Bankiak 7.053 milioi euro galdu ditu irailera arte
Bankiak 7.053 milioi euro galdu ditu 2012ko lehen bederatzi hilabeteetan, aldiz iazko epe berean 295 milioi euro irabazi zituen. Aurten 11.485 milioi euro zuzendu ditu horniduretara, ondorioz, Gobernuak eskatutako onbideratzearen % 75 bete du.
Balioen Merkatuaren Batzordeak ostiral honetan jakitera eman duenez, hirugarren hiruhilekoan, nazionalizatutako enpresak 2.605 milioi galdu ditu, eta berankortasun-tasa % 13,3koa da irailaren amaieran; iaz, aldiz % 7,6koa.
Urtarriletik irailera arte 14.257 milioi euro dira ihes egin duten bezeroen gordailuak, eta erakundea 98.793 milioi euroko bolumenarekin utzi dute. Merkatuko kuota % 9,4koa da, aurtengo ekainera arte galdutakoa baino puntu bat gehiago.
Kredituari dagokionez, urtea hasi zenetik bolumena % 10 jaitsi da, hau da, 165.375 milioi. Bezeroen baliabideen balantzea 56.456 milioitan jaitsi da.
Edonola ere, galerak izan arren, aurreikuspenak baino lehenago hasi dira kontuen marjina guztiak hazten, bankuaren negoziazioan batik bat, interes marjina % 23,6 igo delako, 2.449 milioira arte.
Halere, Bankiak 19.000 milioi euroko laguntza publikoa galdu du, eta hazkuntza mantsotu egin da arrazoi horrengatik.
ANk Espainiako bankuei Bankiari buruzko iritzi berria eskatu die
Fernando Andre Auzitegi Nazionaleko epaileak Espainiako bankuei Bankia Burtsara irtetearen inguruko ikerketa bat abiarazteko eskatu die. Dirudienez, hainbat delitu egin izan litezke prozesu horretan.
4 zenbakiko Instrukzio Epaitegiko titularrak errefusatu egin du Bankiako lau aholkulari auzipetzea. Pertsona horiek finantza erakundearen administrazio taldean burtsan sartu baino lehenago barneratu ziren, hau da, 2011ko uztailaren 20 baino lehen, autoaren arabera.
Zure interesekoa izan daiteke
Tubos Reunidoseko Amurrioko eta Trapagarango batzordeek bilera egingo dute astelehen honetan, EEEaren inguruko jarrera erabakitzeko
Enplegu Erregulazio Espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.