Gobernuak gaur onartuko du lan erreforma
Mariano Rajoyren Gobernuak lan merkatuaren erreforma onartuko du gaur. Orain arte, edukiari buruzko informazioak ustezko mikrofono irekien bitartez ezagutu dira, Exekutiboak sekretuan gorde nahi izan baititu.
Aipatu mikrofono ireki horietako batek Rajoy bera harrapatu zuen, Europar Batasuneko goi-bilera batean erreformak "greba bat" ekarriko diola aitortzen. Atzo Luis de Guindos Ekonomia ministroa izan zen 'protagonista', erreforma "oso agresiboa" izango dela esan baitzion Olli Rehn Gai Ekonomikoetarako komisario europarrari, mikrofono irekiaz jabetu gabe.
Orain arte, erreformaren edukiari buruzko informazio zehatz bakarrak gaur "La Vanguardia" egunkariak argitaratu dituenak dira: 33 eguneko kaleratze bidegabea eta doaneko kaleratzea enpresaburu berrien esku lehen urtean.
Gaur arte, Fatima Bañez Enplegu eta Segurtasun ministroak adierazpen orokorrak baino ez ditu egin, hots, helburuak azaldu bai, baina zehetasunak baieztatu gabe: erreformak kontratu motak sinplifikatuko dituela, prestakuntzaren eredua aldatuko duela eta kontratazioa pizteko hobariak eta enplegu politika aktiboak aldatuko dituela, gazteen lana "errealitate" bat izateko.
Bestalde, aurreratu dutenearen arabera, aurretiko erretiroak murriztuko ditu, salbuespenezko kasuetan izan ezik; halaber, langabeziako prestazioa ezkutuko erretiro moduan erabiltzen dutenen jarduna galdituko, izan ere, erretiroa hartzen duten langileen % 25 langabeziatik datoz, Ministerioaren arabera.
Kontratazioaren harira, Bañezek kontratu mota bakarra ukatu du, "Konstituzioaren aurka" doalako; halaber, lanaldi eta soldata txikiagoak dituzte enplegu txikiak (minijobs, ingelesez) erabiliko dituztela ere gezurtatu du.
Lanbide Heziketaren harira, lan-erreformaren bidez "prestakuntza kontua" sortuko dutela azaldu du Bañezek, eta horrek langileari lan-bizitza osoan lagunduko diola esan du.
Epe laburrean, nork bere lana sortzea sustatzeko, langabeek jarduera bat sortzeko erabili dezaketen diru kopuruaren zenbatekoa, kapitalizazioa, % 80tik % 100era igoko dute.
Bañezen hitzetan, lan-erreforma "osoa, orekatua, eraginkorra eta erabilgarria" izango da; Mariano Rajoy Espainiako Gobernuko presidentea horrekin bat dator, eta "zabala eta sakona" izango dela gaineratu du.
Lan-erreformaren hiru oinarriak enplegu egonkorra sortzea, kaleratzeak saihesteko enpresen barruan malgutasuna sustatzea eta langileentzako eskubide gehiago lortzea dira, batez ere, prestakuntzaren inguruan.
Enegarren erreforma
Ostiral honetako lan-erreforma araudiaren hamaseigarren aldaketa izango da, demokrazia onartu zutenetik.
Azken moldaketa PSOEko Gobernuak egin zuen, 2010eko irailaren 9an, Parlamentuan, eta greba orokor bat ekarri zion Zapaterori.
Suminduen elkarretaratzea Solen
M15 mugimenduak elkarretaratzea deitu du arratsaldeko 20:00etan Solen, Ministroen Kontseiluak lan erreforma onartu eta gero, "Zeure eskubideen, enpleguaren eta etorkizunaren defentsan" lelopean.
Suminduek hirtoriako erreformarik "gogorrena" izango dela adierazi dute. "Urte guzti hauetan kendu dizkiguten
Suminduen elkarretaratzea Solen
M15 mugimenduak elkarretaratzea deitu du arratsaldeko 20:00etan Solen, Ministroen Kontseiluak lan erreforma onartu eta gero, "Zeure eskubideen, enpleguaren eta etorkizunaren defentsan" lelopean.
Suminduek hirtoriako erreformarik "gogorrena" izango dela adierazi dute eta mobilizatzeko deia egin dute.
Zure interesekoa izan daiteke
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak % 4,5 murriztu dira urtarrilean Euskadin, eta inportazioak % 6,1
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen estaldura tasa % 105,5ekoa.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.
Tubos Reunidoseko langileek elkarretaratzea egin dute San Mameseko zabalgunean, Bilbon
Athletic-Betis partidaren atarian lan-erregulazioaren eta altzairutegia ixtearen kontrako jarrera azaldu dute. Gainera hitzartutako kaleratzeei atxikimendua emateko prozesua kritikatu dute, eta dudan jartzen dute benetan 301 langilek izena eman duten.