Jaurlaritzaren Aurrekontuak, atalka
Eusko Jaurlaritzak aurkeztutako Aurrekontua 9.316,7 milioi eurokoa izango da 2013. Urterako, iaz baino % 10,8 txikiagoa.
Aurrekontua sailka aztertuz, arlo sozialeko gastu-politika garrantzitsuenak "diskriminazio positiboa" izango dutela azpimarratu du Jaurlaritzak. 2012. urtean Aurrekontuaren % 72,7 suposatzen zuten, eta aurten, % 73,9 izango dira.
Osasun Sailari dagokionez, % 4,2 murriztuko dute. Sailaren oinarrizko partida, Osakidetzaren finantziaziorako Kontratu Programa, 2.732,4 milioi eurokoa izango da (Sailaren aurrekontu osoaren % 73), eta % 1,7 jaitsiko da. Farmazia-gastuek eta osasun pribatuarekin egindako itunek, % 8 eta % 4,2ko jaitsiera izango dute aurten, hurrenez hurren. Farmazia gastuetarako 521 milioi xedatu dira eta osasun-itunetarako, berriz, 241 milioi.
Hezkuntza, Hizkuntza Politika eta Kultura Sailak 2.630,5 milioi euroko aurrekontua izango du (% 10,1eko murrizketa). Hezkuntza Sailean murrizketa txikiagoa izango da, % 7koa hain zuzen. EHUri egindako ekarpena (261,4 milioi) % 6,9 jaitsiko da, Haurreskolak Partzuergoaren finantziazioa (40,5 milioi) % 10 eta hezkuntza-itunetara xedaturiko zenbatekoa (557,3 milioi) % 1 murriztuko da. Eskola-jangeletara eta eskola-garraiora xedaturiko partidak % 0,4 haziko dira.
Enplegu eta Gizarte Politiketako Sailak 796 milioi euroko gastua izango du, iaz baino % 25,9 gutxiago.
Bestalde, bazterkeria sozialaren aurka borrokatzeko politika nagusiak ordaintzera xedaturiko partidek ez dute murrizketarik jasango eta, horren ondorioz, 2012ko Aurrekontuetako zenbateko bera errepikatuko da. Diru Sarrerak Bermatzeko Errentaren ordainketari aurre egin ahal izateko diru-kopurua 280 milioi eurokoa da, Etxebizitzetako Gastuetarako Prestazio Osagarriari dagokiona 42 milioi eurokoa eta Gizarte Larrialdiko Laguntzak estaltzera xedaturikoa 17,3 milioi eurokoa.
Aurrekontuen doikuntzak eragin handiagoa izango du politika publikoetako beste esparru batzuetan, inbertsioak egiten dituzten Sailetan bereziki, hala nola Garapen eta Lehiakortasun Sailean, Enplegu eta Gizarte Politiketan (etxebizitza arloan) edo Ingurumen ta Lurrande Politika Sailean.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.