53
Errusiako hegazkin militar bat erori da Ukrainako mugatik gertu, 65 preso ukrainar zeramatzala
Errusiako Atzerri Ministerioak salatu duenez, Kievek bota du abioia, eta "ekintza terrorista basatia" izan da. Ukrainako iturri militarren esanetan, misilak zeramatzan hegazkinak. Belgorod eskualdeko gobernadoreak hegazkinean zihoazen 74 bidaiariak hil direla baieztatu du.
2024/01/24 - 12:44
Il-76 hegazkin militar errusiar bat erori da Belgoroden
Errusiako Defentsa Ministerioak jakinarazi duenez, hegazkinean 65 preso ukrainar zihoazen. Ukrainako iturri militarren arabera, berriz, Errusiako hegazkina misilez beteta zegoen.
2024/01/21 - 14:27
Gutxienez 25 pertsona hil eta 20 zauritu dira Ukrainak Donetskeko merkatu baten kontra egindako erasoan
Denis Pushilin Donetskeko buruzagi errusiazaleak salatu egin du erasoa.
2024/01/01 - 23:28
Errusiak 90 drone bota ditu Ukrainan, Urtezahar gauean
Misilek Kharkiv, Odesa eta Zaporizhia erasotu dituzte, eta droneek Mikolaiiv, Katiritsia, Dnipropetrovsk, Kherson, Kirovogrado eta Leopolis izan dituzte jomuga.
2023/12/31 - 20:08
Ukrainak eutsi egin dio 2023an, baina zalantzaz beteta dator 2024a
Errusia gogor ari da erasotzen, eta Ukrainako kontraeraso militarrak ez du lortu nahi zen emaitza. Gainera, Ukrainak kanpoko laguntza finantzario eta militarraren mende jarraitzen du.
2023/12/29 - 20:40
Errusiaren erasoek dozenaka pertsona hil eta hainbat zauritu dituzte Ukrainan
Yuri Ignat Ukrainako Aire Armadako bozeramailearen arabera, Errusiako Armadak hainbat eraso egin ditu Ukrainako hainbat hiritan, "aspaldi egin ez dituen bezalakoak", eta gutxienez 27 hildako eta 150 zauritu utzi dituzte.
2023/12/29 - 13:39
Errusiaren erasoaldi gogorra droneekin eta misilekin Ukraina osoan
"Denbora askoan" egin duen eraso handiena izan omen da. Poloniak jakinarazi du Ukrainatik "identifikatu gabeko objektu bat" sartu dela bere aireko espazioan.
2023/12/26 - 20:41
Ukrainak misilekin eraso dio 'Novocherkassk' ontzi errusiarrari Krimean
Ukrainako Armadak Itsaso Beltzeko Errusiako flotari eraso egin dio, eta gerraontzi hori hondoratu du, Kieven arabera. Ukrainako hegazkinek egindako operazioa izan da. Bitartean, Errusiako tropek Marinka herria hartu dute Donbassen.
2023/12/23 - 10:35
Ukraina atzerrira joandakoen nahitaezko soldadutza aztertzen ari da
Ukraina soldadu gehiagoren bila ari da, Errusiaren erasoei aurre egiteko. Esaten denez, une honetan 450.000 eta 500.000 bitarte gizon beharko lirateke. Hori dela eta, Kiev aztertzen ari da nola itzuliarazi atzerrira ihes egindako gizon horiek.
2023/12/15 - 21:49
Ukrainako zinegotzi batek hainbat granada leherrarazi ditu udaletxe bateko osoko bilkuran
Volodimir Zelenskiren alderdiko zinegotzi ukrainar batek hiru esku-granada jaurti ditu Keretsk herriko udaletxearen barruan, Ukraina mendebaldeko Transkarpatia eskualdean, eta 26 zauritu utzi ditu, horietako sei larri.
2023/12/15 - 17:27
Hungariak EBk Ukrainari bideratutako laguntza blokeatu du
Une honetan Ukrainak ez du Bruselatik jaso beretzat premiazkoena dena: diru gehiago eta armak. Diru laguntza Hungaria oztopatzen ari da
2023/12/14 - 20:05
Ukraina eta Moldavia EBra batzeko negoziazioak irekitzea erabaki dute
Era berean, Georgiari hautagai estatusa eman diote, eta Bosnia-Herzegovinarekin negoziazioak hasiko dituzte herrialdeak beharrezko baldintzak betetzen dituenean.
2023/12/14 - 19:22
Putinek ziurtatu du Ukrainako gerrari eutsiko diola Errusiak bere helburuak lortu arte
Errusiako presidenteak Ukrainari emandako laguntzaren ahultzea aipatu du, eta negoziatzeko aukera urrundu.
2023/12/07 - 11:15
Ukrainari eta Israeli diruz laguntzeko neurrien onarpena blokeatu du Alderdi Errepublikanoak
Neurri sorta babestearen truke, AEBko migrazio legeak mugatzeko eskatu dute errepublikanoek, batez ere, asilo sistemari dagokiona, eta etorkinei eman ohi dizkieten zenbait baimen humanitario kentzeko galdegin dute.
2023/11/04 - 16:09
Von der Leyen Zelenskirekin bildu da Kieven, ustekabean, Ukraina EBn sartzeko prozesuari buruz hitz egiteko
Ukrainako presidenteak Europako Batzordeko burua hartu du Kieven. Ukrainak abiatutako azken erreformei buruz Europar Batasunak egindako txostenaren zain dago Zelenski.
2023/10/28 - 13:08
Pablo Gonzalez preso dagoen kazetariaren egoera salatzeko elkarretaratzea egin dute EITB Mediako langileek
"Justizia, giza eskubideak, prentsa askatasuna" lemapean egin dute elkarretaratzea, EITBren Bilboko egoitzan, EITBko Langile Batzorde guztiek deituta. Gonzalezek 20 hilabete daramatza Polonian preso, Ukrainako gerrak eragindako errefuxiatu krisiaren berri ematen ari zela atxilotu zutenetik.
2023/10/16 - 14:56
Gabonetan eta udan haur ukrainarrak hartzeko harrera familia bila dabil Chernobil elkartea
Elkarteak ohar baten bidez azaldu duenez, haur horiek "sekula baino behar handiagoa" dute orain eremu hartatik ateratzeko, gerra, elikagai eskasia eta bizi duten tentsio soziala tarteko.
2023/10/15 - 22:52
Gobernu europazalea egon liteke Polonian, inkesten arabera
Orain arte gobernuan izan den PiS alderdiak irabazi ditu bozkak, baina ez gobernatzeko gehiengo nahikoarekin, betiere galdeketen arabera. Hala, Donald Tusk europazaleak gobernua osatzeko babesak eduki litzake.
2023/10/11 - 16:08
Ukrainako gerra da gaurtik Gasteizen ikusgai dagoen World Press Photo 2023 erakusketaren gai nagusietako bat
160 irudidun erakusketan, 2023ko World Press Photo saria ikus daiteke. Evgeniy Maloletka Associated Presseko argazkilari ukrainarrari eman zioten saria, iazko martxoaren 9an Mariupolen amatasunaren aurkako aireko erasoaren argazki batengatik.
2023/10/05 - 20:21
Gutxienez 51 hil dira Kharkiv eskualdean Errusiak egindako eraso batean
Volodimir Zelenski Ukrainako presidenteak berriro laguntza eskatu die Europako herrialdeei. Egunotan Granadan egiten ari diren Europako Erkidego Politikoa izenekoaren goi-bileran izan du erasoaren berri buruzagi ukrainarrak.