Nortzuk dira azken eraso honetan Israelek hil dituen militar eta zientzialari irandarrak?
Erasoan, Israelgo Armadak hainbat zibil ere hil ditu. Hildakoen artean, Mohamad Hosein Baqeri Indar Armatuen Estatu Nagusiko buruetako bat eta Hossein Salami Guardia Iraultzaileko komandante burua daude.
Aire Armadako buru Amir Ali Hajizadeh jenerala, gaur eraila. Argazkia: EFE
Goizaldean Israelek Iranen kontra egindako erasoak Mohamad Hosein Baqeri Indar Armatuen Estatu Nagusiko buruzagietako bat eta Hossein Salami Guardia Iraultzaileko komandante burua hil ditu. Teheranek berehala izendatu ditu horien ordezkoak.
Beste goi-kargudun militar batzuen eta hainbat zientzialariren heriotza ere baieztatu da. Era berean, Israelgo Armadak hainbat zibil hil ditu bonbardaketetan.
Baqeri, inteligentzia militarrean aditua
Baqeri, Irango buruzagi goren Ali Jameneiren atzetik, Irango militarrik boteretsuena zen. Ingeniaritzan lizentziaduna, Geografia Politikoan doktoratua eta inteligentzia militarrean aditua, Irango Indar Armatuen Estatu Nagusiko burua zen 2016ko ekainaren 28tik, Hassan Firouzabadi ordezkatu zuenetik.
Iran eta Iraken arteko gerran borrokatu zuen (1980-1988) Guardia Iraultzailearen kide gisa, eta Inteligentzia eta Operazioen Estatu Nagusiko buruzagiorde ere izan zen 2002 eta 2014 artean. Bere lekua Abdorrahim Musavi jeneral nagusiak beteko du, hau ere Armadako komandantea delarik.
Salamik 2024ko apirileko operazioa agindu zuen, Tel Aviven arabera
Salami 2019an jarri zuten Guardia Iraultzailearen buru, Mohammad Ali Jafariren ordez, Donald Trump AEBko presidenteak nazioarteko akordio nuklearra bertan behera utzi, Iranen aurkako zigorrak berrezarri eta Guardia Iraultzailea "erakunde terrorista" izendatu ondoren.
Ingeniaritza mekanikoko ikaslea zen Teheranen, Irakekiko gerra piztu zenean (1980-1988), eta, 1980an bertan, Guardia Iraultzailearekin bat egin zuen.
AEBek Qassem Soleimani, Guardia Iraultzailearen Quds Indarraren burua, hil ondoren, 2020ko urtarrilaren 3an, Bagdaden, Salamik berak estatubatuarren eta israeldarren aurkako errepresaliak iragarri zituen: "etsaiak gure aurka egiten duen edozein ekintzari tamaina bereko kolpe erabakigarri eta irmo batekin erantzungo diogu", esan zuen.
Tel Avivek uste du berak agindu zuela 2024ko apirilean Iranek Israelera 300 misil eta drone jaurti zituen operazioa. Bere hutsunea, Guardia Iraultzailearen komandante buru postua, Mohammad Pakpur dibisioko jeneralak beteko du orain.
Eraildako beste militarrak
Baqeri eta Salamirekin batera, eliteko gorputz militarreko Aire Armadako buru Amir Ali Hajizadeh jeneralaren eta Khatam ol-Anbiya base garrantzitsuko arduradun Gholam Ali Rashid jeneralaren heriotzak ere baieztatu dira.
Hajizadeh 2009ko urritik misilen eta dronen programaren arduraduna zen, eta Tel Avivek uste du paper garrantzitsua izan zuela iaz Israelera egindako azken misil jaurtiketetan.
Bestalde, Rashid 1953an jaio zen Dezfulen (Irango mendebaldea), eta Khatam al-Anbiako (KCHG) Kuartel Nagusi Zentraleko komandantea zen 2016ko ekainetik. Beraz, Irango Armada konbentzionala eta Guardia Iraultzaile Islamikoaren Gorputza koordinatzeaz arduratzen zen, baita eraso eta defentsa operazioak gainbegiratzeaz ere.
Zientzialariak
Gutxienez sei zientzialari nuklear hil dituzte gaurko erasoetan ere, eta Irango uranioa aberasteko lantegi nagusia, Natanz, izan dute helburuetako bat, Tasnim agentziak, Guardia Iraultzailearekin lotutakoak, zabaldu duenez.
Mohammad Mehdi Tehranchi, Fereydoun Abbasi, Abdulhamid Minouchehr, Ahmadreza Zolfaghari, Seyyed Amirhossein Faqhi eta Motlabizadeh dira hildakoak, guztiak ustez Irango programa nuklear indartsuarekin lotutakoak.
Tehranchi (Teheran, 1965-2025) herrialdeko zientzialari nuklear ospetsuenetako bat zen, unibertsitate mailako pertsona ospetsua, eta, prentsa ofizialaren arabera, funtsezko papera bete zuen Iranen etorkizun zientifikoan.
Abbasi (Ababan, 1958-2025) zientzialari nuklear bat zen, 2011 eta 2013 artean Irango Energia Atomikoaren Erakundeko zuzendaria izan zena, baina parlamentaria eta Guardia Iraultzaileko kide ere izan zen.
Zure interesekoa izan daiteke
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.