2014ra arte luzatuko diote Espainiari defizita zuzentzeko epea
Euroguneko Ekonomia ministroek urtebete gehiago emango diote Espainiari defizita zuzentzeko. Horren ondorioz, Espainiak 2014. urtera arteko epea izango du helburu duen defizita (Barne Produktu Gordinaren % 3) betetzeko.
"Espainiako agintariek 2014 bukatu aurretik zuzendu beharko dute gehiegizko defizita", dio Euroguneko Ekonomia ministroek astelehen honetan eztabaidatu duten dokumentuak.
Adostasuna lortzekotan, astearte honetan onartuko du Ecofinek epea luzatzea.
Hitzarmen horren arabera, Espainiak % 6,3n kokatu beharko du 2012ko defizita, % 4,5en 2013koa eta % 2,8n 2014koa.
Aste erabakigarria
Aste hau erabakigarria izango da ekonomiarentzat. Garrantzi handiko hainbat erabaki hartuko dituzte bai Europan bai Espainian.
Eurotaldeak bilera abiatu du astelehen honetan Espainiako banketxeen erreskatearen baldintzak zehazteko. Espainiako banketxeek ehun mila milioi euroko mailegutik dirua jasotzeko bete beharko dituzten baldintzak zehazteko helburua du batzar horretan Eurotaldeak.
Diplomazia iturriek jakitera eman dutenez, Euroguneko finantza ministroek baldintzen txostena eztabaidatu dute arratsaldean zehar. Beste gai batzuk jorratzeko, albo batera utzi dute Espainiaren egoera, eta, gaualdean, berriz ere ekin diote gaiari.
Oraindik ez dute baldintza horien inguruko daturik plazaratu, baina Bruselatik iritsi diren berriek diote gogorrak izango direla, eta banketxe guztiek % 9ra igo beharko dutela kalitate goreneko aktiboen kopurua.
Horrez gain, defizit helburua betetzeko epea luzatu ala ez erabakiko du Eurotaldeak. Horren arabera erabakiko du Mariano Rajoyren Espainiako Gobernuak zenbat eta nondik murriztuko duen.
Murrizketak
Asteazkenean datu horrekin joango da Kongresura Rajoy, eta Europako Kontseiluko goi-bileran onartutako erabakiak azaltzearekin batera, murrizketen ingurukoak aurreratuko ditu. Mahai gainean daude BEZ zerga igotzea, etxebizitza erostegatik dagoen kenkaria desagertzea, eta funtzionarioen soldata jaistea.
Ostegunean zerga politika koordinatzeko kontseilua egingo da, eta bertan aurrekontuak murrizteko eskatuko die Gobernuak autonomia erkidegoei.
Ostiralean, ministro kontseiluan, zorraren muga ezartzearekin batera, murrizketa berriak eta administrazioaren erreforma onartuko dira.
Zure interesekoa izan daiteke
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak % 4,5 murriztu dira urtarrilean Euskadin, eta inportazioak % 6,1
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen estaldura tasa % 105,5ekoa.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.
Tubos Reunidoseko langileek elkarretaratzea egin dute San Mameseko zabalgunean, Bilbon
Athletic-Betis partidaren atarian lan-erregulazioaren eta altzairutegia ixtearen kontrako jarrera azaldu dute. Gainera hitzartutako kaleratzeei atxikimendua emateko prozesua kritikatu dute, eta dudan jartzen dute benetan 301 langilek izena eman duten.