Bizkaiko gasolindegietako sindikatuek irtenbideak eskatu dituzte
Bizkaiko gasolindegietako greba batzordeak patronalaren jarrera kritikatu du, izan ere, horren hitzetan, patronalak ez die lan erreformaz haratago negoziatzeko aukerarik uzten.
Aitor Amor greba batzordeko ordezkariak jakinarazi duenez, greba hasi zutenetik patronala ez da beraiekin harremanetan jarri negoziatzen hasteko.
“Sindikatuok eskatzen dugun gauza bakarra gaur egungo hitzarmena mantentzea eta blindatzea da, ez gara diru gehiago eskatzen ari, baina patronalak lan erreforma aplikatzea soilik eskaintzen digu”, gaineratu du.
Gaur greba mugagabearen bosgarren eguna dute langileek. Aitor Amorrek helarazitako datuen arabera, grebaren jarraipena % 90ekoa izan da, eta aurreko egunetan bezala, ez da inolako istilurik izan. Halaber, grebarekin bat egin ez duten gasolindegietan hainbat pikete informatibo izan omen dira.
Lanaren oinarriak aldatzeko “tresna guztiak” enpresarien eskura jartzea egotzi dio Aitor Amorrek Alderdi Popularrari. Gaineratu duenez, lan erreforma Mariano Rajoy Espainiako presidenteak enpresariei egindako “oparia” da.
“Uztailean amaitzen diren hitzarmen asko eta asko berritu gabe daude oraindik, enpresariek nahiago dutelako lan erreformako neurriak aplikatu eta ez negoziatu”, adierazi du.
Zure interesekoa izan daiteke
Tubos Reunidoseko langileek arazoak eragin dituzte Bilbon, Sabino Arana etorbidea moztuta
Protesta une erabakigarrian etorri da: borondatezko bajak baieztatzeko azken eguna da, eta sindikatuek enpresaren presioak salatu dituzte.
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.