Jaurlaritza Rajoyren murrizketen aurkako helegiteak prestatzen ari da
Eusko Jaurlaritzak Auzitegi Konstituzionalera joko du Rajoyren murrizketen aurkako eta Estatuko Aurrekontu Legearen aurkako errekurtsoak aurkeztera, gaur Idoia Mendia bozeramaileak iragarri duenez.
Jaurlaritzak konstituziokontrakotasun helegitea aurkeztuko du Estatuko Aurrekontuen aurka eta joan den astean Kongresuan dekretuz onartutako murrizketen kontra.
Funtzionarioei Gabonetako ordainsaria kendu izana, Dependentzia Legean egindako murrizketak eta denden ordutegiak luzatu izana errekurrituko du Patxi Lopezen Gobernuak, besteak beste.
Estatua “Euskadirenak diren eskumenetan” sartzen ari dela ohartarazi du Idoia Mendiak. Haren hitzetan, Rajoyren Gobernuak “uniformizazioa” bultzatu nahi du, eta Mendiak autogobernuaren defentsa aldarrikatu du.
Mendiaren iritziz, Espainiako Gobernua “gehiegikeriaz” erabiltzen ari da Errege Dekretua, eta Euskadik “bere burua antolatzeko duen ahalmena” mugatzen ari da.
Jaurlaritzak bi helegite aurkeztea erabaki du. Bata Estatuko Aurrekontu Legearen aurkakoa da, “langileen antolaketan eskua sartzen duelako”; bigarrena iragan astean dekretuz onartutako murrizketen kontrakoa da, hau da, funtzionarioen soldata, negoziazio kolektiboa, Dependentzia Legea edota merkataritza arloko ordutegiak arautzen dituena.
Errekurtsoak aurkeztu baino lehen, Jaurlaritzak bilera bat egitea eskatuko dio Rajoyren Gobernuari, neurriak negoziatzeko. Bilera horrek porrot egiten badu, helegiteak aurkeztuko ditu. Mendiak azaldu duenez, sei eta bederatzi hilabete bitarteko epea dago horretarako.
Bestalde, Sailei 2013ko Aurrekontuak egiteko ildoak zergatik ez dizkien eman argitu du Idoia Mendiak (aurreko urteetan, uztailerako egiten zuten). Bozeramailearen esanetan, “zalantza” gehiegi daude une honetan ekonomia arloan eta datu gehiago izan arte ez dituzte ildoak finkatuko, “berehala baliorik gera ez daitezen”.
Zure interesekoa izan daiteke
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.
Sidenor buru duen partzuergoak Talgoren % 29,76ren erosketa itxi du 156 milioiren truke
Balore Merkatuaren Batzorde Nazionalak (CNMV) behin-behinean eten du Talgoren kotizazioa, Sidenorrek gidatutako partzuergoak Pegasorekin sinatutako akzioen salerosketa-kontratua sinatu ondoren. Eragiketak otsailean lortutako aurreakordioa berretsi du, eta erosketaren azken faseari ekin dio.
Bizkaiko hegoaldeko trenbide-saihesbidearen obrak urtea amaitu baino lehen hasiko dira
Eusko Jaurlaritzako Mugikortasun Jasangarriaren sailburu Susana Garcia Chuecak azaldu duenez, obrak amaitutakoan merkantzia-trenek ez dute Santurtzi, Portugalete, Sestao eta Barakaldo zeharkatu beharko. "Aldiriko trenek bakarrik zirkulatuko dute, iberiar zabalera baitute trenbide horiek", gaineratu du.
Angula-arrantza denboraldia hastear, Bizkaiko eta Gipuzkoako arrantzaleak lehorrean
Eusko Jaurlaritzak bertan behera utzi du aurtengo angularen arrantza-kanpaina, espeziea galtzear dagoela argudiatuta. Hala, urtebetean, gutxienez, ezingo da angularik harrapatu Bizkaiko eta Gipuzkoako ibaietan. Euskadiko Anguleroen Elkarteak salatu du Europa osoan arrantzatuko dutela angula, Euskal Autonomia Erkidegoan izan ezik.
“Ipar Euskal Herrian, Asturiasen, Kantabrian… Europa osoan ari dira angula arrantzatzen, EAEn izan ezik”
Angula denboraldia hastear den honetan, Gipuzkoako eta Bizkaiko arrantzaleek ezin izango dute angula arrantzatu, Jaurlaritzaren debekua dela eta. Unai Eizagirre Anguleroen Elkartearen lehendakariak onartu du angularen egoera ez dela ona, baina kritikatu du debekua Euskal Autonomia Erkidegoan soilik ezarri dela, eta, bien bitartean, Asturiasen, Galizian... angula arrantzatzen ari direla. Eurak soluzioaren parte direla nabarmendu dute, eta, Frantziako eredua jarri dute mahai gainean.
Gobernantza Sailak 167,5 milioi bideratuko ditu 2026an Administrazioa arinagoa izan dadin
Gainera, Ubarretxena sailburuak iragarri duenez, Eusko Jaurlaritzak 2023, 2024 eta 2025eko Lan Eskaintza Publikoak batuko ditu, eta guztira 1.700 plaza aterako ditu Administrazio Orokorrean, baina ez da deialdi bakarra egingo, eskalen arabera deituko dira.
Eusko Jaurlaritzak 8 ikuskatzaile gehiago kontratatuko ditu etxebizitza turistikoen gaineko kontrola areagotzeko
Javier Hurtado Turismo, Merkataritza eta Kontsumoko sailburuak bere sailari dagokion datorren urteko aurrekontu-proiektua aurkeztu du Eusko Legebiltzarrean. Guztira, 56,5 milioi euroko aurrekontua izango du, aurten baino % 2 gutxiago.
Mikel Jauregi: "Hidrogeno berdeak menpekotasuna galtzea ekarriko digu"
Industria, Trantsizio Energetiko eta Jasangarritasuneko sailburuak "Egun On" saioan adierazi duenez, "garai batean Errusiarekiko genuen menpekotasuna amaitu da, baina, orain, Ipar Amerikarekiko menpekotasuna sortzen ari gara". "Egin dezagun europar energia bat", gaineratu du sailburuak
Bruselak Lisboa eta Paris arteko AHTrako epeak azkartu ditu, eta Eusko Jaurlaritza proiektuaren bultzadarekin bat dator
Imanol Pradales lehendakaria Apostolos Tzitzikostas Europako Garraio komisarioarekin bildu zen urtarrilean, eta orain Abiadura Handiko Trena Iparraldera eta Frantziara bultzatzeko hartutako konpromisoak aurrera doazela egiaztatu du.