Larak pobreziaren aurkako plana proposatu dio Rajoyri
Cayo Lara IUko koordinatzaile nagusiak Mariano Rajoy Gobernuko presidenteari langabeziaren eta pobreziaren aurkako plan bat proposatu dio, 1.500 milioi eurogatik. Indar politiko guztiek esku hartzea ere aholkatu dio, etxegabetzeen arazoari irtenbidea jartzeko.
Larak proposamen hori egin dio Rajoyri, Moncloa Jauregian izandako bileran. IUko buruak, horren osteko prentsaurrekoan azaldu duenez, "zintzotasunez eta argitasunez" egin dute.
IUko buruak esan du ez dela Rajoy "politika zehatz batzuk zein gaizki egiten ari den" esatera joan Moncloara, krisiaren aurrean proposamenak aurkeztera baizik. Halaber, presidenteak neurriak ondo begiratuko dituela nabarmendu du.
Ordu eta erdi (aurreikusitakoaren bikoitza) iraun duen bileran, ez da erreskatearen gaia irten. Lararen hitzetan, Rajoyk badaki ezin duela defizita mantendu, ezta zor "hain altua" ere; hori Gobernuko presidentearentzat kezka handia dela azpimarratu du.
Larak argi utzi dio aurreikuspen ekonomiko guztiak beherantz egiten ari direla (gaur bertan Europako Batzordeak Espainiaren defizita 2013rako % 1,4ra pasatu du, Gobernuak % 0,5ean jarri zuen).
Gobernuak egindako murrizketek eta doitasun neurriek ekonomia "uzkurtu" dutela nabarmendu du. Halaber, Larak bere egoera familiarra azaldu dio Rajoyri: bi seme-alabek unibertsitateko karrerak dituzte, bata langabezian dago eta bestea kanpora joan da han lan bat aurkitzen saiatzeko.
"Hori ez da herri honentzako etorkizuna", azaldu du Larak, eta Rajoy errealitatearen jakituna dela gaineratu du, defizitaren eta zorraren arazoak konpontzen oso zentratuta egon arren.
Ez du bileratik promesik eraman, baina bai Rajoyk proposamenak aztertuko dituen konpromisoa, besteak beste, lanpostuak sortzeko planarena, lan erreforma bertan behera uztearena eta Europako batez bestekoarekin zerbitzu sozialen konbergentzia proposamenarena.
Zure interesekoa izan daiteke
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.