CAFeko langileek beste lau lanuzte egingo dituzte
CAFeko Beasaingo fabrikako langileek lau lanuzte partzial deitzea onartu dute astelehen honetan. Halaber, aste honetan zehar bi manifestazio egitea onartu dute, zuzendaritzak aurkeztutako lan-erregulazio txostenaren aurkako protestatzeko.
Langileek gaur amaitu dute mobilizazioen lehenengo fasea, lau orduko lanuztearen bidez.
Halaber, batzar bat egin dute greba partzial baten egutegiaren inguruko bozketa egiteko, enpresa batzordeak ohar batean jakitera eman duenez.
CAF enpresak lan gutxiago dagoela esanda arrazoitu du lan-erregulazio txostenaren aurkezpena (869 langileri eragingo die, 51 eta 61 arteko lanegunetan, egunean 350 pertsonako maximoaz).
Txosten hori 2013ko urtarriletik ekainera bitartean gauzatuko da, eta lanaldiaren % 20ari eragingo dio, sindikatuen arabera.
Plan horren aurka egitek, langileen batzordeak lau orduko lanuzteak deitzea onartu du, abenduaren 4ean, 5ean, 6an eta 10ean. Aldeko 1.261 boto izan ditu, eta 48 kontra.
Hilaren 5ean langileek manifestazioa egingo dute Ordiziako kaleetan barrena (Gipuzkoa), eta 6an Donostian izango da.
Langileen ordezkarien hitzetan, mugimendu hauen helburua "enpresak atzera egitea da lan erregulazio txostena aurkezteko aldebakarreko erabakian, eta batzordearekin hitz egiten hastea, beste aukera batzuen bitartez egoerari irtenbide bat jartzeko asmoz".
Zure interesekoa izan daiteke
Pradalesek aliantza politiko berri bat aldarrikatu du, Europak "benetako autonomia" izan dezan "berrindustrializazioan"
'Bilboko Adierazpena' sinatuta amaitu da 'Leaders Meeting – Fit For The Future' goi-bileraren bigarren edizioa, Bilbon. Europak "oparotasun jasangarria, industria-lehiakortasuna eta autonomia estrategikoa sortzeko" duen ahalmena indartzea eskatzen du agiriak.
Volkswagenen lege urraketen aurrean "isilik" egotea egotzi dio ELAk Nafarroako Gobernuari
Sindikatuaren arabera, Lan Ikuskaritzak "iruzurrean" egindako 146 aldi baterako kontratu atzeman zituen Volkswagen Nafarroan eta 93 kontratu mugagabe egitera behartu zuen enpresa. Oraindik, ez duela agindua bete salatu du ELAk.
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, enpresak iragarritako 301 kaleratzeei aurre nola egin erabakitzeko.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzain izateko hautagaien % 59k gainditu du psikoteknikoa, baremazioa aldatu ondoren
Zupiria sailburuak berretsi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.
Osakidetzako LEPen filtrazioengatik ahozko epaiketa egitea agindu du Gasteizko epaile batek
2018ko maiatzaren 20an egin zen Kirurgia Plastiko, Estetiko eta Konpontzaileen espezialitateko azterketarekin lotutako bi pertsona eseriko dira akusatuen aulkian.
"Muga-zergak gorabehera, urte ona izan da makina-erremintarentzat"
Xabier Ortueta AFM clusterraren zuzendariak adierazi duenez, "aurten, eskarietan, AEB gure lehen merkatua izan da. Eskarien % 22 handik jaso ditugu". "Egoera kudeatzako zaila da, baina ondo manejatu gara makina-erremintaren behar handia dutelako", gaineratu du Ortuetak.
Cebeken ustez, greba mugagabea "ez da irtenbidea" eta Tubos Reunidosen "akabua" izango litzateke
Cebeken presidente Guillermo Bucesek gogorarazi duenez, Bizkaiko patronalak ohartarazi zuen TRk "bere ekoizpenaren zati oso handi bat Amerikako merkatura bideratuta" duela, "% 45 edo % 50 inguru", eta "merkatu hori, % 50eko muga-zerga ezartzeagatik, bat-batean desagertzen bazaizu, lantegien bideragarritasuna kolokan jartzeko moduko arazo bat duzu".
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.