BBKk, Kutxak eta Vital Kutxak gizarte-ekintza murriztu dute 2013an
Gizarte-ekintzara 32,8 milioi euro bideratuko ditu BBKk aurten, 2012an erabilitakoaren erdia. Entitateko batzar nagusiak aurrekontuak onartu ditu gaur. 2012an, 64,9 milioi euro erabili zituen gizarte-ekintzan.
EAEko hiru aurrezki-kutxek gaur batzarrak egin dituzte, Kutxabanken integratu ostean. Hiru batzarrek gizarte-ekintza izan dute hizpide, finantza negozioa bankuaren eskuetan geratu zelako, eta funtzionamendua ez da batzarretan eztabaidatzen dagoeneko.
Aurrezki-kutxek mozkinen % 30 gizarte-ekintzara bideratzen dituzte. Mario Fernandez Kutxabankeko presidenteak iragarri duenez, BBKren etekin guztia gizarte-ekintzan erabiltzeko baimena eskatu dio gaur Espainiako Bankuari.
Murrizketak mozkinen jaitsieraren ondorioak dira: iaz Kutxabankek 84,6 milioi euroko mozkinak lortu zituen, hau da, 2011n baino % 65,5 gutxiago. Beherakada kutxen gizarte-ekintzara heldu da orain.
Oposizioko talde politikoek (Bildu, PP eta PSE) gizarte-ekintzaren murrizketak kritikatu dituzte. Lehenengoak kontrako botoa eman du, eta beste biak abstenitu dira bozketan.
Gizarte-ekintzako langileek lan-baldintzak mantenduko dituztela esan du Fernandezek.
Etxegabetzeak
Batzarreko beste gai nagusia etxegabetzeak izan dira, eta Kutxabankek orain arte jokatu duen papera.
Kutxabankek etxegabetzeak saihesteko esfortzuak egiteko eskatu diote taldeek entitateko presidenteari. Bilduren datuen arabera, 237 pertsona exegabetu dituzte, edo etxegabetzeko prozedura martxan dute BBKn.
Mario Fernandez haserre azaldu da: "Etxegabetzeen kritikak Kutxabank dute jomuga arrazoiren batengatik, gainerako bankuek egingo ez balituzte bezala".
Kutxa
Bestalde, Kutxako batzarrak ere kontuak onartu ditu gaur, baita 2012ko likidazioa eta gizarte-ekintzako 2013 aurrekontua ere. Aurten aurrekontua 14,91 milioi eurokoa izango da, iaz baino 23 milioi gutxiago.
Xabier Iturbek Kutxaren batzarra zuzendu du Donostian. Administrazio Kontseiluko kudeaketa txostenari babesa eman diote 38 kontseilarik, beste 32k kontrako botoa eman dute eta hiru abstenitu dira.
Kutxako batzar nagusia. EFE
2012ko gizarte-ekintzaren kitapenak, kudeaketa planak eta aurrekontuak aldeko 38 boto jaso dituzte, 33 kontra eta bi abstentzio.
Batzarrak lau orduko iraupena izan du eta kontseilari ugarik hitza hartu dute.
Vital
Era berean, Vital Kutxako batzar nagusiak 6,5 milioi euroko gizarte-ekintza aurrekontua onartu du gaur. Horrela, iaz baino milioi bat gutxiago bideratuko du gizarte-ekintzara. Murrizketak partida guztietan izango dira, eta laguntzak arrazionalizatu beharko dituzte.
Vital Kutxako batzarra. EFE
Gazteen alokairua laguntzeko 'Vitalquiler' programa bertan behera geratuko da 2014an. Planak beharrizanak betetzen baditu aztertu behar dute orain.
Murrizketen aurka elkarretaratzea egin dute Vital Kutxako egoitzaren aurrean, Salburuan, "Bizileku eta etxerik gabe, kalean eta pijaman" lelopean.
Zure interesekoa izan daiteke
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.