Israelek "eraso prebentiboa" egin du Iranen aurka eta dozenaka helburu militar bonbardatu ditu
Israelgo Armadak iragarri duenez, Iranek ehun drone baino gehiago jaurti ditu Israelera erantzun gisa, eta "defentsa sistema guztiak funtzionatzen ari dira mehatxuak ezabatzeko".
Israelgo Armadako 200 hegazkinek Irango "helburu militarrak" bonbardatu dituzte, Irango programa nuklearraren aurka Israelgo Gobernuak agindutako "eraso prebentibo" baten lehen fasean, Israelgo Defentsa Indarrek (FDI) jakitera eman dutenez.
Israelgo Gobernuaren arabera, Israelgo Armadak ziurtatu du Iran ezkutuko plan batean ari zela lanean arma nuklear baten osagai guztiak garatzeko.
Erasoak Teherango etxebizitza-eremuen aurka egin omen dituzte, eta Irango aireko defentsa sistema aktibatu dute hiriburu inguruko probintzian, Mehr Irango albiste agentziak jakinarazi duenez.
Israelgo Armadak ziurtatu duenez, Iran ezkutuko plan batean ari zen lanean arma nuklear baten osagai guztiak garatzeko.
"Irango erregimena plan sekretu bat bultzatzen ari da arma nuklearrak garatzeko. Plan horren baitan, Irango goi mailako zientzialari nuklearrak isilpean lanean aritu dira arma nuklear batean beharrezkoak diren osagai guztiak garatzeko", adierazi dute.
Israelgo Armadaren arabera, Iran uranio aberastuko "milaka kilogramo" ekoizten saiatzen ari zen. Aberaste konposatu deszentralizatuak egiten ari zirela azpimarratu dute, "lurpeko instalazioetan", uranioa aberasteko, "epe laburrean" arma nuklear bat lortzeko helburuarekin.
Irango buruzagi gorenak, Ali Jameneik, Israelek patu "mingotsa eta mingarria" izango duela adierazi, Irango goi-kargu militar eta nuklearrak hil direla baieztatu ostean.
"Krimen honekin, erregimen sionistak patu mingotsa eta mingarria prestatu zuen, eta, zalantzarik gabe, jasoko du", esan du Jameneik bere webgunean argitaratutako ohar batean.
Irango agintari politiko eta erlijioso gorenak adierazi duenez, Israelek "zigor gogorra" jasoko du, bere "izaera gaiztoa" agerian utzi baitu, Irango hiriburuko etxebizitza inguruak bonbardatu ostean.
Iranen erantzuna
Israelgo Armadak iragarri du Iranek ehun drone baino gehiago jaurti dituela Israelera, eta "defentsa sistema guztiak funtzionatzen ari" direla "mehatxuak ezabatzeko".
Prentsaurreko birtual labur batean, Effie Defrin Armadako bozeramaileak jakinarazi du Iranen aurka egindako erasoan 200 hegazkinek parte hartu dutela, eta herrialdeko 100 puntu baino gehiagori eraso dietela, 330 munizio motarekin.
Helburuen artean, Estatu Nagusiko eta Irango erregimenaren segurtasun buruzagitzako goi kideak nabarmendu ditu, eta erasoetan hil diren hiru pertsona: Mohammad Bagheri jenerala, Indar Armatuen Estatu Nagusiko komandantea; Irango Guardia Iraultzaileko komandante burua, Hossein Salami jenerala, eta Gholam Ali Rashid jenerala, Khatam ol-Anbiya aire baseko arduraduna.
Nazioarteari buruzko albiste gehiago
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.
Trumpek % 100eko muga-zergak ezarri nahi dizkie Errusiako produktuei, eta aliatuek finantzatutako armak Ukrainara bidaltzea adostu du NATOrekin
Trumpek iragarri du 50 eguneko epean Errusiako produktuei % 100eko muga-zergak ezarriko dizkiela, baldin eta Moskuk Ukrainarekin su-etena eta bake prozesua hastea ahalbidetuko duen akordiorik egiten ez badu. Era berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta Ukrainara eramateaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.
Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.
Trumpek % 30eko muga-zergak iragarri ditu Europar Batasunarentzat, abuztuaren 1etik aurrera
AEBko presidenteak gutun bat argitaratu du bere sare sozialean, eta esan du atzera egingo duela "Europar Batasunak edo EBko enpresek Estatu Batuetan produktuak fabrikatzea erabakitzen badute". Von der Layen prest agertu da negoziatzen jarraitzeko.
Ipar Irlandako Kneecap taldeko raperoek Kobetamendiko musikazaleen arreta bereganatu dute
Belfasteko taldea Bilbao BBK Live jaialdiko karteleko izen handietako bat izan da. Irlandera erabiltzeaz gain, arazorik gabe hitz egiten dute politikaz eta gizarte arazoez, eta agertokiaren gainean jaia pizten iaioak dira.
PKK gerrilla kurduak Irak iparraldean hasi du bere desarmea
Ekitaldian, gerrillako 15 gizon eta 15 emakume izan dira, Bese Hozat PKK-ko buruzagi gorenetako bat tartean. Gerrillako kideek metalezko ontzi handi batean erre dituzte euren armak.
PKK gerrilla kurduak armagabetzea hasi du Irakeko iparraldean
Maiatzean iragarri zuen armak alde batera uzteko borondatea, Abdullah Ocalan buruzagi espetxeratuak, gutun baten bidez, 1984an hasitako borroka armatua amaitzeko eskatu ostean.