Urkullu: '2013. urtea, historia berriaren urterik okerrena izango da'
2013. urtea "historia berriaren urterik okerrena" izango dela adierazi du gaur Iñigo Urkullu lehendakariak. Krisi ekonomikoaren ondorioz, herritarrak "akituta" daudela gaineratu du eta, horren aurrean, "erantzukizuna, errealismoa eta zuhurtzia" praktikan jartzea proposatu du.
Urkulluren hitzetan, "hortzak estutu eta aurrera" egiteko garaia da, "goraipamenak itxaron gabe". Lehendakariak esan du lagundu nahi ez duenik ere egongo dela, eta horiei itxaron gabe ere, Euskadik aurrera egingo duela.
'Agirre Lehendakaria Zentroa'ren aurkezpenean egin ditu Urkulluk adierazpen horiek. Lehendakariarekin batera, Iñaki Goirizelaia EHUko errektorea, Mario Fernandez Kutxabankeko presidentea, Juan Jose Ibarretxe lehendakaria (zentro horretako zuzendaria izango da) eta Peter Coleman eta Andrea Bartoli Columbiako eta George Mason Unibertsitateetako ordezkariak, hurrenez hurren, izan dira.
Urkulluk azpimarratu duenez, 2013. urtea "historia berriko urterik okerrena izaten ari da, eta izaten jarraituko da". "Deabruzko egoera baten aurka egiten ari gara", azpimarratu du.
Krisiaren eta "itxaron faltaren" ondorioz, herritarrak "akituta" daudela berretsi du Urkulluk. Krisi ekonomikoari aurre egiteko, Euskadik "munduari" begiratuko diola agindu du.
Gaur inauguratu duten ikasketa zentroa, Euskal Herria mundu akademikoan ezagutzera emateko bokazioz jaio da. Juan Jose Ibarretxe lehendakaria izango da zentro horretako lehendakaria.
Albiste gehiago ekonomia
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.