EAJ, PSE eta Bildu astelehenean bilduko dira zerga-ituna negoziatzeko
EAJ, PSE-EE eta EH Bildu alderdiek bilera egingo dute astelehenean Eusko Legebiltzarrean, jeltzaleek eta sozialistek lortu duten zerga-itunaz hitz egiteko.
PPrekin elkartu ziren EAJko eta PSE-EEko ordezkari berberak izango dira segur aski asteleheneko bileran: Rodolfo Ares eta Iñaki Arriola (PSE-EE) eta Pili Garcia Salazar eta Joseba Aurrekoetxea (EAJ).
Akordioaren berri emango diete EH Bilduko ordezkariei, eta bereziki zerga alorrean jarriko dute arreta; izan ere, arlo horretan koalizioarekin akordioa lortzea posible ikusten dute, Bilduk Gipuzkoan PSE-EErekin akordioa sinatu duela ikusita.
Ostegunean Politika Orokorreko osoko bilkura egingo dute Eusko Legebiltzarrean, eta Gasteizko ganberako pasilloetan modu informalean popularrekin hitz egiten jarraituko dute, horiek ere itunera batzea lortzeko. PPrekin berriro biltzeko datarik, baina, ez dute jarri.
Jeltzaleek eta sozialistek azaldu dutenez, zerga politika onartzeko osoko bilkura irailaren 26an izatea aurreikusten badute ere, litekeena da negoziazioak hortik aurrera ere luzatzea: "26rako dena prest izaten ahaleginduko gara, baina gero ere denbora izango dugu, ituna Batzar Nagusiek berretsi behar dute eta".
Batzar Nagusiek abenduan onartuko dituzte aldaketa fiskalak. Irailaren 26tik aurrera denbora izango bada ere, horrek ez du esan nahi negoziazioak abendura arte luzatuko direnik, EAJko eta PSE-EEko ordezkarien arabera.
Albiste gehiago ekonomia
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.