Cementos Lemonako langileek greba egiten jarraituko dute
Cementos Lemonako langileen batzordeak, LAB eta ELA sindikatuek osatuta, iragarri duenez, langileek epe zehaztugabeko greba egiten jarraituko dute, Lan Erregulazio Txostenaren ondorioz 20 langile kaleratzearen kontra daudela adierazteko eta, ohartarazi dutenaren arabera, "kaleratutako lankideak bueltan ez diren bitartean, ez dugu planta martxan jarriko".
"Jakina da Cementos Lemona beste enpresa baten menpe dago, CRH enpresaren menpe, hain zuzen, langileak bazter batean utzita sei hilabetez negoziatu eta gero", salatu dute LABen Bilboko egoitzan egindako prentsaurreko batean. Halaber, esan dutenez, CCOO eta UGT sindikatuek enpresaren alde egin dute "kaleratzeen kontrako helegitean, kaleratzeak Madrilen negoziatzea babestuta".
Halaber, jabe berriekin bilera bat izan dutela azpimarratu ostean, langileen hitzetan, "jabe berriek planteatu dutena lantegia berriz martxan jartzea izan da, plan bat barik, ezta kaleratzeei konponbide bat izan barik ere".
Nabarmendu dutenez, jabe berriekin bilera izan eta gero, LETaren ondoren kaleratutakoak etor daitezen "akordio batera iristeko" borondatea azaldu dute.
Kolaborazio gehiago eskatu du CRHk
CRH eraikuntza materialetako nazioarteko taldeak Cementos Lemonako "langileak gehiago kolaboratzeko" eskatu dute, "taldearen ohiko jarduerara ahalik eta arinen bueltatzeko".
"CRHren helburua Lemona marka berregokitzea da, zementuaren jarduera zentralean eta horren ondorengoetan. CRHren asmoa Cementos Lemona eraginkortasun handiagoko lantegian bihurtzea da, goi mailako kalitatezko produktu batekin eta bezeroari zerbitzu bikaina eskainiz", gaineratu dute.
Zure interesekoa izan daiteke
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosek Gipuzkoako Batzar Nagusietan duen bozeramaileak adierazi duenez, bere alderdiak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke eta ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko egin duen eskaera. "Eragile guztiok partekatu beharko genuke diagnostikoa eta neurriak jarri beharko genituzke hori murriztu ahal izateko", gaineratu du.
Donostia nabarmendu da hiribururik garestiena bezala: 6107 euro metro karratuko
Donostia alde handiz kokatu da hiribururik garestiena bezala, Madril, Bartzelona, Palma eta Bilboren aurretik. Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Bere aldetik, Industria sailburu Mikel Jauregik esan du datorren otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.
Honela banatzen da ostatu turistikoaren eskaintza Euskal Autonomia Erkidegoan
Euskadiko Turismo Enpresen eta Jardueren Erregistroaren azken datuaren arabera, gaur egun 88.604 turismo-plaza daude, ia erdia Bizkaian. EAEko 19 udalerritan 750 ostatu-plaza baino gehiago daude.
Eusko Legebiltzarrak uko egin dio etxebizitza-edukitzaile handien erregistro bat egiteari
EH Bilduren eskariz eztabaidatu da gaia Osoko Bilkuran. Koalizioaren jatorrizko ekimena baztertu egin dute bozketan, baita Sumarren zuzenketa bat ere; aldiz, EAJren eta PSE-EEren zuzenketa bat onartu da. EH Bilduren proposamenak edukitzaile handien erregistro bat eegitea eskatzen zuen, izan pertsona fisiko naiz juridikoena, Nafarroan edo Katalunian daundenen gisan.
Interes-tasak % 2an mantendu ditu EBZk, bosgarren aldiz, merkatuek espero bezala
Europako Banku Zentraleko (EBZ) Gobernu Kontseiluak joera aldatu gabe jarraitzea erabaki du, 2025eko ekainean malgutze-zikloa eten ondoren. Ziklo horrek oinarrizko 200 puntu murriztu zuen diruaren prezioa, beheranzko zortzi doikuntzen bidez.