Iranek Israelen erasoari erantzun dio dozenaka misil jaurtita, eta horietako batzuk Tel Aviven erori dira
Israelek Iranen aurka egindako bonbardaketek 70 pertsona inguru hil eta 300 baino gehiago zauritu dituzte. Iranen kontraerasoak gutxienez 22 pertsona zauritu ditu, horietako bi egoera kritikoan. Iranek 200 misil inguru jaurti ditu Israelen aurka.
Iranen kontraerasoa. Irudia: Agentziak
Israelgo komunikabideek baieztatu dutenez, gutxienez zazpi misil erori dira Tel Aviven, Iranek Israelen aurka abiatutako kontraerasoan.
Iranen kontraerasoak gutxienez 22 pertsona zauritu ditu, horietako bi egoera kritikoan. Zaurituak Tel Aviveko Sheba eta Beilinson ospitaleetan artatzen ari dira, suhiltzaileak kalteak izan dituen eraikin batean harrapatuta geratu diren pertsonak erreskatatzeko lanean ari diren bitartean. Iranek 200 misil inguru jaurti ditu Israelen aurka.
Bestalde, Israelek baieztatu du Iranek misilak jaurti dituela, Armada sionistak Irango hainbat punturen aurka bonbardaketak egin ostean, azpiegitura kritikoak eta instalazio nuklearrak barne.
Iranen kontraerasoaren aurrean "babeslekuetan" egoteko gomendatu die Israelgo agintari militarrek herritarrei. Effie Defrin Armadako bozeramailearen prentsaurrekoa eten egin dute alarma hotsek, Tel Aviven.
Jerusalemen, non biztanleei bunker eta babeslekuetan babestea ere eskatu zaien, misilak entzun dira.
Irango Indar Armatuek "erregimen sionista zitala zoritxarrean hondoratuko" dutela ziurtatu du Ali Jamenei Irango buruzagi gorenak. 85 urteko erlijiosoak esan du "erregimen sionistak" ezin izango duela "krimena gainditu", eta nazioari ziurtatu dio "ahaleginak" egingo dituztela "zentzu horretan".
Hitzaldia ematen zen bitartean, aireko defentsak Israelen beste eraso bat eragozten ari ziren hiriburuko hainbat tokitan. Irango Indar Armatuek jakinarazi dutenez, hainbat drone bota dituzte hiriaren erdigunean.
Masud Pezeshkian Irango presidenteak ere Israeli "erantzun indartsua" emango diotela agindu du telebistan emandako hitzaldi batean, eta "Iranek etsaia bere eraso zentzugabeaz damutzea" eragingo duela erantsi du.
Israelen erasoek 70 pertsona inguru hil eta 300 baino gehiago zauritu dituzte, Fars agentziak emandako datuen arabera.
Israelek bonbardatu dituen helburuen artean uranioa aberasteko instalazio nagusia dago, Natanz, kalteak jasan dituena, estatu persiarreko agintarien arabera. Halaber, uranioa aberasteko bigarren zentro garrantzitsuenari, Fordori, eraso diote israeldarrrek, hiriburutik 100 kilometro hegoaldera, eta, azkenik, Isfahango instalazio nuklearrari, Teheranetik 350 kilometro hego-ekialdera.
Aldi berean, Israelgo indarrek etxebizitza ugariri eraso diete Teheranen.
Irango Indar Armatuek bi ehiza-hegazkin israeldar bota eta pilotu bat atxilotu dute, bertako komunikabideek jakitera eman dutenez. IRIB Estatuko telebistak hegazkinak eraitsi eta pilotu bat harrapatu duela iragarri du, eta Tasnim agentziak, Guardia Iraultzailearekin lotura duenak, informazio hori berretsi du. Hala ere, persiar estatuko agintariek ez dute baieztatu.
Putinek Israelen erasoa gaitzetsi du
Vladimir Putin Errusiako presidenteak gaitzetsi egin du Israelek Iranen aurka egindako erasoa, Masud Pezeshkian Irango buruzagiarekin telefonoz izandako elkarrizketa batean, Kremlinak jakinarazi duenez.
Gainera, Benjamin Netanyahu Israelgo lehen ministroarekin izandako beste solasaldi batean, Irango programari buruzko arazo guztiak modu baketsuan konpontzearen alde agertu da, eta tentsioak gora egitea saihesteko bitartekari lanak egiteko prest azaldu da.
Zure interesekoa izan daiteke
AEBk Iran bonbardatu du hamaikagarren gauez jarraian
AEBko Armadak “helburu militarrak” jo ditu Teheran hiriburuan eta herrialdearen hegoaldeko kostaldean. Iranek, erantzun gisa, AEBren herrialde aliatuei eraso egin die, Barein, Kuwait eta Jordaniako base estatubatuarrak kolpatuz.
Ipar Euskal Herriko 15 urtetik beherakoek ezingo dute sare sozialetan sartu irailetik aurrera
Frantziako Asanblea Nazionalak behin betiko oniritzia eman dio 15 urtetik beherakoei sare sozialetan sartzea debekatuko dien legeari. Europan pausoa eman duen lehen estatua da.
Libanok eskatuz gero, Hezbollahrekin hitz egiteko prest dagoela esan du Trumpek
Estatu Batuetako presidentea Israelgo Armada Libano hegoaldetik irteteko negoziazioak bultzatzen ari da. Bitartean, ordea, tropa israeldarrak Libanoko Armadaren aurka tiro egin dute, "ohartarazpen" gisa.
Ia mila hildako Kongon, ebola-agerraldiaren ondorioz
Hilkortasun-tasa % 39,9koa da. Munduko Medikuak erakundeak ohartarazi du testuinguru "oso konplexua" dagoela, gatazkak, herritarren joan-etorriek eta osasun-sistemaren gaitasun mugatuak markatuta, eta "lau epidemiari aldi berean" egin behar dietela aurre: "ebola, kolera, elgorria eta mpoxa".
Andy Burnhamen Gobernuak argindarraren gaineko BEZa kenduko duela iragarri du
Neurria, hein batean, nortasun digitalari buruzko programa martxan jartzeko proiektua bertan behera utzita finantzatuko da. Proiektu horren kostua urtean 600 milioi libera ingurukoa izango zela aurreikusten zen.
Nikaraguako presidenteak iragarri du aurrerantzean ez dela hauteskunderik izango herrialdean
Berez, 2027 azaroan egin beharko lirateke hauteskundeak, baina 2007tik herrialdean agintzen duen Daniel Ortega presidenteak egindako iragarpenak atea itxi die hauteskundeei.
Iranek Ekialde Hurbilean egindako erasoen ondorioz AEBko 100 militar inguru zauritu dira, Pentagonoaren arabera
Pasa den asteburuan Pentagonoak berak baieztatu zuenez, hiru soldadu estatubatuar hil dira Iranek Jordanian eta Iraken egindako erasoetan. AEBko Armadak 10 egun jarraian daramatza Irango helburuen aurka eraso egiten, eta Iranek Jordania, Kuwait, Bahrain eta beste herrialde aliatu batzuetan eraso eginez erantzun du.
Trumpek dio AEBtan ez dutela Netanyahu atxilotuko
Irailean NBEren egoitzara joan daiteke Israelgo lehen ministroa. Zohran Mamdani New Yorkeko alkateak adierazi du Netanyahu "gerra kriminala" dela, eta atxilotzeko aukera aztertzen ari dela.
Huthiek itsas blokeoa ezarri diote Saudi Arabiari, Riadeko "setioari" erantzuteko
Neurria "begia begi truk" dela adierazi dute, saudiarabiarrek Yemenen duela hamabi urtetik duten blokeoari aurre egiteko.
Burnhamek Erresuma Batuko lehen ministro kargua hartu du, eta "eredu politiko eta ekonomiko berria" ezarriko duela agindu du
Etorkizuneko gobernuaren lehentasunen artean aipatu ditu hezkuntza-sistemaren erreforma, osasun mentaleko zerbitzuak indartzea eta etxebizitza subentzionatu gehiago eraikitzea.