Etxegabetzeen legea aldatzea PSOErekin adostu nahi du Gobernuak
Gobernuak etxegabetzeen legea aldatzeko asmoa duela iragarrio du Soraya Saenz de Santamaria Gobernuko presidenteordeak. Ideia nagusia egoera horiek saihesteko neurri "eraginkorragoak" gaineratzea da, eta neurri horiek PSOErekin adostea.
Ministroen Kontseiluaren ostean emandako prentsaurrekoan, errefoma hori "lehenbailehen" onartu nahi dutela esan du Saenz de Santamariak.
Hori dela eta, Gobernuak lantaldea osatu du Ekonomia, Ogasun eta Justizia Ministerioekin, besteak beste, etxegabetzeak geldiarazteko dauden "legezko aukera guztiak" aztertzeko.
Lehen bilera egin dute dagoeneko. "ministroen arteko goi-bilera izan da", eta hurrengo pausoa ministroen sailek eman beharko dute, hartu daitezkeen neurrietan sakontzeko.
Halaber, Gobernuak legearen erreforma beste alderdiekin aztertzeko "borondate osoa" duela azpimarratu du Soraya Saenz de Santamariak, "batez ere PSOErekin". Erreformak batzuen eta besteen ideiak bildu nahi ditu onarpena adosteko.
Jaiegunen aldaketa
Bestalde, presidenteordea jaiegunetaz ere aritu da. Esandakoaren arabera, Enplegu Ministerioa jaiegun erlijiosoak astelehenetara mugitzea negoziatzen ari da Gotzainen Biltzarrarekin, erkidego autonomikoekin eta gizarte-eragileekin (patronala eta sindikatuak). Erabaki horrekin zubiak saihestu eta enpresen produktibitatea handitu handitu nahi dute.
"Aurrerapausoak ematen ari gara eta urtea amaitu baino lehen akordioaren berri ematea espero dugu", esan du Saenz de Santamariak.
Madrid Arenako ezbeharra
Madrilen ostegunean gertatutako ezbeharrari dagokionez, presidenteordearen hitzetan "Gobernuak ez du zalantzarik izango behar diren aldaketak egiteko" eta antzerako ezbeharrak ekiditeko. Madrid Arenan egindako jaian hori gazte hil ziren eta beste bi oso larri daude.
Era berean, Poliziak ikerketa abian duela azpimarratu du, eta Gobernuak "ikerketa horien emaitzak arreta osoz jarraituko dituela" azaldu du.
Ez du erreskatea baztertu
Erreskatearen eskaeraz galdetu diotenean, Rajoyk esandakoa berretsi du: Gobernuak ez duela erreskatea baztertzen, baina eskaera espainiarren interesentzako onena dela ikusten duenean egingo duela.
Zure interesekoa izan daiteke
Hernani, Tolosa eta Lezo etxebizitza-eremu tentsionatu izendatu dituzte
Izendapen horiekin, Euskadin dagoeneko 14 udalerri daude tentsionatuen zerrendan, eta litekeena da laster Arrasate, Zestoa, Pasaia eta Basauri ere gehitzea.
Bi greba egun deitu dituzte Amurrioko Tubos Reunidosen
Amurrioko eta Trapagarango lantegietako beharginen batzordeak Bizkaiko egoitzan bildu dira, otsailaren 9an zuzendaritzarekin egingo den lehen bileraren aurretik jarrera bateratua finkatzeko. Negoziazio mahaiko ordezkaritza adostu dute, baina, lanuzteei dagokienez, Amurrioko plantan bakarrik egingo dira. Trapagarango langileek ez dituzte babestu grebak.
Urrearen eta zilarraren prezioak behera, pasa den astean markak hautsi ostean
Pasa den urtarrilaren 29an ezarri zuen urreak bere azken marka (5595,47 dolar), eta zilarrak ere bai (121,65 dolar).
Tubos Reunidoseko Amurrioko eta Trapagarango batzordeek bilera egingo dute gaur, EEEaren inguruan zer jarrera hartu erabakitzeko
Enplegu-erregulazio espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.