Arma nuklear gehiago zabaltzea aztertzen ari da NATO
Bere biltegietatik arma nuklear gehiago ateratzea eta balizko zabaltze baterako prest izatea aztertzen ari da NATO, Telegraph kazeta britainiarrari eskainitako elkarrizketan Jens Stoltenberg NATOko idazkari nagusiak iragarri duenez. Stoltenbergen esanetan, armategi nuklearra disuasio-neurri gisa erabiltzeari buruz hitz egiten egon dira NATOko kideak.
"Ez naiz operazio-xehetasunetan sartuko zenbat ojiba nuklear izan beharko genituzkeen erabilgarri eta zenbat gordetzeko prest, baina horren inguruan erabaki behar dugu, eta hori da, hain justu, egiten ari garena", adierazi du.
"Arma nuklearrik gabeko mundua da NATOren helburua, noski, baina armak existitzen diren bitartean, aliantza nuklearra izaten jarraituko dugu", gaineratu du. "Mundua arriskutsuagoa da Errusiak, Txinak eta Ipar Koreak bakarrik arma nuklearrak izanda", azaldu du.
Bestalde, Dmitry Peskov Kremlineko bozeramaileak ohartarazi duenez, arma nuklear gehiago zabaltzeak "gatazka areagotzea" dakar.
Arma nuklearrak munduan
Bakerako Ikasketen Stockholmeko Nazioarteko Institutuak (SIPRI) egindako ikerketa baten arabera, gora egin du arma nuklear operatiboen kopurua 2023an, aurreko urteekin alderatuta. Hori horrela, munduko potentziek beren armategia modernizatzen jarraitzen dute, eta munduko arma nuklearren ia % 90 Amerikako Estatu Batuek eta Errusiak dute.
Zure interesekoa izan daiteke
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.