Rajoyk BEZa igo eta funtzionarioei aparteko soldata bat kenduko die
Mariano Rajoy Espainiako Gobernuko presidenteak Europar Batasunarekin lotutako azken akordioak eta egingo dituen murrizketa ekonomikoak aurkeztu ditu Diputatuen Kongresuan.
Gobernuko presidenteak esan du defizit publikoa murrizteko eta egonkortasun fiskala lortzeko neurriek, diru-sarrerak eta gastu murrizketak kontuan izanda, 65.000 milioi euroko eragina izango dutela datozen bi urte eta erdian, BPGren % 6,5 hain zuzen ere.
BEZ zergaren igoera
Exekutiboaren presidenteak iragarri du BEZ zerga orokorra % 18tik % 21era igoko duela, % 8tik % 10era murriztuaren kasuan, eta % 4ean utziko duela oinarrizko ondasunei dagokiena. Ostiraleko ministroen kontseiluan onartuko omen dute eta Estatuaren Aldizkari Ofizialean argitaratutakoan sartuko da indarrean, igandean edo astelehenean.
Gainera, ostiralean ingurugiroaren gaineko zerga berri bat ezarriko omen da, "kutsatzen duenak ordain dezan". Tabakoaren gaineko zerga igotzea ere aztertuko dutela esan du.
Rajoyk aldaketak iragarri ditu Elkarteen gaineko Zergaren ordainketa zatituen sisteman, baina ez du zehaztu zeintzuk izango diren aldaketa horiek.
Kotizazio sozialei dagokienez, % 1 jaitsiko dira 2013an, eta beste hainbeste 2014an.
% 30 zinegotzi gutxiago
Udal erakundeen alorrean, zinegotzi kopurua murriztuko du Rajoyk, eta hamarretik hiru gutxiago egongo dira.
Era berean, alkateen eta zinegotzien soldatak homogeneizatu eta argitaratuko dituzte. Horretarako, Estatuko aurrekontuetan baremo bat zehaztuko dute udalerriaren arabera.
Rajoyk esan du Gobernuak berehala egingo duela administrazioen erreforma, doikuntza eta eraginkortasuna lortzeko, eta bikoiztasunak saihesteko. Hori horrela, aldundien papera indartuko du zerbitzuak horietan zentralizatzeko.
Erreforma horri esker udalerri txikiek zerbitzu publikoak prezio egokietan eta hobeto kudeatuta jasoko dituztela uste du Rajoyk.
Gainera, udal mailako enpresa publiko batzuk desagertuko direla aurreratu du Espainiako Gobernuko presidenteak.
Rajoyren esanetan, Administrazioaren erreforma horrekin 3.500 milioi euro inguru aurreztuko dituzte.
Pentsioen erreforma
Beste alde batetik, Gobernuko presidenteak adierazi du Toledoko Itunera proiektu berri bat eramango duela pentsioen sistema erreformatzeko, egonkortasuna lortzeko eta aurre erretiroa jorratzeko.
Diru gutxiago langabeentzat
Bestalde, langabeek diru gutxiago jasoko dute seigarren hilabetetik aurrera, hala ere, Rajoyk argi utzi du 24 hilabetez jaso ahal izango dutela langabeek dirua.
Azaldu duenez, "lana bilatzea sustatze aldera", orain langabezia kobratzen hasten direnek % 50 inguru gutxiago jasoko dute seigarren hilabetetik aurrera.
Gobernuko presidenteak iragarri duenez, funtzionarioek eta goi-kargudunek ez dute 2012ko Gabonetako aparteko soldata jasoko, baina langile publikoek berreskuratu egingo dute pentsio-funts gisa 2015erako. Azaldu duenez, beharrezkoa da neurri hori hartzea "ekonomiaren aparteko egoera kontuan izanda".
Neurriak administrazio zentraleko, erkidegoetako eta udaletako goi-kargudunei eragingo diela jakinarazi du Rajoyk, eta diputatu eta senatariei neurriarekin bat egiteko deia egin die.
Murrizketak justifikatze aldera, Administrazioko soldatek Estatuko aurrekontuen zati handiena hartzen dutela azaldu du, eta 2007tik 289.000 langile publiko gehiago daudela, sektore pribatuan 2,9 milioi gutxiago dauden bitartean.
Era berean, funtzionarioek dituzten erabilra libreko egunen kopurua ere murriztuko duela aurreratu du.
Liberatu sindikal kopurua ere txikitu eta legeak ezartzen duenera mugatuko dute, funtzionarioen bajen baldintzak gainerako langileenen pare jarriko dituzte eta langile publikoen mugikortasuna erraztuko dute.
Etxebizitza erosteagatik, kenkaririk ez
Espero zen moduan, Gobernuko presidenteak iragarri du etxebizitza erosteagatik kenkaririk ez dela izango 2013tik aurrera.Atzeraldia
Aurreikuspen ofizialen kontra, 2013an Espainiako ekonomiak atzera egingo duela iragarri du Gobernuko presidenteak.
Rajoyk azaldu duenez, "Espainian ekonomia haztea eta lanpostuak sortzea ez da posible, historiako bigarren atzeraldi larrienean gaude, ekonomiaren jarduerak % 2 inguru egin baitu behera".
Defizit publikoa
Neurri horiek guztiak defizit publikoa murrizteko konpromisoaren baitan kokatu ditu Rajoyk, izan ere, Europako Kontseiluak defizit publikoa murrizteko konpromisoa betetzea exijitu dio Espainiari. Hori horrela, 2012 amaierarako defizita % 6,3ra, 2013rako % 4,5era eta 2014rako % 2,8ra murriztu beharko dela jakinarazi du.
Zure interesekoa izan daiteke
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.
Tubos Reunidoseko langileek elkarretaratzea egin dute San Mameseko zabalgunean, Bilbon
Athletic-Betis partidaren atarian lan-erregulazioaren eta altzairutegia ixtearen kontrako jarrera azaldu dute. Gainera hitzartutako kaleratzeei atxikimendua emateko prozesua kritikatu dute, eta dudan jartzen dute benetan 301 langilek izena eman duten.