Lehendakariak EAEren erreskatea eta esku-hartzea baztertu ditu
Expansion egunkariari eskainitako elkarrizketa batean, Lopezek Mariano Rajoyren Gobernuaren oposizioa izateko "bokaziorik" ez duela esan du. "Espainiak bizi dituen zailtasunak ulertzen ditut, baina murrizketak bidegabeak dira eta ekonomiaren atzeraldia areagotzeaz gain autonomia eskumenak inbaditzen dituzte", esan du Lopezek.
Gainera, EAEko Gobernua koordainketa ezartzera "behartuta" egongo balitz, herritarrei aztertzen ari diren beste formula batzuen bitartez diru hori itzuliko litzaiekeela esan du lehendakariak.
Funtzionarioei buruz, Lopezek Euskadin alor horretan murrizketak ezarri litezkeela azaldu du, baina autonomien eskumenak inbaditzen badituzte helegitea aurkeztuko dutela iragarri du.
Patxi Lopezek bere Gobernuak likidezia arazoak izatea (EAJk esan zuen) baztertu du. "Hilabeteak daramatzagu abisu hori entzuten, eta batzuek martxoan porrot egingo genuela esan zuten. Uztailaren amaieran gaude eta kaudimen handiena duen erkidegoa gara", esan du.
EAEk murrizketak ezartzen ez baditu Madrileko Gobernuak bigarren seihilekoaren zorpetzea ez baimentzeko aukerari buruz, lehendakariak esan du "baimena aurrekontuen orekaren eta defizitaren helburuak betetzearen araberakoa" dela, eta ez murrizketak ezartzearen araberakoa.
Intsumisioari ez
Patxi Lopezek Artur Masek proposatutako erkidegoen intsumisioari buruz ere hitz egin du. Lehendakariaren aburuz, "gobernuak ezin dira intsumisoak izan eta ezin dituzte legeak eta konpromisoak bete gabe utzi".
Bestalde, lehendakariak hauteskundeak aurreratzeari buruz inoiz hitz egin ez duela esan du; izan ere, "agintzea eta krisiari aurre egitea" ditu buruan. Hala ere, Eusko Jaurlaritza "ez da makurtuko". Horrez gain, PSE-EEk Bildurekin hauteskundeen ondorengo akordiorik lortuko ez duela esan du, oraindik ere ikuspegi politiko oso desberdinak dituztelako. Gainera, Lopezen aburuz, Bildu "kudeaketa ezaren, garapen politikaren oposizioaren eta Gipuzkoaren garapenaren oposizioaren erakusle da".
Zure interesekoa izan daiteke
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.
Tubos Reunidoseko langileek elkarretaratzea egin dute San Mameseko zabalgunean, Bilbon
Athletic-Betis partidaren atarian lan-erregulazioaren eta altzairutegia ixtearen kontrako jarrera azaldu dute. Gainera hitzartutako kaleratzeei atxikimendua emateko prozesua kritikatu dute, eta dudan jartzen dute benetan 301 langilek izena eman duten.