Sindikatu abertzaleek greba orokorra deitu dute urtarrilaren 27rako
ELA, LAB, STEE-EILAS, EHNE eta HIRU sindikatu abertzaleek greba orokorra deitu dute EAEn eta Nafarroan urtarrilaren 27rako pentsioen erreformaren kontra.
Iruñean egindako bilera baten ondoren eman dute greba deialdiaren berri Adolfo Muñoz Txiki ELAren idazkari nagusiak eta Ainhoa Etxaide LABekoak.
Adolfo Muñozek esan du urtarrilaren 28an Zapaterok "Errege Lege Dekretua" eraman nahi duela ministroen kontseilura pentsioen erreforma onartzeko eta Gobernuko presidenteari ez zaiola "inporta Toledoko Ituna eta Espainiako elkarrizketa soziala". "Gauza bat bakarrik inporta zaio, ministroen kontseiluak onartuko duen Errege Lege Dekretua Kongresuak onartzea", Muñozen esanetan.
ELAren buruzagia oso kritiko agertu da pentsioak kalkulatzeko epea luzatzeko aukerarekin, "pentsioa izateko 20 urteko kotizazioa eskatuko dutelako". "Kontratu prekarioak dituztenak bidetik kenduko dituzte, lanean hastea zailduko dute jende gutxiago nahi dutelako pentsioarekin eta pentsioaren baldintzak ere okertu egingo dituzte", salatu du.
Muñozen arabera, klase politikoak "eraikitzea horrenbeste kosta zaiguna eraitsi nahi du azkar, finantzen boterearen handinahiaren aurrean etsi egin dute eta sindikalismoari greba ondo egiten ahalegintzea besterik ez zaio gelditzen".
ELAren idazkari nagusiak azpimarratu du pentsioen arazoa ez dela "dirua, negozia baizik" eta "orain duela 20 urte baino diru gutxiago" gastatzen ari direla pentsioetan, nahiz eta orain "duela 15 urte baino 1,3 milioi pentsiodun gehiago egon".
Ainhoa Etxaide LABen idazkari nagusiak, bere aldetik, uste du urtarrilaren 28an onartuko duten erreformarekin "pentsioa izateko eskubidea deuseztatuko" dela "praktikan" eta ohartarazi du sindikatuak "ez direla begira geratuko eskubideak kentzen dizkiguten bitartean". "Ez diegu esan nahi datozen belaunaldiei pentsioak kenduko dizkietela", adierazi du Etxaidek.
LABen buruzagi nagusiak uste du "pentsioak" direla "gizarte ereduaren zutabea". Etxaideren esanetan, "eredu soziala hankaz gora jarri nahi dute, baina Euskal Herrian ez dute lortuko, greba orokorra egingo dugu eta ez da arduradun politikorik geratuko pentsioen erreforma babesteko zilegitasuna duena".
Zure interesekoa izan daiteke
Medikuek bigarren greba astea hasi dute, estatutu propioa eskatzeko
Horien ordezkarien arabera, otsailean lanuzteak izan zirenetik "ez da harreman formalik izan" greba batzordearen eta Espainiako Osasun Ministerioaren artean.
Errenta kanpaina apirilaren 15ean hasiko da Bizkaian
Bizkaiko zergadunek ekainaren 30era arteko epea izango dute errenta aitorpena egiteko, eta hiru bide izango dituzte horretarako: aurrez aurre, telefonoz edo online. Gainera, lehen aldiz, aitorpena aurkezteko betebeharra 20.000 eurora igo da.
Arabako errenta-kanpaina apirilaren 7tik ekainaren 25era izango da
Zergadunek 'Rentafacil' modalitatean egindako proposamena onartu ahal izango dute egoitza elektronikoan apirilaren 7tik ekainaren 17ra bitartean. Halaber, 'Rentared' Arabako Ogasunaren Laguntza Programaren bidez egindako aitorpenak apirilaren 7tik aurrera ere aurkeztu ahal izango dira.
Gizartea greba orokorraren aldarriarekin "bat" datorrela eta langileen babesa duela adierazi du Mitxel Lakuntzak
Mitxel Lakuntza ELAren idazkari nagusiak Euskadi Irratian egin dioten elkarrizketan azaldu duenez, sindikatuek grebara jotzeko premia izan dute Eusko Legebiltzarrak legegintzarako herri-ekimena geldiarazi duelako eta Confebask patronalak negoziaziori uko egin diolako. Halaber, Nafarroan gutxieneko soldata propioa negoziatzeko aukera egon daitekeela uste du Lakuntzak.
Brent upelaren prezioak 105 dolarren langa gainditu du
Iranen aurka AEBk eta Israelek egindako erasoaren aurretik, petrolio upelak 72 dolar balio zuen. Gainera, gas naturalaren prezioa % 2 baino gehiago igo da, eta megawatt orduko 52 eurotik gorakoa da jada. Aliatuek Ormuzko itsasartea berriz irekitzen laguntzen ez badute, NATOk "etorkizun makurra" izango duela ohartarazi du AEBko presidenteak.
Greba mugagabea hasi dute Tubos Reunidosek Amurrion duen lantegian, jarraipen osoarekin
Langile talde batek piketea osatu du lantegiaren atarian. Sindikatuen arabera, grebaren jarraipena erabatekoa izaten ari da, eta soilik zerbitzu minimoetako beharginak joan dira lanera.
Etxeko langileek bat egingo dute astearteko grebarekin, beren lan-baldintzak hobetzearen alde
Greba eskubidea bermatuta ez duten arren, etxeko langileen kolektiboek bat egingo dute astearteko mobilizazioekin. Grebarekin bat datozela adierazteko, besoko laranja bat eramango dute egun horretan, lanean dauden bitartean.
Greba mugagabea hasiko dute igande honetan Amurrioko Tubos Reunidos lantegian
Gaueko txandan hasiko da greba (22:00etan), baina aldez aurretik lau orduko lanuztea deituta dagoenez; benetan, 18:00etatik aurrera hasiko dira lanuzteak.
Petrolioaren erosketa kostuak bikoiztu diren honetan, gasolindegietako jabeek zergak jaisteko eskatzen dute
Alaitz Goñi Getxogas gasolindegiko jabearekin izan da ETB, petrolioaren kostuaren gorakadak euren jardunean izan duen eragina aztertzeko. Bizkaian %25 jaitsi omen da bezeroen mugimendua prezioen igoeragatik eta zergak jaisteko eskatzen diote Espainiako Gobernuari.
Ekialde Hurbileko gerrak eragina izango du Bilboko Portuan, baina aukera ere bihur liteke
Arku Atlantikoko portu komertzial handiena da Bilboko Portua, trafikoari, azpiegiturei eta ematen dituen zerbitzuei dagokienez. Azken zabalkundea 2027ko lehen hiruhilekoan burutuko du, kai-mutur nagusiko lanak amaitzen direnean.