Urkulluk lehentasuna emango die hezkuntzako inbertsioei
Iñigo Urkullu lehendakariak esan du Eusko Jaurlaritzarentzat "hezkuntza herri mailako erronka" dela eta, "baliabideak urriak" diren arren, "lehentasuna" emango diela hezkuntzako inbertsioei, "etorkizunean eta garapenean inbertitzea" dela iritzita.
Urkullu Kalitatea Hezkuntzan sareak ematen dituen sarien banaketa ekitaldian izan da Cristina Uriarte Hezkuntza, Hizkuntza Politika eta Kultura sailburuarekin batera, berrikuntza alorrean eskolek egin duten lana goraipatzeko.
Lehendakariak ekitaldian hitza hartu duenean azaldu duenez, "hezkuntza Eusko Jaurlaritzaren apustua" da, "garapenerako eta aurrera egiteko oinarrizko zerbitzua" delako.
Hori horrela, "momentu txarrean" eta baliabide urriekin daudela onartu badu ere, euskal gizarteak aldarrikatzen duen "lehentasuna" emango diote hezkuntzari, "etorkizunean inbertitzea" baita.
Urkulluk gogorarazi du hezkuntza sektorean hasi zuela berak ibilbide profesionala, eta sektoreko langileek "kalitatezko irakaskuntzarekin, parte-hartzearekin eta etengabeko hobekuntzarekin" duten konpromisoa azpimarratu du.
Zure interesekoa izan daiteke
Euskal Hirigune Elkargoa ikertzen ari dira ur zikinak itsasora isurtzeagatik
Alzheimerra geldiarazteko gai diren bi botikak gizarte segurantzan sartzeko galdegin dute neurologo eta elkarteek
Aita Mennik lehen hiru solairuak ireki ditu berriro, hildako bat eta 18 zauritu eragin dituen sutearen ondoren
Migratzaileen aurkako tentsioak gora egin du Ceutan, Negu Gorriaken aurkako protesta batean
Ikastetxeetan pantailak nola erabili aztertzen ari direla aitortu du Pedrosak
Poliziak airera tiro egin du Ceutan, "Negu Gorriak/Derecho a Techo" elkarte nafarraren etorreraren aurkako protestan
Klinika bateko erabiltzaile bat atxilotu dute, hildako bat eta 18 zauritu eragin dituen sutea piztea egotzita
AP-8aren Zarauzko irteera itxita egongo da astelehen gauean, Irungo noranzkoan, lanak tarteko
