Bankia Parlamentuan ikertzeko eskatu du EAJk
Ricardo Gatzagaetxebarria EAJko legebiltzarkideak Bankia Parlamentuan ikertzeko eskatu du. "Banku hau salbatzeak Espainia Europar Batasunaren kontrolpean geratzea ekar dezake", iragarri du jeltzaleak Radio Euskadin izandako eztabaida politikoan.
"Bankia eraikuntza alorrean oinarritutako hazkunde ekonomiko baten ondorioa da eta Estatuaren parte hartzeak ondorio ikaragarriak ekarriko ditu", azpimarratu du Gatzagaetxebarriak.
Bestalde, "astakeriak egin dituztenekin Espainiako Gobernua eskuzabalegia izan da", salatu du Txarli Prieto PSEko legebiltzarkideak . "Bankia PPren munstroa da", esan du Prietok, "eta baita finantza-erakunde honen kontrolaren banaketaren emaitza politikoa ere".
PP
Carlos Olazabal PPko legebiltzarkideak, berriz, bankuen finantza egoera ezkutatzen baimentzea leporatu dio Zapaterori. "Herritarrok suminduta egoteko eskubidea dugu baina beste gauza bat da egun dugun arazoa", esan du Olazabalek.
Aralar
Halaber, Dani Maeztu Aralarreko legebiltzarkideak "sistemaren defizit demokratikoa" nabarmendu du, "horrek kontu faltsuak aurkeztea baimendu baitu". "Islandian bezalako herrialdeetan erantzuleak auzipetu dituzte", gogoratu du Maeztuk. Gainera, "alor politikoaren eta ekonomikoaren arteko ados jartzea" salatu du.
PSOE
Aurretik Bankiako auzian parte hartu dutenek egindakoari aurre egiteko eskatu badute ere, orain exijitu egiten dutela esan du Alfredo Perez Rubalcaba PSOEko idazkari nagusiak. Hori gertatu arte, PSOEk ez du "diru publiko gehiago" ematea bermatuko.
IU
Cayo Lara IUko koordinatzaile nagusiak esan du Bankiaren nazionalizatze prozesuak ez duela bankariak erreskatatzeko balio beharko, enpresa ertain eta txikiei kreditua eman, krisitik ateratzeko, eta produkzioaren garapen-eredu berria babesteko. Hori guztia ez da posible izango banku publikorik ez bada.
Zure interesekoa izan daiteke
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.
Mikel Jauregi: "Hidrogeno berdeak menpekotasuna galtzea ekarriko digu"
Industria, Trantsizio Energetiko eta Jasangarritasuneko sailburuak "Egun On" saioan adierazi duenez, "garai batean Errusiarekiko genuen menpekotasuna amaitu da, baina, orain, Ipar Amerikarekiko menpekotasuna sortzen ari gara". "Egin dezagun europar energia bat", gaineratu du sailburuak
Bruselak Lisboa eta Paris arteko AHTrako epeak azkartu ditu, eta Eusko Jaurlaritza proiektuaren bultzadarekin bat dator
Imanol Pradales lehendakaria Apostolos Tzitzikostas Europako Garraio komisarioarekin bildu zen urtarrilean, eta orain Abiadura Handiko Trena Iparraldera eta Frantziara bultzatzeko hartutako konpromisoak aurrera doazela egiaztatu du.
Mugikortasun Sailak 581,7 milioi izango ditu "trenbidea garraiobide gisa bultzatzeko"
Trenbide-azpiegiturak eraiki eta hobetzeko erabiliko da inbertsioaren zati handi bat. Era berean, Bat, Barik eta Mugi txartelen interoperabilitatea burutu nahi da, eta 12 urtera arteko garraioaren doakotasuna egiturazkotzat ezarri.
Juan Ignacio Perez Iglesias: "Kezkatuta eta triste nago"
Eusko Jaurlaritzako Zientzia, Unibertsitate eta Berrikuntza sailburu Juan Ignacio Perez Iglesiasek adierazi duenez, "behar beste" hitz egiteko prest dago, baina EHUn gauza handiak egiteko aukera paregabea galtzen ari dela uste du.
Euskal kofradiek Kofradia Basque Seafood sortu dute, baxurako arrantza modernizatzeko
Bizkaiko eta Gipuzkoako federazioek, Hazilur sozietate publikoarekin batera, Kofradia Basque Seafood enpresa eratu dute, Ondarroan. Nobedade nagusien artean, laugarren eta bosgarren gamako produktuen lerro bat garatuko du konpainiak, arraina xerratu, ontziratu eta kozinatzeko moduan elaboratzeko.
Eusko Jaurlaritzak inoizko partidarik handiena bideratuko du 2026an etxebizitza sustatzeko: 596 milioiko inbertsioa, 3.669 etxebizitza egiteko
Etxebizitza eta Hiri Agenda Sailak 2026rako kontuak aurkeztu ditu, aurreko urtean baino % 14 altuagoak. Denis Itxaso sailburuak iragarri du 1.700 etxebizitza babestu baino gehiago eraikiko direla, eta Visesa baliabide propio gisa onartuko dutela.